藝術家

每次聽到邊個邊個係藝術家，我都會睇下佢既功架同風格等等，再評定只係有錢人，定真係藝術家。

真正既藝術家，與身俱來，有藝術家脾氣，而果種脾氣我認為係氣質。又或者果種氣質唔一定係要有脾氣發到出黎，因為嚮作品上面會見到。

當我聽講燒餅返工既地方有個藝術家，我有理由質疑: 因為有錢而有時間畫畫、賣畫，定真係畫得好呢?

近年來同仔仔參加好多親子填色同繪畫比賽，贏左好多獎。我地唔識主辦單位既人，而且咁多個主辦單位都認為可以得獎，証明我同仔仔絕對有繪畫天份。

前幾年開始參與外國一個粉彩畫page, 我既畫拍得上外國可以賣畫既人。當時好多外國人同我嚮fb傾計，交流心得。

我認為真正既藝術家係重視藝術上既成長，多於幾出名或者d畫幾貴。至於點解我仍然選擇嚮塵世間咁既制度下同個仔參加比賽，為左portfolio姐。

幼稚園參加為小學portfolio, 小學參加為中學portfolio.大學就靠自己啦。

而且畫畫係我最愛，科學先係個仔最愛。

今日個仔開始冇叫我陪佢睇故事。佢自己睇。佢話識多左字，可以自己睇。佢成長啦。我就問: 「咁媽媽仲有冇用架...... 如果冇，我可以畫返畫? 你睇書果陣我畫畫?」仔仔話可以。

我會有將會架。我相信自己，正如我相信佢會做到科學家。