8~12/7 急跌急彈

8/7 周四恒指收27153, 暴跌807點,

美期急瀉, 港股亦偷步跟跌, 恒指連插8天, 創逾5年最長連跌浪, 今日恒指已失守200天線, 而收市位剛好落到250天線關鍵位附近, 仍未有見底跡象, 今日低位27110不會是底, 27000必穿, 要插穿4/1低位27079才能擴大月波幅及年波幅, 不過如果插穿27000嚴重超賣就會觸發技術性反彈, 到時就要看短炒一周的淡友會否食胡平空倉, 拉番港股上山

道指恒指差距已嚴重超標, 港股大幅跑輸道指, 代表港股跌過龍, 以往出現這種現象, 港股就會爆升, 收窄差距, 今個星期港股跌個不停, 以不會全周日日跌的慣性走勢來看, 明日插多一棍就要推番上去高收, 如未來幾日反彈出大陽燭, 有助化解連跌的劣勢, 只要穩住市場信心, 買盤就會進場幫手推高大市, 跌穿28000港股的估值具吸引力, 只係等見底訊號才能吸引投資者入市, 所以趁暴跌下試27000就係趁低吸納的靚位, 博反彈上28000

本周恒指4跌, 尚欠一日升市, 由於每周通常升2~3天, 本周升市日數太少, 下周多數會補漲, 升市日數會增加, 過去一直分析港股都提及大鱷大媽對28300有情意結, 無論點插, 今年周線都未見過連續兩周收於其下, 如下周仍受制於28300, 未能收於其上, 確認尋底未完,

由28/6高位29394回吐至今日低位27110, 累計下跌2284點, 元帥預測下跌目標睇會插穿27079, 通常出現驚嚇的一棍就係跌到水尾, 昨日阿爺放風將會降準放水, 據陸SIR分析, 明日或會作出宣布, 下周四(15/7)生效, 大鱷今日夾硬隊港股落山屠牛殺好友, 可能係想在正式宣布放水好消息前殺光肥牛才炒反彈, 淡友亦想拿拿臨推低大市於低位食胡,

~~~~~~~~~~~~~~~~~~~~~~~~~~~~~~~~

成交急增.轉勢訊號

今日港股成交大幅增加至$2052億係好現象, 通常見底或見頂成交都會突然急增, 因為暴跌創新低就會出現大量斬倉止蝕止賺盤, 創新高就會有追貨及平空倉買盤, 因而推高了成交金額, 預示今天或明天大市就會轉向, 恒指隊穿250天線筍價大平賣, 或會有補空倉買盤, 價值投資者/長線投資者/基金/短炒博反彈或會入貨

美元衝高回落, 失守92.5, 不過仍處於高水平, 港匯弱到不得了, 上証收3525, 跌28點, 亦未有見底跡象, 同港股一樣, 以月波幅計, 仍有下跌空間, 當上証插穿3500, 恒指亦要插穿27000, 如上証收於3500之上, 有助穩住港股,

近日港股跌勢過急, 跌幅過大, 加上本周未升過, 隨時會有技術性反彈, 26800~27100有肥牛待屠, 26800樓下只得瘦牛, 欠缺吸引力, 期權分析師睇26900係好友終極投降棄守位, 剛好係肥牛密集區

股民一場好夢已成空, 點升上來就點落番去, 去年12月尾由25998起步, 一路殺到去今年2月中見頂31183回落, 今日低見27110, 已跌穿去年31/12/2020收市位27231, 今日收27153, 估計點都會彈番上去27231, 如能站穩, 就會挑戰27500.27800.28000.28300..., 科指連跌7日, 已平了今年最長跌浪, 如果照跟, 明日科指就會反彈, 只要弱勢的科指走勢改善, 港股就有運行

今日港股止跌回升, 係因為上攻時辰到

~ 美國十年期債息彈上1.35%, 美元回落至92.2水平, 避險情緒紓緩

~ 牛牛已死得七七八八, 再插誘因下降

~ 恒指插穿4/1低位27079, 低見26861, 擴大了周.月.年波幅

~  QQ $510~$540牛牛好友全部陣亡

~  上証已跌穿6/7低位3497, 今日低見3485, 擴大了月波幅

上述任務完成, 所以今日港股拗腰彈升, 觸底反彈, 閒閒地升1000~1500點, 等熊熊下移及養肥, 大鱷就會出手, 估計下周港股會收升

12/7 周一恒指收27515, 升170點, 連升兩天, 繼續尋頂

八連跌好友陣亡, 大鱷殺完好友殺淡友, 港股連升兩天, 勢頭向上, 底頂上移, 恒指高見27741, 碌番落27420, 再彈上27500樓上收, 重返27500~29500大型橫行區, 大鱷詐死壓住大市升勢, 係想俾時間27800熊出世, 而28000附近的熊亦瘦, 大鱷想再養下先, 結果今日震走了少許牛牛, 引左熊熊下移, 養肥左

美元連日下跌, 人民幣結束四連跌, 收升120點子, 收6.4727, 匯市形勢利好港股, 今日未上27800係預留上升空間來頂部上移, 以及引熊下移, 俾時間淡友入局, 震走好友,

上星期我曾預測本周港股會收升, 假如係收升, 就不應在星期一見周頂(多數係周三四五), 所以今日高開低走, 大鱷留力, 就係想拖延時間

~~~~~~~~~~~~~~~~~~~~~~~

水到渠成

今日港股一度低見27420, 亦有可能係淡友推低港股逃命, 因為內地股市靚仔, 港股多數會跟升, 港股28000/10000不會一去冇回頭

港股雖然收陰燭, 但VHSI恒指恐慌指數大跌5.63%, 整體上升股份非常多, 大幅多過跌股, 測市指標出現利好訊號, QQ今日雖然逆市下跌, 收$534.5(低見$522.5), 不過仍處於底頂上移趨勢, 只要QQ重上$550, 港股上升動力就會增強

早前大媽狂沽QQ, 但今日滬大媽買QQ, 深大媽走QQ, 有大媽開始買QQ, 而不是單邊沽QQ, 利好港股, 大媽重倉QQ想減磅, 唔想賤價而沽, 所以上周低見$509.5就掉頭向上,

今日港股衝高回落, 收窄升幅, 呈陰燭, 係大鱷刻意拖慢上升步伐, 震牛引熊, 淡友果然入局, 今日熊熊下移, 開始增肥, 阿爺放水, 重上28000不難, 上證今日收3547, 升23點, 有大成交配合升勢, 中港股市同步尋頂, 只要上証重上3550, 有助推動港股重上28000/10000, 當上証見頂, 港股亦會同步見頂回落, 博反彈要數住每周升跌日數來睇位食胡, 牛牛正不斷上移是後患, 

從時間上來推斷, 由於恒指連跌8日, 所以反彈亦不會升一兩天就收工, 點跌落黎就點上番去, 按照升跌韻律的慣性走勢, 本周港股會收升, 即係未來幾日會係反覆上升, 繼續尋頂, 向上擴大周波幅, 道指恒指差距高達7355點的不合理水平, 港股跌過龍, 有條件追落後, 本周美股炒業績, 繼續燒煙花