(河馬仔賽馬專欄)2021/05/30

2021/05/30 02:09:19 網誌分類: 賽馬

30 May

三季累績：- $309283

今次就揀一揀第九場，三班1200米拆組賽事。

位置Q三馬膽
3「胆大威猛」雖然以往真係慢步速得手居多，上場都不例外，但此駒上場「波」入到直路都係咁望外面，其實咁跑法最後失手被「大紅蜂」所擒，某程度唔知鞍上人想點。當然此駒里程未必好多，但今場對手可能比上次更弱，而幾明顯內欄快馬同樣較少，今場可能係黃金機會，再講此駒之健康估計都唔頂得好多轉。
9「運來福星」雖然感覺似「潘」棄騎，而「潘」「徐」配以往戰績都近乎一季一W，而且極少贏馬後放手馬能即有貨交，之不過上場對手話好水都好，此駒鮮見走三疊冇遮擋入直路輕鬆如此，而上從化後復肥算好現象，雖然「徐」今日似布陣極弱，但今季師徒仲未有合作W，此駒看似近兩仗傷後越來越似樣，以往少見之象驚都試試。
10「會長之星」雖然都係升降機一名，但上場在外檔早早放頭贏得隻明星馬「四季喜」都算有能力，而此駒不知為何配「樂」特別夾之餘，雖然冇乜進步，但每逢此程一檔又總係近得到，再者，此駒今場可能喜遇快馬少，未必有能力勝出但仍有入一席之機會，至少磅位並非加得好多。

後備位置Q馬
7「佐治勇駒」當然操練係有間斷，但此駒在外地跑窄場係有SPEED，而非後上馬，此駒在從化順利出閘的一次明顯走勢順好多，此駒未必好超但有一定的前速及能力，而此駒也是大隻份子，改跑法會有可能好同的。

其他馬匹
1「帝豪寶寶」近兩W也是超乎預期地好，上場過隻「顏色大師」都感覺相當艱辛，而此駒檔口轉差，在兩場前的第二，基本上也是會被走甩，今場加分及拼博已多，而轉倉後此駒用「明」真係PLACE都未見，驚用得太盡有一定疑問。
2「錶之銳」泥地1200米現在都可能略短，田草就更加咁耐都冇場好。
4「合衷共濟」今季看似連前速都欠缺，上場留後一試都合理但真係衝都唔多衝，有可能之前博得太多可能有排回。
5「創建群英」外地贏中距離之餘，仲要係要放散對手才得，之不過此駒之放頭速度非短途速度，而且外地韁口相當敏感，等增程。
6「南區有」本身相當均速，1400米又太長，但田草1200米又看似唔多夠快，而田泥贏的一場又有點好彩比佢走得順之餘可以只拍住一隻放頭馬，今次回田草自己就唔敢高估此駒。
8「張燈結綵」都好少見呢個倉不停轉程，但轉極都冇乜野睇晨操仲係極急。
11「都柏名駒」晨操冇乜特別，但上場話直路早段有塞，但及後有哂位都係唔多追，感覺真係冇乜進步。
12「神龍駒」此駒1800米都可能未必快，以前1400米都係要後追，1200米唔知會點。
13「晨曦飛馬」谷草「拉」個幾場都跑到盡，但隻馬尺寸到極，現時在田草都係困難，季初兩次跑同程都未算惡劣的形勢下都係未見有能力入圍的，四班谷草確安全。
14「騰飛塔」雖然此倉今季有一隻「醒目再臨」由「巴」轉「綸」入圍，但上場如單計此駒前速慢得幾緊要之餘，末段其實追得唔銳，現時在三班未有一場見到有好表現之下，可能都係先觀望落班較佳。

(河馬仔賽馬專欄)2021/05/30真金投注紀錄