何時學得成羽毛球
2021/07/13 04:13:29 網誌分類: 生活
未落場時，和波友們談起才知他們一直不曾放棄打羽毛球，可見他們真的很熱愛這項運動，故此當然就說出了很多羽毛球吸引人的地方，除了鬥智鬥力，還有一點很適合香港人去玩的，就是場館有冷氣！不管是下雨天還是大熱天，都可以在最舒適的環境下與波友會面，所以是最好的聯誼活動。
回想起來，幾年前我都曾經因為林丹而學打羽毛球，就為了更懂得欣賞他和李宗偉於奧運的世紀之戰，但很可惜，學了不久之後就踏入暑假，太多學生訂場打波，最終因為難以訂場而停止了學習。
現在和波友們說起，問到現時訂場的情況是否依然困難，他們都說差不多，不過都有過熱潮和沒那麼熱的時候，但過去最高潮的日子不是因為林丹，而是因為葉蒨文和鄭伊健。我聽後很驚訝：「最厲害嘅熱潮唔係因為林丹？」他們說：「唔係呀，係葉蒨文同鄭伊健，嗰時啲報章、電視經常講佢兩個打羽毛球，結果就多咗一班人一窩蜂去玩。」這又再次證明，明星效應比起專業運動員更具吸引力。
經過今次會一會波友，又惹起我的癮頭，想再次學習羽毛球，可惜暑假又要到了，恐怕又會再次難以訂場，有位波友立即說：「唔使等暑假，而家都已經好難Book場。」我就問：「點解呀？近幾年都冇咩其他出名嘅羽毛球運動員，唔通又再有明星打羽毛球？」他說：「比起明星同星級運動員更具力量嘅，係疫情呀。疫情下，所有運動都多咗人玩，就連偏門嘅運動都多咗人，何況咁熱門嘅運動？只需要一塊球拍、幾筒波，Book個場，一家大細又得，一班朋友又得，係最好嘅抗疫活動啦！」
對上一次我想學羽毛球而學不成是奧運舉辦年，今次再想學羽毛球又似乎會學不成也是奧運舉辧年，看來我和羽毛球的關係都和奧運一樣，要幾年才一次，希望下一次奧運年我能夠有緣學得成。
本欄長刊於《星島日報》專欄版
森美
回應 (0)
我要發表
好提議