星之欄
星之欄
星之欄

飲食江湖

2021/09/14 04:13:36 網誌分類: 生活
14 Sep
          自本地疫情清零,為食一族大為活躍,食肆生意大有起色。上星期在尖沙咀瑪寶鮮海鮮酒家暢聚,周日都見枱枱爆滿。

          尖沙咀中式食肆不少,要站穩陣腳,必須有特色美食。瑪寶鮮強項之一自然是魚,當日一早預留了半條大大兜的野生筍殼魚,另外訂定肥美大騸雞。

          野生筍殼可遇不可求,老闆羅耀清(圖右)介紹,筍殼坐飛機到港後,先要浴鹽,然後放入雪櫃冰一冰,打上粉油炸。如此烹調有何好處?他說一試便知,毋須多言。筍殼肉質本來結實,如此炮製口感更彈牙,但最好味不是白雪雪的魚肉,而是炸到鬆脆香口的魚頭,幾人分而食之,配一啖紅酒,紅酒果味與魚味即發生神奇化學作用。

          大騸雞小時多食,大雞多肉少膏,肉質特別結實。瑪寶鮮斬雞連頭奉上,大大個雞冠方便驗明正身之餘,雞冠亦是少見美食,入口煙韌,少食更覺多滋味。

          羅老闆經營食肆,主打海鮮,皆因本來主業做物流,專運龍躉,運得多,心想不如開店出售,試過合夥經營一炮而紅,最後卻無錢賺,於是改為自立門戶,此所以不時有靚海鮮兼特色食材,作為立足飲食江湖之秘技。

        《星島日報》社長

        蕭世和
  
回應 (0)
我要發表
user