形容人生似打機 要玩到「升呢」 財爺南山邨訪舊地 與同學仔分享經歷
2021/06/07 04:12:21 網誌分類: 生活
波叔出身基層，喺南山邨長大，睇嚟幾鍾情自己成長嘅地區，過去時不時就到訪南山邨嘅商場同街市。近日佢以神秘嘉賓嘅身份，出席當區一間中學嘅畢業禮。唔少同學仔見到波叔突然出現，相當意外，上前同佢打成一片，相談甚歡，一齊影相留念。
今年畢業嘅呢批同學，上課考試都幾經疫情影響，相當唔容易，o依家考完DSE等緊放榜，唔知升學定工作好，心情肯定忐忑。波叔喺畢業禮上為佢哋打氣，並分享自己嘅成長經歷，話中學畢業嗰時，佢都對前路感到迷惘，後來做暑期工搵到感興趣嘅發展路向，又鼓勵同學仔唔好驚失敗，形容有時人生就好似打機，要有玩到能「升呢」嘅決心，先可以發現自己嘅潛能。
Kelly Chu
回應 (0)
我要發表