20~24/8 25500穿梭.好淡通殺

2021/08/20 18:11:04 網誌分類: 經濟
20 Aug

港股急挫插穿25000秒殺肥牛後急彈, 收窄跌幅, 反彈在望

20/8 周五恆指收24849, 大跌466點,連跌兩天

今早大插低見24581,周波幅超標,月波幅已進入達標範圍,所以一插即彈,收窄跌幅, 一般來說,市弱午後會創即市新低,但今日午後已抝腰向上,因為有利好消息, 25000係超級超級關鍵大位, 不會一去冇回頭, 點都會彈番上去, 如能收於25000之上3天代表市強, 只要上証反彈, 美元回落, 好友就有藉口出手

港股温度計QQ一插即彈,倒升收市,具啟示作用,QQ尋底,港股尋底,QQ尋頂,港股尋頂, 下周一轉節氣處暑,港股又要變盤, 如能高開, 就係好友反擊訊號, 如能收25000之上利好, 就要向25500進發, 最低消費: 24581+600~800點=25200~25400, 如能上企25500, 上望25800關鍵阻力大位, 不過淡友會攔路

上証低見3395, 與2/8低位3367(28/7低位3312)形成高低腳, 走勢與港股一樣, 齊齊掉頭向上, 測市指標釋出利好訊號, 大市超賣, 會有技術性反彈, 正路阿爺推出這麼多監管措施, 冇理由任由股市大插, 人為股災, 等阿爺護盤, 港交所宣佈於10月推出A股指數期貨, 獲多家大行唱好

上証低見3395即彈上3427收, 收窄跌幅至38點, 俾我估中, 真係似阿爺護盤

鐘擺理論適用於股市,目前中港股市氣氛差, 股市深潛, 但物極必反, 股市是不會長時間處於不合理水平, 暴跌後就會作出報復性反彈, 插穿25000係跌過龍, 現水平分注向下買儲貨,長線來說,向上空間大,入貨後就等鐘擺搖向另一邊

港股一如所料創今年新低,做高低腳後收於前底之上, 測市指標出現利好訊號, 會有技術性反彈, 巿場氣氛差買盤弱, 失驚無神大幅抽升挾淡係最有效的推升方法,

~~~~~~~~~~~~~~~~~~~~~~~~~~

加強監管措施

今日阿爺打壓菜單: 線上醫療 + 白酒

嘩))) 阿爺監管措施殺到去白酒, 怪不得A股茅台破位而下, 影響市場氣氛, 拖累上証大瀉

今早殺牛約1900張, 以破位來說不算多, 恒指已經做夠周波幅了

出乎意料之外阿爺暫缓於香港立「反外國制裁法」, 加上QQ回購股份都係利好消息,但大鱷竟然玩破底, 不是很奇怪嗎?是趁混亂秒殺好友牛牛趙完鬆嗎?夾硬隊多一棍創新低就拗腰上, 收窄跌幅, 很可疑啊!

恒指由11/8高位26822跌至今日低位24581, 月波幅2241點已達標, 除非有黑天鵝, 否則今個月不應再創新低, 淡友如果今日唔食胡, 下周大市隨時會轉勢向上彈高高, 到時就一場歡喜一場空, 我曾經講過好多次,當連贏幾鋪 信心加強了 反而要縮, 切勿因大勝而心紅,因為如果用同一個對股市方向的看法繼續炒落去,多數會嘔番盈利出嚟, 這是大鱷操控港股的手法,失驚無神轉向唔畀股民捉到路,股民賺下蝕下 到頭來得個吉或者嘔凸

美元強,新興市場貨幣大跌,是否會吸引資金回流美國? 加上阿富汗撤軍引發大混亂,以及美國新冠疫情惡化, 令拜登的支持率跌至上任以來最低, 如果依家出現股災, 拜登就更加無地自容, 所以美股一直有無形之手托市,每次插水都識得抝腰上, 以前人民幣強,資金湧入內地掃A股, 推高了港股,本周中港市大跌就係因為人仔港匯弱,

港匯弱勢持續, 走資, 我地曾估計月尾(下周)會插穿25000, 如今提早於本周出現, 主因係美元強勢上破93.5關鍵大位, 資金流 利淡新興市場, 所以中港股市反艇, 匯市形勢與股市息息相關, 當美元掉頭回落, 中港股市就會急彈

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股結束兩連跌, 部署上攻屠熊

23/8 周一恒指收25109, 升259點,

轉節氣處暑轉勢日

港股衝高回落, 大鱷刻意壓低港股, 收窄升幅, 消化沽壓, 震牛引熊, 只要明日港股高開高收, 大鱷玩詐死的陰謀論成立, 大鱷要預留未來幾日頂部上移的空間, 亦要俾時間淡友入局, 所以上到25458就掉頭,

早市恒指爆升609點即插, 有基金經理說是挾淡, 唔想放生淡友, 我估係震牛引熊, 25746樓上熊熊加倉, 快高長大, 大鱷早市殺完淡友再推低大市落25000邊, 收陰燭, 吸引淡友入局,

由7月起, 恒指有個慣性走勢, 就係周一收跌, 該周收跌, 周一收升, 該周收升, 只得一次例外, 按此推算, 本周港股會收升, 即係要上攻25800~26000來擴大周波幅, 上周由淡友主導大市, 本周輪到好友威威

假如大鱷係有信心本周殺上25500樓上, 今早衝高回落好淡兩邊都殺, 炒即市的好友上午以為順勢追入買上, 午後紛紛止蝕收場, 大鱷上午殺完淡友下午殺好友, 真和味, 明日又可再上攻挾淡, 好淡通殺

恒指周波幅未達標, 仍有上升空間, 只要守住25000就要升穿今日高位25458, 挑戰25800水平來擴大周波幅, 只要上証重上3500水平, 港股上升動力就會增強, 上証上周五低見3395即彈上3427收, 今日上証反彈, 收3477, 升49點, 連續兩日企穩3450水平, 內地四大指數全面急升, 真係似阿爺護盤

~~~~~~~~~~~~~~~~~~~~~~~~~~~

QQ轉勢向上.科指領軍推升

中港美三地股市同步觸底回升, 齊齊尋頂, 美元高見93.73打回頭, 失守93水平, 人民幣結束四連跌, 反彈98點子收6.4902, 刺激中港股市齊齊反彈,

上周五大媽老外齊齊大舉沽貨, 拖累中港股市暴跌, 今日剛好相反,大媽老外齊齊掃貨, 係利好訊號, 兩地股市急升, 代表洗倉潮暫告一段落, vhsi恒指恐慌指數急跌6.88%, 唔驚喇! 港股(指南針)溫度計QQ及港交所都彈高, 對港股後市具啟示作用

科指係港股大跌浪的領頭羊, 今日終於彈高, 觸底回升釋出強烈利好訊號, 今日收6021, 升126點, 上周五收5895, 代表有無形之手力守6000水平, 踏入8月份, 科指每次彈一日就會再跌過, 只要明日科指續升, 連升2天, 就打破了弱雞彈散的劣勢, 代表科指轉強, 有望帶領大市向上

今日恒指出現「終極死亡交叉」, 50天線下破250天線, 全城唱淡, 但通常出死亡交叉大市反而會反彈, 因為出死叉代表跌浪已運行了一段長時間, 超賣, 斬倉洗倉走鬼盤已消化得七七八八, 股價跌到殘, 因而觸發技術性反彈, 有基金經理表示現水平的港股具吸引力, 開始入貨短炒, 不過「終極死亡交叉」確實係利淡訊號, 代表大方向利淡, 死貓彈完就會再繼續尋底

恒指服務公司上周五公布季檢結果, 一眾受惠股亦會有買盤追入, 加上企業公布業績後亦回購股份, 亦利好大市, 日前曾估計本周港股會收升, 科指破記錄連跌5周後, 本周亦有望收升

~~~~~~~~~~~~~~~~~~~~~~~~~~~

恆指道指差距大.港股追落後

上周五美股又爆升, 有分析指上周有資金流入美股, 為兩個月以來最多, 美股大升, 道指恒指差距的拉力, 令港股拗腰向上, 收窄兩者差距

恆指道指差距極具參考價值, 呢個係我估今日港股反彈的其中一個指標

留意恆指道指差距的變化, 對港股升跌具啟示作用

當幾個月前兩者差距不斷擴大, 恒指持續跑輸道指, 情況不斷惡化, 就代表資金陸續撤出港股

8月上旬港股由好友主導, 恆指道指差距一直維持8500~9000點,

8月中係港股的回吐時間窗口, 由淡友主導大市, 恆指道指差距擴闊, 大約有9100~9900點, 即係外資大媽走貨拖低港股

7月尾曾見過恆指道指差距超過10000點, 翌日恒指就急升, 收窄了差距至低過10000點

上周五(20/8)恆指道指差距高達10045點, 代表港股跌過龍, 係急彈先兆, 結果今日恒指大幅反彈259點, 兩者差距略為收窄至10011點, 應要少過10000點, 代表港股仍有上升空間, 未彈完, 亦符合按照慣性走勢本周恒指應收升, 後市會上破今日高位25458,

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

24/8 恒指收25728, 升618點, 連升2天

美期急升, 今日港股高開高收, 一升到尾, 港股三大指數及QQ以收市U盤全日最高位收, 暗殺淡友, 夾硬扯到上最高位收, 正路明日獲利沽壓會湧現, 拖低大市, 留意溫度計QQ及港交所表現就知港股何時見頂

老外大媽今日都掃貨, 昨日國指弱, 港股升得軟軟的, 今日國指強, 港股升得有力, 可能係因為人民幣彈高, 匯市形勢利好港股, 美元下跌, 港匯人民幣進一步走強

今早開市前已經長篇大論分析港股, 派左定心丸俾好友, 打埋強心針, 預告港股會爆上, 今日港股果然追落後, 道指恒指差距由昨日的10011點收窄至9608點

不妨去睇下7月尾恒指低見24748後的走勢, 就會知今次低見24581後會點走, 真係好似咖! 7月尾係兩日後就重上25800, 所以今次25800都係攔唔住, 點都要挑戰26000, 因為市場上有太多淡友, 所以大鱷玩挾淡, 逼淡友回補空倉, 幫手推高大市, 不過如果去到26000就夠千點周波幅, 由低位亦彈約1400點, 博反彈的大鱷已夠水位食胡, 小心會俾淡友打回頭, 因為20天線魔咒位就在26000水平, 阻力非輕

今日多隻舊經濟股都逆市走低, 快閃資金換碼轉炒今日熱辣辣的新經濟股, 股民企錯邊見升市眼光光

~~~~~~~~~~~~~~~~~~~~~~~~~~~~~~


期權分析師一直說8月係淡倉底, 如果淡友仲未食胡, 8月收跌的話, 27/8起就會收25961之下

由於港股連續兩日急升, 偷步跟美期爆上, 升勢過急, 亦已去到25800~26000關鍵阻力大位, 通常升到第三棍獲利沽壓就會湧現, 明日(周三25/8)要留意:

~ 港股每周通常升跌2~3天, 目前已連升2天

~ 見港股急升亦不要過份樂觀, 因為每周通常有兩個方向, 跌下彈下, 不會走單邊

~ 向上阻力: 恒指20天線在26025 / 國指20天線在9232

~ 周三四五係創周高位的時間窗口

~ 港股高開後三大指數及QQ會否收陰觸

~ 上証及QQ會否突破今日高位(上証3522/QQ $472)後打回頭

~ 國指是否跑贏恒指

~ 科指能否走強收升收陽

~ 人民幣港匯是否走強

~ 互聯互通老外有否掃A股, 大媽有否掃港股, 如出現資金凈流出就要小心

無論尋頂抑或尋底, 港股都係跟住中美股市, 同步見底頂, 按照慣性走勢本周港股收升, 由好友主導大市, 守住25037向上推進來擴大周波幅, 反彈目標25800~26000, 今日高見25728, 貼價熊愈養愈肥, 如能收25800之上, 就係上26000的跳板, 如打回頭, 就要下試25500, 本周係公布業績高峰期, 科企.金融.資源.比亞迪業績將會陸續見光

~~~~~~~~~~~~~~~~~~~~~~

港股成也QQ.敗也QQ

有財演見過去幾日QQ不斷受制於$450, 叫散戶造淡, 其實係大鱷壓住QQ, 設陷阱等股民入局, 埋晒位QQ就一舉收復10及20天線

元帥又係同樣的說法, 炒港股就要先分析上証, 因兩地股市係同一方向, 同步尋底頂, 兩地股市游走的水平亦有關連性

上周五上証插穿關鍵位3400低見3395後即彈上3400

上周五恒指插穿關鍵位25000低見24581, 昨日恒指亦重上25000

昨日上証重上3450, 今日重上3500, 恒指昨日詐死, 今日亦重上25500

最新回應

試下學下
試下學下 2021/09/17

今晚似樣,納指大跌夜期企定定 {#iconb_62}

水滴石穿
水滴石穿 2021/09/17

半官方吹风:

《環球時報》總編輯胡錫進在個人微博發文,指恒大(3333)一旦破產,亦不會出現「成為雷曼兄弟倒閉那樣系統性金融風暴的導火索」。

他認為,中國並不存在發生房地產發生次貸危機的基本形勢,中國購房首付款的比例很高,二套房的首付比例尤其高,與美國當時的情況截然不同。

胡錫進指,國家不會給企業出難題,故意置企業於困境,當企業正常經營遭遇市場逆風時,國家也會以規範的方式盡量幫它們紓困。然而,國家需要對行業開展規範化調整時,也不會因為存在的企業問題嚴重而投鼠忌器,對它們刻意遷就和保護。一旦問題爆雷,出事企業不能有自己「大到不能倒」的僥倖,必須有能力以市場方式自救。市場上最後留下來的都是基礎業績過硬、不怕風雨一時刮斷幾根樹杈的企業。

胡鍚進重申,個人希望恒大能度過難關,每一個遭遇困境的企業,都希望它們能上演「起死回生」的奇蹟。因為它們活下來,對增加社會韌性的正面作用往往更大,但這個奇蹟需要恒大和每一個一旦陷入險境的企業主要依靠自己的市場力量去創造。

水滴石穿
水滴石穿 2021/09/17

下一波,香港地产股?

有報道指,中央官員在今年一場閉門會議上,向香港發展商傳達訊息,要求將資源和影響力用於支持北京,以及幫助解決香港的住房短缺問題。

《路透社》引述3名主要發展商以及1名熟悉相關會談香港政府顧問,指中央官員在一場閉門會談上傳遞上述訊息。報道引述消息人士稱,他們被告知「遊戲規則已改變」,中央政府不再容忍「壟斷行為」。報道亦引中央政府官員消息人士稱,中聯辦有意削弱一些未對中央在港利益做更多事的財團。

合和主席胡應湘則對《路透社》表示,北京並沒有指示該怎樣做,但就說「你們需要解決這個問題」,認為中央並非對香港不耐煩,但會施加一定壓力。另一發展商消息人士則指,內地官員表達了期望,但沒有提出策略和期限。

門徒
門徒 2021/09/17

試兄真係好心地拖阿婆過馬路 {#icons_boy9}