Kelly Chu
Kelly Chu
Kelly Chu

見證何詩蓓奪銀牌 市民齊聚東港城為打氣

2021/07/29 04:12:45 網誌分類: 生活
29 Jul
          繼張家朗勇奪東奧男子花劍金牌後,香港女飛魚何詩蓓昨早喺200米自由泳決賽成功衝銀,仲打破亞洲紀錄,成為香港歷史性首面奧運游泳獎牌!東港城一樓中庭昨早直播賽事,同時喺場內舉行一個奧運展覽。開賽前,場內有逾半百市民手持打氣棒,為港隊爭金集氣,當何詩蓓出場,人人歡呼,氣氛熱熾。

          就讀中大三年級嘅何小姐,與師妹齊來東港城看直播賽事,賽前佢話「無論香港選手做到點,佢哋已盡力,香港面對唔同社會事件,希望佢哋(選手)帶住香港人嘅精神,堅持唔好放棄,就算成績好唔好,已經凝聚我哋內心共同嘅回憶!」

          何詩蓓屈居亞軍,但為港隊創造歷史性勇奪游泳獎牌,何小姐話一啲都無失望,「做得好好!係香港出色參賽選手,見到佢有領先,大家都好出色,期待佢之後嘅進步同發揮,比賽贏咗自己已經好犀利!」

          林女士同朋友一早到場,等待看直播賽事,對於何詩蓓獲銀牌,佢直言唔失望,「佢咁叻,之前張家朗攞咗金牌,o依家佢攞銀牌,其實香港對運動員好差,支援不足,運動員全靠自己努力,係值得佩服!佢哋用私人時間練習,為港爭光,不計成敗得失。就算攞第二名,我都好開心。」

        Kelly Chu

        
■市民聚集在東港城一樓中庭為港隊打氣。p/  
 ■市民聚集在東港城一樓中庭為港隊打氣。

   

■何小姐希望運動員帶住香港人精神堅持不放棄。p/  
 ■何小姐希望運動員帶住香港人精神堅持不放棄。

   

回應 (0)
我要發表
user