消費券到手 呢幾個商場優惠好啱使！
2021/07/30 04:13:45 網誌分類: 生活
想買家品家電，梗係要去HomeSquare喇！由8月1日開始，HomeSquare破天荒喺年度盛事「香港家居折」，加碼推出超過700件優惠商品，以低至21折發售，產品種類包括電器、傢俬、廚具、家品等，用Alipay HK、八達通、WeChat Pay或Tap&Go購物，仲可以用低至24折入手唔少優惠套裝，最高可得到高達$50商場優惠券，四重優惠瘋狂折上折優惠保證，大家都可以滿載而歸！
未諗好買咩，但想拎回贈，可以去荃灣廣場同新城市廣場。荃灣廣場由8月1日至9月26日期間，商場內消費滿指定金額，最高可得到$600商場贈券，達10%回贈優惠，而第二賞，The Point會員憑消費可享有高達5倍積分，儲積分換到更多精彩禮遇；新城市廣場由8月1日至9月30日馬拉松式推出「電子消費券加碼狂賞曲」，其中「2,000元雙重賞」讓顧客喺場內消費滿2,000元即送1,000元商場購物消費券，回贈高達50%。
諗吓諗吓覺得抽獎最抵玩，咁不如去利園區同朗豪坊shopping。希慎集團旗下利園區推出「全民三重賞」，送出總值逾$1,000萬獎賞，活動包括「會員大抽獎」，憑指定電子貨幣於利園區內消費，即可參加大抽獎，有機會獲得利園區電子禮券、iPhone 12 Pro同其他豐富禮品；朗豪坊由8月4日起一連兩個月推出日日有獎消費抽獎活動，有機會贏取HK$10,000朗豪坊商場現金禮券（名額30個）、100,000會員積分〈名額30個〉、De'Longhi Autentica Cappuccino全自動即磨咖啡機〈價值HK$13,888）等20,000份豐富獎品。
去Shopping前真係要比較吓唔同商場嘅優惠，同埋提提你要睇埋用咩支付工具最着數，一於揀定心水商場，再去大買特買喇！
Cally
回應 (0)
我要發表