退休仍專注運動 橫掃國際網賽壯年組 吳光正封雙料冠軍
2021/05/08 04:12:38 網誌分類: 生活
七十四歲嘅吳光正參加由香港元老網球總會和香港網球總會合辦嘅「香港國際超壯年網球公開賽2021」，喺七十歲或以上男子組別中，勇奪單打同雙打冠軍，分別獲頒獎座同埋二百蚊美金。佢噚日喺三十度高溫下打幾個鐘，認真唔講得笑！
小妹知道吳光正對於獲獎感到好興奮，而且佢每年都會參加唔同運動比賽，希望鼓勵更多長者勤做運動，保持健康嘅體魄。
吳光正喺一五年辭任九倉集團董事局主席嘅職務，退休之後有更多時間專注做運動，小妹都好佩服佢嘅毅力！
Kelly Chu
■吳光正（左）勇奪七十歲或以上組別嘅單打同雙打冠軍，分別獲頒獎座同埋二百蚊美金。
回應 (0)
我要發表