錢之嘛
2021/09/15 08:56:09 網誌分類: 經濟
由細到大唔鐘意錢。錢污糟。
買玩具,買顏色俾我,好過俾錢我。
大個,鐘意錢既都唔係我。
只係當其他人著緊,錢好似就代表我既價值。
我賺到,就叻,價值就高。
然後,到個仔出世,我俾「慳錢」呢個字逼上絕路。
仔仔同樣因為呢個字,冇左好多大好既機會。
於是,我同細個一樣,靠參加比賽贏書券,証明自己既價值。
同個仔親子參加,或者加埋個人組別。
冇足夠既健康返好demanding既全職小學教師,我就兼代課、功輔、興趣班, 而且個仔小學有默測考當然都靠我諗唔同既辦法同佢温。
壓力大,想用錢。越反對我用,越想用。
到左好冧杜如風姐姐既依家......
好鐘意杜如風姐姐既率性。
同時認識自信滿滿既七仙羽(透過睇電視)。
七師傅講既師傅愛你,夠温柔......
咁作法都要錢啦。做善事咪又要。
同時做善事同用嚮自己身上,心靈舒解,放下執念。
所以,我今日買左成300蚊野食,獎自己。
第日會嚮仔仔學校教會做d奉獻。
塵歸塵,土歸土。
慳得崩潰不如用得精神爽俐。
漫畫班,10月開始。繼續等小學代課同代其他功輔導師。
錢之嘛。
如果用左,仔仔唔發脾氣,乖,食野,唔扭計,做咩唔用。我先唔認為要第日儲好多俾佢。
想當年我既grand輩上左天上面,我銀行多左堆錢。我好大壓力,然後我認為佢地想我讀書架。我讀左唔同既大學,唔同既課程.....
其實如果話我爸爸想做老師,不如話我爺爺仲想。
我爸爸起碼都做過代課,我爺爺只有機會做廚師。
一諗起爺爺買玩具同帶我食開心樂園餐,就開心啦。
用錢開心,點解要唔用先?
如果只因為錢,用左咪解決到囉。我唔使煮野,打開雪櫃隨意點餐。有意粉,天使麵.....
祝兩位中秋節快樂!
近來食即食既意粉用多左錢......
有時我都同自己講,,錢之嘛..用左可以搵番..不要難為自己.
哈哈,送上星星,照亮“錢路”。