21~24/6 月尾3升3跌+好淡通殺

21/6 周一恒指收28489, 大跌312點, 結束兩連升

港股成也QQ.敗也QQ

美元強爆殺上92.3之上, 資源商品價格下挫, 加上美股四權結算, 拆倉潮拖累美股上周五(18/6)急跌, 不過道指已連跌5天, 平了今年最長連跌記錄, 上次道指五連跌後道指就大幅反彈, 所以今晚(21/6周一)美股彈高機會極大, 有助穩住全球股市

上周美股急跌主要係受四權結算拖累, 呢浸拆倉潮已結束, 加上本周基金半年結, 美股不會一沉不起, 只要美元回落, 就可推高股匯商品價格, 港股就可借勢作出反彈, 上周恒指2升2跌, 即係未來幾天港股不會日日跌, 會係跌下彈下, 每周升跌日數多數係2~3天, 不會走單邊

上周五港股反彈見頂28830回落, 底頂下移, 尋底市每周都會有新低, 即係本周要插穿上周低位28216, 如果守得住冇破底, 就代表28216已見底, 大市已轉勢向上, 變成尋頂市,  如上証重上3550, 就可推動港股重上28500/10500, 人民幣連續三日大跌, 拖低中資股的估值, 內銀內險內房走勢疲弱, 要等這些弱股止跌回升, 港股才能重拾向上動力

老外大媽齊齊走貨, 大媽狂沽QQ, 大媽走鬼港股冇運行, 要大媽掃貨才能穩住港股, 等QQ觸底回升, 港股就會同步彈高, 由於今個月恒指升市日數少得離譜(10跌4升), 估計月尾會補漲, 升市日數會增加, 全世界都博反彈, 牛熊分布好得人驚 15208牛 VS 4244熊, 幸好熊熊亦下移至28600附近, 由後日(周三23/6)起就步入月尾6天跌下彈下的市況, 希望大媽及好友生生性性護盤維穩, 好友亦等緊百年黨慶阿爺出手撐市

上次轉節氣立夏(5/5)港股立即向下, 今次夏至(21/6)港股下至, 看來夏天不利港股, 近來港股窄幅波動, 方向難辨容易企錯邊, 好淡通殺, 股民入市輸多贏少

~~~~~~~~~~~~~~~~~~~~~~~~~~~~~~~

恒指底部上移震住上

恆指上半年低位:
04/1 27079
25/3 27505
14/5 27715

上面數據顯示每個底都上移200~430點，即係今個月低位會係高過27715, 如市強就會係28150附近見底(27715+430=28145), 上周四(17/6)低見28216, 非常接近回調目標, 今個月可能已見底,

大鱷大媽係有底線，睇住來出手，唔會容許大市一路碌落山, 因為只要冇破前底，基金經理及技術派就會相信上升勢頭未破壞，會繼續入市，如此一來, 就可幫手推高大市, 大鱷大媽想高位派貨的話，就不應插穿上面3個底，因為破底會觸發斬倉盤，令跌勢加劇，嚇到冇人敢入市, 跌下彈下炒窄幅上落，殺千點內的牛熊，震走遠牛熊，大鱷反而賺得更多

22/6 周二恒指收28309, 跌179點, 連跌2天

港股成也QQ上証.敗也QQ上証

上周四低見28216單日轉向, 倒升收市, 出現見底訊號, 見底後理應反覆上升, 本周連插兩日就不合理, 測市指標預示今日港股會收升, 但竟然收跌, 希望係大升前最後一跌的震倉, 如果明日續跌, 就真係災,

既然月初期權分析師說6月係好倉底, 開倉水平在 28879, 只要過去3個星期呢班好友唔投降, 6月尾就係反擊的時間窗口, 以周波幅來看, 如能守住28000~28200, 就會再上攻28800.29000.29490

6月首3周港股大插, 恒指由高位29490嘔1275點低見28216, 通常市弱嘔約千點就會拗腰急彈, 但今次卻在低位徘徊, 可能係因為大媽狂沽港股套現, 拖低大市, 好友想等大媽出完貨才反擊, 好友未推高港股亦有可能係等上周美股四權結算插完才出手

美元見頂回落, 失守92, 資源商品價格及新興市場貨幣反彈, 美股急彈利好全球股市氣氛, 上周恒指2升2跌, 本周暫時2跌, 即係未來3天不會日日跌, 升市日數會增加, 因為每周升跌日數多數係2~3天,

上周五港股反彈高見28830回落, 連續兩日底頂下移, 但今日低見28299, 雖然跌穿周一低位28315, 但未有破底插穿上周低位28216, 如果明日守得住, 就代表上周28216已見底, 確認港股已轉勢向上, 由於今個星期周波幅未達標, 未來幾日就要升穿過去幾日高位28590.28830來擴大周波幅, 順道屠熊, 只要上証站穩3550, 港股向上動力就會增強

上証力守3500, 連續兩日收3550之上, 連升3天, 上証死唔去, 上周五(18/6)創月內新低見3503就止跌回升, 可能係百年黨慶維穩盤, 上証力守3500, 恒指就守得住28000水平, 恒指於17/6見底28216, 兩地股市同步於見底當天拗腰收復失地, 同步尋頂, 走勢似5月份

老外大媽沽盤略為收斂, 要看明日老外大媽會否掃貨, 由於今個月港股升市日數少得離譜, 估計月尾會補漲, 熊熊已亦下移至28600附近, 明日(周三23/6)起就步入月尾6天跌下彈下的市況, 按照慣性走勢月尾多數係3升3跌, 今次要補漲可能升超過3天, 希望大媽及好友生生性性護盤維穩

港股報復式反彈, 重上10天線, 繼續尋頂屠熊

23/6 周三恒指收28817, 大升507點,

港股成也QQ上証.敗也QQ上証

測市指標預示昨日港股會收升, 但竟然收跌, 拖到今日才爆升, 昨日插水, 今早大裂口高開收大陽燭, 剛好收復過去兩日的失地, 收於上周五的水平, 即係原地踏步, 確認過去兩日下挫係大升前最後一跌的震倉, 亦反映大鱷想用拖字訣, 咬住大市在主波動區28300~29000就算數, 拖到臨近結算才飛天, 部署高位結算

今日港股爆升挾淡, 淡友回補空倉, 升勢過急, 明日獲利沽壓會湧現, 要消化沽壓後才能再上衝, 上証升8點收3566, 連升3天, 站穩3550, 有利上攻3600, 只要上証企3600, 恒指就可上企29000

中港股市係同步尋底頂, 同步見底頂, 炒港股就要睇住上証及人民幣表現, 留意老外大媽的買賣手影, 對港股升跌會有啟示

昨日牛熊分布勁多牛 vs 小熊, 係8:2, 今日港股飛天, 放生了幾千張肥牛, 牛牛大舉食胡, 但大鱷只係殺了近千張小熊, 係得不償失, 幸好今日貼價熊加倉, 最肥係28900~29100, 有上攻誘因, 亦可順道擴大周波幅,

QQ低見$573, 未有跌穿昨日低位$571.5, QQ見底, 港股見底, 利好, 不過大媽缺水, 仍然繼續沽出QQ套現, 幸好今日沽盤收斂, 所以港股彈高高

恒指高低位28299~28893, 本周波幅只得594點, 只係勉強達標, 如不破底就要升穿28893來向上擴大周波幅, 由4月起, 唔計特細及特大周波幅, 恒指通常有540~800點周波幅, 特大波幅就有約1100點, 到今日為止本周波幅有594點, 代表恒指仍有上升空間, 如果推到上29100周波幅就有800點, 如果做1100點周波幅可見29400, 向上阻力28979.29000.29200.29490

過去幾周高位阻力: 28830.28946.28979.29004.29490

周五(25/6)好淡大鱷打交位: 28801

=============================

有網友問: //有無想過6月份埋單會係收升?//

人仔弱, 大媽半年結等錢用, 大舉沽貨套現, 上月收29151, 收升係高難度, 但大鱷刻意一直壓住大市唔俾升, 拖到月尾才出手, 大市有條件補漲, 大鱷又似乎想收升, 只要人仔止跌回升, 上証殺上3600, 港股6月收升亦有可能

我一直有諗會不會係收升月呢? 因為月初期權分析師說今個月係好倉底, 而且有下列利好因素:

~ 基金經理執倉埋半年結, 想hea埋今個月, 專心睇波, 回調目標睇28000附近, 認為無論點震都會推番上28200(結果低見28216已見底), 所以就算港股大跌亦唔會跟住走鬼, 過去幾周係大媽的沽盤拖低港股

~ 今個月港股升市日數未達標, 月尾或會補漲, 即係月尾6天慣性3升3跌有變, 升市日數會多過跌市日數

~ 月尾有百年黨慶維穩盤

~ 七一回歸記念的大好日子前, 收拾反中亂港黃媒蘋果日報, 假如蘋果執笠導致港股暴跌隊穿28000落地獄, 反對派就有藉口唱衰香港沒有新聞自由, 導致外資撤離港股, 亦會令人心惶惶, 所以阿爺有必要托市維穩

~ 上周美股拆倉導致股市及商品價格急挫, 四權結算完, 正路本周會係反轉版, 即係股市及商品價格會急彈

~ 美股基金經理都要埋半年結, 上周美股插水, 本周理應推番上去埋數

~~~~~~~~~~~~~~~~~~~~~~~~~~~~~~~~~

~ 今個月收市U盤多數係踢高, 係好友護盤訊號, 港股於6月上旬反覆急跌, 月中觸底回升, 反映好友健在

~ 多隻測市指標股已於日前觸底反彈, 轉勢向上, 對大市具啟示作用

~ 上証港股同步於6月中見底, 只要上証冇破底, 港股亦不會獨自破底, 目前中港股市同步處於尋頂勢頭

~ 道指恒指差距大幅收窄至約5100點, 6月上旬係跑輸道指5600~6000點, 反映港股已暗暗轉強, 走勢向上,

~ 5月上旬港股反艇, 5月下旬飛天, 好友反敗為勝, 6月上旬反艇, 亦有可能好似5月一樣, 6月下旬飛天, 大鱷就可好淡通殺

~ 恒指連跌3周, 平了今年最長跌浪, 上次連跌3周後就連升兩周, 要看今次會否歷史重演, 首先第一步就要本周五(25/6)收28801之上, 結束連跌3周的劣勢

~ 上証連跌3周, 只要本周收升, 本周五(25/6)收3525之上, 港股亦有望同步周線收升, 下周就有望挑戰前頂29490

~ 恒指連跌3周, 回調時間已足夠, 壞消息亦已消化, 通常拖到20號之後就會見真章, 好友推高大市部署結算位,

~ 水星逆行剛結束, 中港股市震完就要上山, 大鱷不愛炒單邊市, 千多點上落炒波幅, 好淡通殺

~ 大媽大鱷一直想咬住28500~29500做主波動區間, 過去幾個月係兩邊爆都企唔穩, 縮番入主區間內,

24/6 周四恒指收28882, 升65點, 連升兩天, 繼續尋頂屠熊

上周四(17/6)港股見底, 轉勢向上, 周四五(17~18/6)連升兩天, 走勢靚靚, 但本周一二卻突然連插兩棍, 可能係震倉, 亦有可能係淡友推低港股逃命, 早前元帥已預測本周美股會大反彈, 因為上周大跌, 本周就要推番上去做基金半年結,

人行向市場注入流動性, 上証連升4天, 站穩3550, 收3566, 港股亦得以站穩28500, 上攻29000.29500....尋頂市每周都會有新高, 預示下周會升穿明日高位

港股連升兩日已穩住市場信心, 技術指標向好, 沽壓收斂, 買盤進場, 基金半年結粉飾櫥窗, 明日係畫圖日, 好友想周線出大陽燭, 就要再推升, 如能收29000之上, 強, 如能收29151之上, 超強, 6月收升機會大增, 下周有望挑戰前頂29490, 昨日一棍大陽燭收升507點, 已確認好友已奪回主導權, 下周二(29/6)會於高位結算, 呢幾日沽空急降, 淡友已閃

今日恒指即市波幅只得211點, 創兩個星期以來最細波幅, 連上証即市波幅都急降, 係大龍鳳先兆, 明日淡友要買定官才, 今日高見28993, 刻意於29000關前卻步, 扮乏力再進, 係詐死, 窒窒步升目的係震牛引熊, 結果大量熊熊飛撲入市, 中伏了, 29000樓上每百點都有肥熊, 只要淡友繼續入局, 就可一路上攻屠熊, 足以彌補放生幾千張肥牛的損失

周初老外仍繼續沽A股, 但呢兩日卻大手掃貨, 剛好配合人仔止跌回升, 因匯市形勢好轉, 美元於92之下游走, 人民幣結束五連跌, 收升76點子報6.4732, 如明日人仔繼續走強, 利好, 港股明日食粥食飯睇阿爺, 18/6上証見底3503後收復失地, 其後日日收升, 滬深成交回升至每日都有萬億元, 反映人行逆回購(放水)已紓緩了金融市場的壓力, 股市有水則生, 中港兩地股市有運行, 當內地股市成交縮, 就係見頂訊號, 中港股市同步見底頂, 當上証見頂回落, 港股就會反艇

由4月起, 唔計特細及特大周波幅, 恒指通常有540~800點周波幅, 特大波幅就有約1100點

28299(底) + 800點周波幅 = 29100 (本周第一個目標)

28299(底) + 1100點周波幅 = 29400 (本周第二個目標)

~~~~~~~~~~~~~~~~~~~~~~~~~

6月尾基金半年結, 美股港股都見粉飾櫥窗手影, QQ觸底回升, 代表好友已奪回主導權, 部署高位結算

港股要飛天賀: 七一百年黨慶+香港回歸紀念+毒果日報執笠+踢走廢官張建宗+警隊一哥升任保安局局長

阿爺加大逆回購力度(放水)以紓緩6月尾銀根緊

周五(25/6)畫圖日最好收29151之上