木水火
木水火
木水火

偽工會魚目混珠 取締仲未郁手住

2021/09/14 12:30:01 網誌分類: 時事
14 Sep

偽工會魚目混珠 取締仲未郁手住 {#icons_girl9}

煙啤頭,堅定流?阿哥,有道是:真亦假,假亦真,豆腐都會變黃金!高手玩啤牌至叻「偷雞」,原來香港充斥嘅「工會」,好多都係玩緊「偷雞」呢家嘢! {#icons_dog9}

假作真時真亦假!林林總總嘅工會,有掛政府名義嘅,好似「醫管局員工陣線」,有「香港白領」、「香港酒店」工會等,還有關於會計、保險、旅遊、設計、調酒師等工會,大有「煙雨惜繁華,吹簫夜不歇」之勢,香港啲工會真係多如雨後春筍!佢哋係為員工謀福利、爭權益?抑或有魚目混珠、掛羊頭賣狗肉之嫌? {#icono0_34} {#icono0_35}

呢嗱!前年反修例風波期間,出現海嘯式嘅新工會登記,大大話話逾1,500間!當中唔少被炮轟不但冇保障工人權益,反而喺黑暴及抗疫期間,發動反政府活動及製造社會分化。早前香港言語治療師總工會5名骨幹成員,就因為以繪本漫畫涉煽動仇恨被警方國安處拘捕;而勞工處亦已向該工會發出「擬取消職工會登記通知書」,意味該會稍後會被「釘會」;而同期又合共有7間獲登記局登記嘅職工會自行解散,擺明身有屎啦! {#icono_37}

呢啲工會究竟為員工做過乜好事呢?綜合多個渠道嘅資料,唔少與工人權益扯不上一毛錢關係,反正多係「搞搞震,冇幫襯」,大搞反中亂港勾當。嗱!《港區國安法》喺去年6月底實施,之不過喺生效前有12個行業工會組成「工會平台」,聯同各區黃衰議員,將收集嘅6萬個反國安法聯署遞交G20駐港領事館,藉此向中央及港府施壓。 {#icono_39}

當然,最經典嘅例子,莫過於「醫管局員工陣線」,呢個工會完全違反醫護道德,凡事都同政府對着幹,譬如去年2月為向政府施壓封關,竟發動醫護罷工行動!事後政府曾不點名批評醫護人員抹黑疫苗接種計劃;工會即喺社交平台貼文反駁,澄清佢哋從來冇反對疫苗接種計劃,只係反對政府呼籲市民接種欠缺數據支持嘅科興疫苗云云。此外,由於今年警方不批准6‧4集會,該工會今年又曾與支聯會副主席鄒幸彤擺街站,呼籲市民以自己方式悼念6‧4,亦曾因播放6‧4電影而被警告違反《電影檢查條例》。講真,該會前主席余慧明因涉及民主派「35+」初選,涉違國安法被控串謀顛覆國家政權罪,自3月起一直被拘押,直至7月底才獲准保釋候訊。 {#iconb_311}

你話掛住醫管局嘅招牌,卻熱衷搞顛覆政權,其餘啲所謂「工會」係乜貨色,不必畫公仔畫出腸啩?據悉,政府正緊盯10多個新工會,若證實不符或違反《職工會條例》,當局會仔細審視,若要取消某工會嘅職工會登記,事前亦會取得律政司嘅指示。功夫茶但願司底驊醒醒定定把好關,咪再有小學雞嘅閃失吖!

功夫茶

https://orientaldaily.on.cc/content/要港要聞/odn-20210914-0914_00190_001/偽工會魚目混珠--取締仲未郁手住

回應 (0)
我要發表
user