Kelly Chu
Kelly Chu
Kelly Chu

選擇與家人入住 好興奮好開心 打針抽中巨獎 幸運兒收千萬樓

2021/09/16 04:12:41 網誌分類: 生活
16 Sep
          打針抽中一個單位嘅超級幸運兒現身!佢姓李,身材高䠷,係一位廚師,佢收樓後話:「真係好興奮、好開心,完全無諗過會贏到呢個終極大獎。今年初疫情反覆,好多食肆受到很大影響,為咗社會經濟盡快復甦,我諗不如早啲接種疫苗,所以四月底我已完成接種第二劑新冠疫苗。」Kelly替李先生開心,希望未打針嘅人,快啲去打啦,一齊抗疫。

          Kelly睇李先生攞鎖匙收樓嘅短片,佢開門之後周圍睇下,開廚房嘅廚櫃,仲諗張牀點放,又同一名女士一齊出露台,欣賞廣闊嘅景觀,真係令人羨慕。呢位終極大獎得主,現年三十五歲,係首次成為業主,o依家租住長沙灣單位,佢話有幸獲得人生首個物業,會選擇自住。

          李先生話︰「身邊不少親友已接種疫苗,我相信呢個係保護自己同家人最好嘅方法,今次中獎更係一個驚喜,我會繼續鼓勵親友考慮接種疫苗,為將來生活回復常態,去旅行作好準備 。 」

          信和集團旗下黃廷方慈善基金同華人置業集團話,已成功聯絡二十一位喺第一輪抽獎活動嘅得獎者。隨著終極大獎得獎者嘅資格獲得核實,噚日由黃廷方慈善基金董事黃永光同華人置業集團行政總裁陳凱韻作簡單而隆重的頒獎儀式,得獎者隨即前往參觀位於觀塘嘅凱滙單位。

          另外,二十位二獎得獎者亦獲安排陸續喺參加資格獲得核實後領取價值港幣十萬元嘅信用卡免找數簽帳額。得獎者分別為十三名男性及七名女性,擁不同背景及職業,包括家庭傭工、美甲師、司機、醫療服務行業工作者及甜品師傅,而最年輕的得獎者是一名在港留學嘅法籍學生,亦有兩名退休人士得獎。

        次輪打針抽獎開始登記

          第二輪打針抽獎由即日起至今年九月三十日接受登記,黃廷方慈善基金將捐出二十份每份價值港幣二十萬元嘅獎學金,送予十二歲或以上及十八歲以下已接種疫苗嘅香港居民。此外,若於今年九月三十日或之前,全港有五百萬人或以上已接種至少一劑新冠疫苗,黃廷方慈善基金與華人置業集團將送出另一個凱滙一房住宅單位作終極大獎予十八歲或以上並已接種疫苗的香港永久居民,該單位面積約四百六十八四百六十八方呎,價值約港幣一千二百萬。

        Kelly Chu

        
■李生係一位廚師,佢收樓後話:「真係好興奮、好開心,完全無諗過會贏到呢個終極大獎。」p/  
 ■李生係一位廚師,佢收樓後話:「真係好興奮、好開心,完全無諗過會贏到呢個終極大獎。」

   

  
■黃廷方慈善基金董事黃永光(左),同華人置業集團行政總裁陳凱韻(右),作簡單而隆重的頒獎儀式。p/  
 ■黃廷方慈善基金董事黃永光(左),同華人置業集團行政總裁陳凱韻(右),作簡單而隆重的頒獎儀式。

   

回應 (0)
我要發表
user