29~30/7 好友挾高結算

2021/07/29 23:59:56 網誌分類: 經濟
29 Jul

結算日港股爆升挾淡, 連升兩天

29/7 周四恆指收26315, 大升841點

上証港股同步尋底頂

股災氣氛差, 全民皆艇, 彈上去就會惹來龐大沽壓, 蟹貨出籠, 今次急升係超賣的技術性反彈, 恐慌性拋售跌過籠, 往後多數會急彈, 本周初暴跌, 呢兩日就作出報復性反彈, 恒指已連升兩天, 按照恒指的升跌慣性走勢, 升2~3日就會回吐, 反覆上升, 直到見頂才重拾跌勢, 上証觸底反彈, 港股亦同步尋頂, 本周是收跌周, 淡友見大市升就加沽, 五大沽空有盈富.QQ.阿里.美團.港交所, 代表大市震盪未完

明日係星期五, 有周末沽壓效應, 獲利沽壓會加劇, 明日(30/7)係大鱷大媽沽貨避開1/8增加印花稅的最後機會, 對於重倉的大鱷大媽來看, 明日走貨對比下周走貨, 可以慳番唔少印花稅, 滬大媽今日繼續急急腳沽出QQ及美團, 唔係好現象,

上証收升50點報3411, 但茅台卻逆市大跌, 按此推算, 上証未必企得穩3400水平, 如明日茅台續瀉, 就會拖低中港股市, 以周及月波幅推斷, 今日上升裂口25520~25857回補機會大

今日港股爆升, 好明顯係挾淡, 想推上去靚價派貨, 挾淡逼空軍回補空倉係最有效的推升手法, 不過如QQ受制於$500關鍵位, QQ見頂回落, 就會拖低港股, QQ蟹貨多到不得了, 冇莊家睇場, 只係大鱷大媽挾淡倉, 炒上落來操控大市

由低位反彈1000~1500點可見26250, 今日高見26335已達標, 亦剛好去到阻力位26350~26500關前, 由24748反彈至26335, 升幅1587點, 已夠水位俾大鱷轉身, 博反彈今日食胡已經好和味, 後市如作出調整, 只要守得住25500, 代表反彈浪未完, 以每浸起碼千點計, 就會挑戰26500阻力大位

沽空急增至15.48%, 為一個月高位, 空軍加倉, 代表港股下殺危機未除, 以往沽空突然大幅增加, 翌日港股多數插水

今日港股雖然大升, 但升勢主要係靠挾淡殺科企空軍, 太多舊經濟股(例如內銀地產油企等)逆市下跌, 升勢並不全面, 沽壓大, 代表大市有暗湧, 美國證交會要求中企披露政府監管風險, 盈富基金為配合白宮的禁令, 禁止美國投資者購買盈富, 白宮禁止美資買賣中資股傳聞繼續發酵, 加上阿爺的監管措施沒完沒了, 皆不利市場氣氛

有匯市利好形勢配合, 大市上升動力通常特別強, 美元下跌, 人民幣爆升407點子, 港匯轉強, 係推動中港股市飛天的主因, 不過美國十年期債息持續處於1.3%之下, 怪不得金融股捱沽, 今日升市成交縮, 似係為了期指結算而推升, 好友作出垂死掙扎, 推上去逃命, 輸少一蚊得一蚊, 結算完見真章

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股急跌急彈, 貼價牛熊陣亡

30/7 周五恆指收25961, 大跌354點, 結束兩連升

今日恒指一度大插678點低見25636, 回補了部份下跌裂口25520~25857後急彈, 雖然收跌但表現唔算差, 因為既收復近一半失地, 收市位亦貼近26000, 亦守得住25800關鍵大位, 大鱷正在部署下周8月開新局, 初生BB牛熊都非常貼價, 要上攻下殺來擴大周.月及年波幅, 順道開餐, 向上挑戰26300~26500, 向下繼續回補上升裂口25520~25857

按照慣性走勢, 月初開新局會踢上去向上擴大周及月波幅, 當受阻而回才尋底, 向下擴大波幅, 由於中港股市同步觸底後掉頭向上, 港股何時見頂及破底就要看上証, 恒指連跌兩個月, 有財演指, 根據歷史統計, 七八月升跌多數係打孖, 即係7月跌, 8月亦跌, 其實今日港股收跌係好事, 既可消化急升後的沽壓, 壓低7月收市位, 亦可降低下周及下月收升的難度

27/7恒指創新低24748, 28/7上証創新低3312, 受結算因素帶動, 港股不但未有跟隨上証破底, 更率先作出反彈, 29/7上証亦彈高, 重上3350關鍵位, 齊齊止跌回升, 掉頭向上, 上証企穩3350後進一步挑戰3600, 收3397, 跌14點, 往後如上証重上3400, 有助推動恒指上企26000水平,

由23/7起中港股市連日暴跌, 當時老外大手沽出A股, 而大媽就大手沽出港股, 不過當上証於28/7見底3312, 老外就日日狂掃A股, 趁低吸納, 係上証觸底反彈的主因, 港股亦同步彈高高,

港股急跌就會急彈, 不會徘徊於恐慌性拋售的低水平, 7月份跌勢過急, 跌過龍, 大鱷不愛炒單邊, 連插後就會急彈, 好淡通殺

7月份大鱷大媽急於在1/8前沽貨減磅避開加股票印花稅, 加稅死線過後, 2/8(周一)形勢會否有所改變呢? 不必單邊沽貨? 推高派貨? 沽壓放緩? 換馬? 匯市形勢利好, 人民幣連升3日, 港匯轉強, 美元93.2打回頭, 於92穿梭

踏入8月份係業績期, 下周一(2/8)匯控及恒生將打頭陣, 呢幾日有資金流入匯控博增加派息, 6月尾黑雨那天恒指由29394展開跌浪, 玩左9日就急彈, 跟住向上玩左5~6日就急跌, 然後向下玩左7日, 27/7見底後展開反彈浪, 即係下周初會繼續尋頂, 由23/7起, 港股大幅波動, 恒指日波幅閒閒地都有500點, 炒貼價牛熊要小心

恒指頭肩頂量度跌幅可見25500, 27/7低見24748, 已超標完成, 好友全軍覆沒, 大鱷就變臉殺淡友, 23~27/7恒指連日急瀉, 27/7恒指收市位與道指差距高達10058點的爆錶水平, 過去幾周最多只係相差約7500點, 即係港股跌過龍, 恒指大幅跑輸道指, 目前恒指正在追落後, 收窄兩者差距, 今日差距為8616點, 代表港股仍有上升空僅

最新回應

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏

史哥
史哥 2024/03/27
@門徒...

門徒~

保證資金~咪即係你户口要確保要有嘅金額囉~

如果低過的話~會被迫強行斬倉 跟現實期期一樣~

因為有桿杆~

至於~手什麼美元手續費係咩~就唔知喇~可能係美股買賣交易手續費? {#icono0_33}

你有咁多問題~自己問客服啦~或者入群啦⋯⋯ {#iconb_23}