7月初港股高危續尋底

2021/07/05 23:18:04 網誌分類: 經濟
05 Jul

港股洗倉式急瀉, 見頂後連跌5天, 破位而下, 繼續尋底屠牛

5/7 周一恒指收28143, 跌167點,

上周已說國指ETF罕有地登上五大沽空榜首係利淡訊號, 結果真係國指率先破底創今年新低, 拉住港股落山, 預示恒指亦將會跌穿前底27715.27505.27079, 6月維穩結束, 7月港股有災味, 估計月波幅大, 向上泰山壓頂, 惟有向下爆邊, 港股仍未有見底跡象, 今日低位28042必破, 因為周波幅及月波幅遠遠未達標, 不會開局兩天這麼快見大底, 前底27715亦危危乎, 27900附近有約1300張肥牛, 牛肥熊瘦利下殺

上証表面上收升15點收報3534, 但其實表現差劣, 權重A股內銀茅台油企收跌, 茅台罕有地跌穿2000人民幣大位, 係強烈利淡訊號, 反映內地股市整體表現的恆生A股行業下跌50點, 代表龍頭A股表現差, 港股成份股仍未出現見底訊號, 代表中港股市下殺危機未除

美元回軟, 人民幣略為反彈, 港匯弱雞, 老外大手狂掃A股, 錄得大額資金凈流入內地股市, 上証彈高, 以全日最高位收市, 但A股內銀內險茅台腳軟, 加上受政策打壓的港科企急挫, 所以港股唔跟內地股市升, 市弱沽壓大, 預示明日港股會創新低, 中港股市同步尋底頂, 當上証插穿3500大位, 恒指亦會同步隊穿28000大位, 後市要向前底27715.27505.27079進發

6月係細波幅的維穩hea月, 按照慣性走勢7月就會係大波幅, 估計會跌穿6月低位28216/10469來擴大月波幅, 大方向要插穿1月低位27079來擴大年波幅

~~~~~~~~~~~~~~~~~~~~~~~~~~~~~~~~~~

科企受政策打壓拖低大市

過去兩個月大媽密密沽出中芯, 大媽走鬼貨愈跌愈有, QQ潛行凶間, 大媽沽盤及肥牛是罪魁禍首, 大媽大手狂沽港股, 由開市沽到收市, 所以港股早市一彈就散, 插水創新低, QQ破位而下, 跌勢加劇, 可能係創新低導致發行商沽出QQ的衍生工具對沖貨, 以及止蝕斬倉盤出籠,

美期下跌, 美國獨立日假期, 今晚美股休市, 美股大牛市, 不斷破頂, 扯走炒港股的資金, 所以美股愈升, 港股愈跌, 各行各路

涉及非法收集用戶數據, 剛於美國上市的滴滴出行遭阿爺勒令 APP 下架, 由於QQ及阿里都持有滴滴出行, 今日就洗倉式捱沽, 市傳美國正掀起集體訴訟滴滴出行,

阿爺監管措施震散港股, 新經濟科企捱沽, 舊經濟股逆市上升, 力托大市, 可能係大戶/基金換馬避險, 亦可能係扮守得住28000來震熊引牛, 28000樓下級級有肥牛, 最肥在27900~28040, 要買定官才,

估計七一後內地會陸續出台監管措施, 6月份百年黨慶維穩港股波幅超細, 估計淡友搬倉到7月份, 抑壓的爆邊需求由28/6展開, 踏入7月份續瀉, 6月半年結後, 基金經理冇左制肘, 點炒都得, 唔使再粉飾櫥窗托市, 大可趁今早彈上去丟貨, 等低位回補來炒波幅

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股洗倉式急瀉, 見頂後連跌6天, 破位而下, 繼續尋底屠牛

6/7 周二恒指收28072, 跌70點,

涉及非法收集用戶數據, 剛於美國上市的滴滴出行遭阿爺勒令 APP 下架, 勢必拖低在美上市中概股, 今日科企捱沽反映港股形勢進一步惡化, 多位基金經理睇短線回調目標見28000~28200, 但今日隊穿28000後仍未有見底跡象, 看來大鱷想下試前底27715食肥牛餐, 牛肥熊瘦利下殺, 恒指28000亦唔撐得幾耐, 建行國壽明日除息會拖低大市, 小鵬汽車明日上市

國指低見10189, 續創今年新低, 下一站10000大關不容有失, QQ昨日低見$548.5不會是底, 因為仍未有見底跡象, 今日收升報$559, 只係死貓彈, $550唔撐得幾耐, QQ莊家老早已走光, 所以六七月QQ反彈乏力, 愈跌愈有, 恒指要隊穿前底27715, QQ就要領跌, 大媽繼續沽QQ, 利淡,

以周波幅及月波幅計, 港股仍有下跌空間, 下跌速度就要視乎上証表現, 7月真係有災味, 6月維穩抑壓的沽盤大爆發, 所以港股日日跌, 今年恒指最長係七連跌, 恒指目前係六連跌, 仍未有見底跡象

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

7/7 周三恒指收27960, 跌112點, 見頂後連跌7天, 繼續尋底屠牛

港股弱勢持續, 底頂下移尋底格, 日日跌, 全民皆艇, 今日恒指略為跌穿5月低位27715見27703後即彈, 收窄跌幅扮跌唔落, 其實月波幅未達標, 3月低位27505早晚必破, 要向1月低位27079進發, 早已說過當跌穿基金經理短線回吐目標28000~28200都唔彈就係災, 斬倉盤會令大市急挫, 閒閒地會有二三千點月波幅, 要插穿27079才能擴大年波幅

有阿爺打壓措施做後盾, 淡友已完全控制大局, 期指未平倉凈數加倉, 牛係熊的四倍半, 沽空增加, vhsi恒指恐慌指數急升, 看來港股難逃一劫

恒指七連跌後, 股民唔敢再造淡, 無論個股抑或指數都有大量博技術性反彈盤, 假如你係大鱷會點做? 彈上去就會放生好友, 而且向上阻力重重, 牛肥熊瘦, 27700樓下每百點都有勁多肥熊, QQ未見底, 港股亦未見底, 大媽繼續走QQ等新經濟股, 代表下殺危機未除, 不過大媽狂掃港交所, 才令港股跌幅收窄, 匯市不利中港股市, 可能有資金流走, 真係有災味, 美元強勢上破92.8, 人民幣連跌兩天, 港匯走弱, 利淡, 七一百年黨慶後, 阿爺加強監管中企力度, 在美上市中概股洗倉潮蔓延至港股, 後市不妙

最新回應

水滴石穿
水滴石穿 2021/07/30
@soho*...

元帅,你平时炒开哪些A股ETF? 

A50, 沪深300,还是创业50?

門徒
門徒 2021/07/30

死火走出横行勢添 {#iconb_625}

soho*
soho* 2021/07/30

史哥又話轉勢反彈行12天不要被動搖, 但說好的12天反彈浪 VS 反彈結束

前後矛盾, 即係點?

如果大家看淡8月, 月初開新局應先造頂, 然後尋底, 但如今卻說下周要破底, 唔明

門師兄又牛又熊, 好忙

下周一港股加印花稅, 高頻交易及大媽大鱷炒作手法會有何改變, 真係唔識估

早已說過好邪門, 大鱷吼實政府派錢, 股民左手交右手, 嘔突, 俾晒大鱷

門徒
門徒 2021/07/30

再熊返 {#iconb_625}