5月尾推高結算

2021/05/28 18:53:38 網誌分類: 經濟
28 May

港股創月內新高, 力守29000高位結算, 繼續尋頂

28/5 周五恒指收29124, 升11點,

6月份恒指期貨加權平均開倉水平分別為28879
6月國指期貨加權平均開倉水平分別為10692

5月上旬港股由淡友主導, 14/5低見27715雙底回升, 5月下旬由好友主導大市, 今日收29100之上, 為18/2見頂31183回落以來, 周線收得最高的一天, 反映好友已奪回主導權, 不過今日係結算日, 不能作準, 按照月尾3升3跌的慣性, 下周一恒指會收跌, 如能收升, 幅度也不會大, 因為過去4個月, 每月最後一天, 淡友都會出手, 場外期指結算日例插, 不過下周一係月結日, 尾市係畫月線的關鍵時刻, 好友當道, 未必肯放手, 31/5美國假期, 美股休市一天, 冇左美股制肘, 1/6港股又會有大龍鳳, 大鱷點玩都得,

內地股市連日急升係受人仔爆升及MSCI買盤所推動, 昨日MSCI成份股變動完成, 今日不但失去這些買盤, 老外更變臉沽A股, 內地股市隨即掉頭向下, 中港股市同步尋頂, 同步回落, 下周一港股亦要再下試29000, 28900附近的牛牛今日剛出世, 26/5上升裂口28929~29028未回補是後患, 要慎防港股出現後抽, 震走好友才繼續尋頂

大媽連續兩日走貨, 係利淡訊號, 不過只要守得住28800, 就會再沖頂(29336), 今日港股創月內新高, 恒指高見29336, 月波幅已擴大至1620點, 已進入1500~2000點月波幅的達標範圍, 亦符合4月細波幅(1131點), 5月就會係大波幅(1620點)的預測, 恒指仍在大媽最愛的28500~29500框框內, 看來拖到6月就會向上突破, 第一關就要上破4月頂部29405

港股連跌三周後止跌回升, 隨後連升兩周, 確認27715已見底, 完成調整, 重拾升軌, 不過本周恒指周波幅約1100點已達標, 每月頂部下移, 正路今個月不應升穿上月頂部29405, 可能拖到6月首周才破頂而上, 確認港股轉勢向上, 頂部上移, 因為突破28800後, 以600~1100點周波幅來看, 下個星期就要升穿29405來擴大周及月波幅

自從26/5恒指收復29000大關, 每日收市都在29000之上, 6月份人人向上望30000大關, 不過以1500~2000點月波幅來看, 6月份點都要再插穿29000來擴大6月波幅, 如果上証失守3600, 就會進一步拖低港股, 中港股市同步尋底頂, 要上証突破3650~3700, 恒指才能殺上30000

27715(底)+1500~2000(月波幅)=29200~29700(5月目標), 前頂阻力在29405/29912, 估計拖到6月才上攻

港股新舊經濟股接力推高大市, 輪流回氣再上, 港股往往係一插即彈, 5月上旬由淡友主導, 恒指跌幅大.升幅細, 5月下旬好友奪回主導權, 恒指升幅大.跌幅細, 後市當收市跌幅超過200點收大陰燭就要小心, 淡友累積龐大空倉, 早晚會作出反擊

++++++++++++++++++++++++++++++++

恒指5月不窮.6月續升抑或補跌?

根據過去20年統計數據, 恒指14次跌.6次升, 反映5月係高危月, 因為過去20年4月多數大升, 5月獲利沽壓湧現, 5月業績公布期多數係見光死, 加上股份除凈, 好息之徒沽貨拖低大市, 但今年的5月份卻是反常, 只係5月上旬大插, 月中已止跌回升, 皆因人民幣突然轉強, 內地發行港科企ETF, 北水掃科企, 推動科指急升重上8000大關, 加上月尾MSCI成份股變動, 被動買盤掃A股, 三大利好因素推動恒指重上29000, 上証突破3550大位隨即站穩, 推動恒指收復所有平均線, 破頂而上, 阿爺好.港股好

道指恒指差價仍然係有效指標, 港股追緊落後, 5月中港股跌過龍, 恒指大幅跑輸道指6700點(4月最多跑輸5400點), 近來恒指已追到只係相差5400點, 大幅收窄差距, 反映港股正暗暗轉強, 有買盤趁低吸納, 早前弱雞的國指一度插穿250天線, 不過近日已經轉強收復200及250天線

港股技術指標全面向好, 期權分析師認為6月係好倉底, 散戶畏高走貨, 大戶買上, 中港股市通常係同步尋底頂, 係同一方向, 回顧3月份上証企3500樓上, 當時恒指就係在29000之上游走, 近日上証突破3600水平, 如能站穩, 有望推動港股更上一層樓,

物極必反,VHSI恒指恐慌指數今日收16.25, 52周低位在16.11,隨時會反撲, 預示港股會有震盪, 不會一路殺上去, 今次港股彈上29000我一路減磅,因為超級血月之月食(26/5)+水星逆行(29/5~22/6)+日食(10/6),陰氣重,會有後著,大市有暗湧, 指數升但唔少股份卻向下走, 看來6月又會係好淡通殺的月份

大媽繼續走貨, 港股通(滬)連續兩日出現資金凈流出, 月中港股觸底反彈係靠大媽密密大手掃貨, 但呢兩日大媽開始沽貨獲利, 大媽鬆人係利淡訊號

一環扣一環

今日恒指一如所料收升, 不過僅升11點, 今日升得少, 就會限制了下周一的下跌幅度

5月尾MSCI增加A股比重, 買盤湧現==> 推高內地股市==>港股跟住上

27/5 MSCI成份股變動完成, 上証見頂3626回落

28/5 MSCI買盤消失, 老外趁高沽貨獲利==> 推低內地股市==>港股跟住落山

人民幣及內地股市急升, 通常阿爺都會出手干預, 要內地股市完成調整再沖頂, 港股才會再上

=====================

6月份:

31/5 美國陣亡將士紀念日, 金融市場休市, 港股夜期休市, 1/6港股自由行

股民申請 iBond 抽走市場資金

水星逆行(29/5~22/6)

有玄學家指出未來兩個月(5/6~6/8), 即立秋前金融市場特別動盪

6月首周華為新機發布會, 或會影響小米股價

恒指成份股變動於6月7日生效, 加入恒指新貴, 而騰訊.友邦.匯控等權重股將面臨削減比重, 4/6當天成交會急增, 大龍鳳的一天

6月7日富時指數調動

10/6 日食

16~17/6 聯儲局議息, 股匯債會再起風雲

6月尾基金半年結

==============================

1月恒指高低位 (1月波幅3112點)

27079~30191 (1月波幅3112點)

2月恒指高低位 (2月波幅2801點)

28382~31183, 18/2見頂回落, 展開尋底之旅  {#icono_71}{#icono_71}{#icono_71}

3月恒指高低位 (3月波幅2407點)

27505~29912 月初見3月頂後大插創今年第二個低位

4月恒指高低位 (4月波幅1131點)

28274~29405

5月恒指高低位 (5月波幅1620點)

27715~29336

自從18/2恒指見頂回落, 已是連續3個月頂部下移, 不過25/3低見27505, 以及14/5低見27715出現小雙底, 加上連升兩周, 疑似轉勢向上, 6月份有望突破前頂29405.29912, 展開新升浪, 不過29500及29596會見阻力

6月恒指高低位 (估計6月波幅超過1500點)

以5月高低位27715~29336為藍本, 估計6月底頂上移, 破頂不穿底, 亦不應低見28000, 因為大媽一直力守28500, 往往插穿即彈, 5月未上破前頂29405係大鱷留力引淡友入局, 反正5月已做夠月波幅, 拖到6月才破頂就可擴大6月波幅

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股回調整固, 消化沽壓, 儲力向上

31/5 周一恒指收29151, 升27點, 連升2天, 靜候破頂時機

科企領軍.QQ尋頂.港股尋頂

今日恒指回吐, 低見28909, 大鱷殺了剛出世的貼價小牛, 全數回補26/5上升裂口28929~29028, 後抽完成, 隨即急彈收復所有失地收升, 重拾升軌, 恒指已是連續兩日收陰燭, 幸好是收升的假陰燭, 近來恒指升2~3日就回吐, 不過按照慣性走勢, 每月開局第一天都係收升

今日港股及上証雖然收升, 但唔少內銀內險等指標股都逆市下跌, 反映沽壓未除, 按照慣性走勢今日上証及港股理應收跌, 但卻受三孩政策推動, 午後突然拗腰倒升收市, 市場氣氛佳, 人人向上望, 一回就見買盤掃貨

本周五恒指成份股調動, 多隻減比重的股份例如友邦.匯控都急挫, 似是偷步沽盤, 畢竟友邦.匯控上周都升至高位, 獲利沽壓非輕

27/5 MSCI變動完成, 相關買盤消失, 老外趁高沽貨獲利, 今日上証表面上收升, 其實內銀內險油企茅台比亞迪全面下跌, 走勢欠佳, 幸好內地消費股午後走高, 推高內地股市

人行為壓抑人民幣升勢,宣布上調金融機構外滙存款準備金率2個百分點,為14年來首次, 拖低人幣敏感股內銀股, 越南出現傳染力極強的超級變種新冠病毒, 拖低炒復蘇的舊經濟股, 大鱷沽出舊經濟股換入新經濟科企, 不過今日港股表面上收升, 但四大板塊金融公用地產都下挫, 只得工商分類(QQ)力撐大市, 科企表現亮麗, 皆因大媽掃QQ及美團

VHSI恒指恐慌指數大升1.85%, 代表港股調整未完, 後市如收市跌超過200點就代表恒指已見短頂, 如果係小跌, 代表大市升勢未完, 好友仍未放手, QQ今日急升, 係托市功臣

今日竟然係熊食胡鬆人, 牛牛上移及加倉, 不過貼價仍然係熊肥牛瘦, 瑞信牛熊分布:

上周五: 9588張牛 VS 7562張熊

今日: 8891張牛 VS 3827張熊

最新回應

試下學下
試下學下 2021/06/21

大家要小心了 {#iconb_284}期貨淨數指下跌動力由丫爺轉至外資大戶,即係美股就快吾掂

丫爺托市大戶有所防範,不過要等時機

最新牛熊兩邊都瘦,我做大戶又要養下等爆邊,同時間做埋小幅收升滿足升市日數

日日出陽燭畫到出哂面,等老散拿番錢接埋貨

c6
c6 2021/06/21

道期彭彭聲

點止 就快升空

港股 升空才對

c6
c6 2021/06/21
@門徒...

大師謝🙏教導 我有感恩圖報

雖然唔喜歡飲茶 但我會請家人飲茶

門大師  大元帥👍話博美股反彈 👍

大元帥師父真係令人羡慕😘有炒股才能🥳

~~~

soho*
soho* 2021/06/21 01:01:01 回覆

我想博道指反彈, 但搵唔到道指正向ETF, 凈係搵到標普/納指正向及反向ETF

門徒
門徒 2021/06/21

道期彭彭聲 {#iconb_620}我好似沽早左咁