恒隆全國性周年義工日 等學生有一個環保又開心嘅新學年
2021/09/14 04:14:07 網誌分類: 生活
呢個活動真係幫到好多人,差唔多800個企業義工,用行動推動低碳環保生活,仲向有需要人士傳遞愛同關懷,幫到超過5,000人。嚟自香港、上海、瀋陽、濟南、無錫、天津、大連、昆明、武漢同杭州嘅恒隆一心義工隊,喺當地政府部門同社福機構嘅鼎力支持下,向中小學、特殊學校嘅學生同貧困家庭,傳授生態環保知識,內容包括有機種植、惜物減廢、資源分享同廢物升級等領域,仲提供安全健康嘅學習環境,同時提升公眾對可持續發展嘅關注。
喺香港,恒隆一心義工隊夥拍長期合作夥伴香港青年協會,邀請100名小學生去有機生態農場,親身體驗有機耕種同參與環保工作坊,從體驗中學習可持續發展嘅重要性。義工隊亦準備咗1,000份環保開學包,當中包括書券、可重用餐盒、水杯、飲管、廢紙回收重造的紙巾等,並透過七間社福機構送贈予基層及長期病患學童,等下一代從小培養綠色生活習慣,開展一個環保又開心嘅新學年。除咗學校,企業喺環保教育方面都可以出一分力,恒隆嘅義工活動真係好值得支持!
Cally
■喺香港,恒隆地產行政總裁盧韋柏先生同超過50個義工帶領100個學生去青協有機農莊,親身參與有機耕種同環保工作坊。
■無錫恒隆廣場義工隊同學生一齊製作環保手工藝品,仲通過體育運動互動交流。
回應 (0)
我要發表