喺香港體驗秋日祭典 2021/09/11 04:13:01 網誌分類: 生活 11 Sep 咁耐冇去日本,真係好掛住日本嘅祭典!就到中秋,喺香港都可以感受到祭典嘅氣氛,講緊嘅係,代表麥田捕手假日市集嘅年度鉅獻「秋日文化祭」。今年喺荔枝角嘅D2 Place舉辦嘅「秋日文化祭」除咗邀請到元祖級Youtuber《FHProduction》共同舉辦,活動場地也由往年嘅D2 Place ONE 2樓、天台花園及D2 Place TWO 天台花園延伸至D2 Place TWO Garage。場地佈置仲結合「熊仔頭」同日本祭典元素,大家可以喺中秋節盡情打卡。 活動將由9月18日至9月22日一連五日舉行,其他活動內容包括:本地手作及設計秋祭市集、《FHProduction》期間限定店、水燈許願池、熊仔頭繪馬架、巨形熊仔頭月亮、祈願盒子、手繪面具工作坊及和服租用體驗等。「秋日文化祭」咁精彩,去到一定可以有個難忘嘅回憶! Cally 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消