木水火
木水火
木水火

美國遏華注定冇戲

2021/07/22 13:00:01 網誌分類: 時事
22 Jul

笑看天下:美國遏華注定冇戲   {#iconb_223}  

美國總統拜登今年一月上台以來,中美關係比起特朗普時期更差。事實上,拜登夥同西方盟友圍堵中國可謂變本加厲,最新嘅例子就係關於黑客問題,美國司法部日前起訴4名中國人,包括3名海南省國家安全廳官員,指控他們協調、協助和管理黑客,執行對中國有利嘅網絡攻擊。
拜登對此煞有介事表示,會考慮就中國嘅惡意網絡活動實施制裁。有網絡安全專家質疑,華府早前指控俄羅斯黑客網攻後,隨即宣布制裁俄國,今次卻無立刻行動,一味聲大大冇貨賣,認為做法有問題。中國外交部發言人直斥美國無中生有,並指美國才是全球最大嘅網絡攻擊來源國。事實係拜登以全方位戰略應對中國,佢修正特朗普政府單邊主義對抗中國嘅做法,轉向積極與盟友合作,除咗同日本、澳洲及印度展開「四方安全對話」,又與歐盟合作,共同應對所謂「中國威脅」。
老朽曾說,美國處處打壓中國,唔通真係應咗「木秀於林,風必摧之」?植物學有個名詞叫「頂端優勢」,原來植物的主莖頂端生長佔優勢,較容易吸收陽光和雨露,同時抑制着它下面鄰近嘅側芽生長,使其處於休眠狀態。這個「頂端優勢」現象,19世紀德國經濟學家李斯特作了個生動比喻,說當一個人攀上高峰,就會把他攀高時所使用嘅梯子一腳踢開,免得別人跟着上來。
拜登也許驚見中國的「頂端優勢」,除了勢兇夾狼圍堵中國之外,並且企圖一腳踢開那梯子!然而,英國《經濟學人》卻大潑拜登冷水,指中國即將成為全球最大經濟體,以中國為貿易夥伴嘅國家數目已是美國嘅近兩倍,做生意搵真銀還是圍堵中國重要?你說呢? {#icons_cat9}

https://orientaldaily.on.cc/content/要港要聞/odn-20210722-0722_00184_008/笑看天下:美國遏華注定冇戲

回應 (0)
我要發表
user