7/9 26000穿梭.好淡通殺

港股創月內新高, 大舉屠熊, 受制於26500阻力大位

7/9 周二恆指收26353, 升190點, 連升兩天見沽壓

一如昨日所說, 上周QQ.快手.京東.美團.B站等多隻新科技股都見莊家陸續進場, 係科指帶領港股向上的板塊, 不過當科指見頂轉弱, 就係港股見頂訊號, 今日港股收升但地產板塊卻跌到走樣, 破位而下, 牛熊分布方面, 牛9024 vs 6538, 初生bb牛上移至26000~26100, 亦會拉住港股後腿, 每次反彈浪見貼價牛出世, 就代表港股升到水尾, 係見頂先兆

港股溫度計QQ連續兩日收升收陽, 當QQ收陰燭就係利淡訊號, 今日QQ $520 攔路, 代表恒指26500攔路, QQ $520~530阻力大, 隨時會打回頭, 今日恒指收市U盤打破了例牌踢高的慣性走勢, 係利淡訊號, 未知是否壓低來擴大明日的波動空間, 抑或係淡友出手, 睇今日測市指標股表現, 淡友蠢蠢欲動, 正路未來兩天(周三四)不會全升, 港股震盪未完,下殺危機未除, 假如9月收跌, 就會係9月上旬見頂回落, 9月下旬創月內新低

人民幣結束三日升勢, 近來強勢的人民幣港匯回軟, 美元反彈上92.5, 美國10年期國債息上周插穿1.3%後拗腰向上, 如今已突破1.35%, 不利科企

港股周波幅及月波幅仍未達標, 好友反覆推升態度明顯, 不過大鱷喜歡一路推升一路養牛熊, 所以愛玩窒窒步升, 以時間方面來說, 亦不會一步到位創9月大頂, 會攤開幾個星期來推高大市, 上周高見26359就掉頭回落, 就係預留上升空間俾本周創新高, 當大市破頂創新高掉頭回落, 就要破底來擴大周及月波幅, 考驗25694的支持力, 好淡通殺,

周三四五係創周高位的時間窗口, 有望上破今日高位26458, 不過26500阻力非輕, 升穿不難, 但企穩不易, 目前港股成交細, 推升動力不算強, 反映升抵現水平好友已轉趨審慎, 淡友加倉, 埋下計時炸彈

9月初港股反覆急升, 但升市成交縮, 並不配合升勢, 當有利淡消息, 就較易反艇, 熊市反彈不宜過份樂觀, 今日白露轉節氣, 理應到了變盤時刻, 明日港股收跌機會大, 睇港股RSI, 以往上到呢個水平港股就會掉頭向下尋底

一如早前所說, 由23/8起老外密密掃A股, 係上証破頂而上的推手, 但今早老外開始沽A股獲利, 資金流入內地股市明顯縮減, 但午後老外突然大舉掃A股, 流入內地股市金額急增, 推動上証突破3650大位, 收3676, 升54點, 不過上証想企穩3650殊不容易, 當上証回吐, 就會拖低港股, 上証整數關口3700及前頂3731阻力大, 不易一舉突破