寄語創科鬥士抽空陪屋企人 薛永恒讚父甘做開荒牛闖出事業
2021/06/21 04:12:14 網誌分類: 生活
薛永恒喺短片中祝大家父親節快樂。佢話，爸爸由內地來港，當年一邊讀夜校一邊同師傅學機械工程，當時係「有食無工」嘅年代，即有三餐食但無工資，令佢覺得爸爸又勤力又捱得。佢話，爸爸學有所成之後試過開廠創業，曾經試過發展不順而「一鋪清咗袋」，後來把握改革開放嘅機會，去到內地做「開荒牛」，結果成功闖出一番事業，改變咗屋企嘅命運。
薛永恒話，自出任創科局局長以嚟，不時同初創企業及年輕人交流，見到佢哋嘅堅毅拼搏同大膽創新，腦海便會浮現父親嘅影像，而佢依家都係兩個子女嘅父親，希望以身作則，將父親嘅拼搏精神傳承落去。
佢同時希望大家，特別係喺創科路上拼搏嘅朋友，趁父親節抽空陪伴家人。
Kelly Chu
回應 (0)
我要發表