15~20/9 監管風暴~港股尋底

2021/09/16 21:35:26 網誌分類: 經濟
16 Sep

港股破位而下, 創月內新低, 繼續尋底屠牛之旅

15/9 周三恆指收25033, 大跌469點, 連跌三日

近來港股出現走資, 有災味, 連中美股市彈, 港股都冇乜反應, 跟跌唔跟升, 代表沽壓沉重, 非常疲弱, 沽空持續高企, 今日又爆燈, 淡友當道, 後市仍會大插, 上証企3650樓上, 恒指竟然在25000, 完全違反慣性走勢, 唯一解釋係有潛港北水撐A股, 但大媽及老外卻沽港股, 資金流走, 所以港股表現遠遜A股

QQ六連陰, 弱到不得了, 創8月以來最長連陰, 代表港股正在尋底, 博反彈係火中取栗, 只要QQ仍收陰燭, 代表淡友仍未放手, 想救港股, 就要先救QQ及科指, 如QQ失守$440, 不妙, 賭股及內房股洗倉式暴跌, 沽壓沉重, 即市一彈即散, 大鱷不問價沽貨, 將港股推落地獄, 今日收25000之上, 扮守得住大位引好友入局, 大量牛牛飛撲入市, 牛多熊少利下殺 (10850牛 vs 6364熊)

受中秋假期互聯互通影響, 明日起大媽不在, 有利有弊, 大媽雖然減持港股, 不過有時見港股大插, 大媽會托市, 冇左大媽睇場, 港股就要碌落去做第三隻腳, 資金流入, 港股就會飛天(9月初), 當資金流走(目前), 港股就會暴跌,

評級機構下調恒大評級, 拖累內房企業發債成本增加, 亦禍及內銀內險, 恒大上周到期的債券要本利歸還, 但卻連利息都未能支付, 恒大出事拖低地產板塊, 連素來穩陣的新地長實恒地都有洗倉味, 賭股受政策打壓暴跌, 就拖累所有板塊齊齊插水

港股走勢極為反常, 美元下跌, 人民幣連升5日, 本應利好, 上証插穿3650即彈, 收窄跌幅, 但QQ落到$450整數大位, 恒指落到保歷加通道底及前低位25037, 冇理由一跌到尾, 彈都唔彈, 反映有龐大沽盤出緊貨

恒指近全日低位25033收, 低見24991, 月內大位是不會略為跌穿整數位, 所以後市仍會有新低, 月波幅仍未達標, 要向前底24748/24581進發來擴大月波幅, 如果落到24500月波幅就進入達標範圍, 如果插穿埋24000就可進一步擴大年波幅, 不過如果落到呢個水平就係股災級別, 唔對路

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股股災式急瀉創年度新低, 繼續尋底屠牛之旅

16/9 周四恆指收24667, 大跌365點, 連跌四日, 反彈在望

尋找港股第三隻腳

今個星期一二三四恒指都收跌, 而港股好少全周日日跌, 每個星期通常走兩個方向, 不會走單邊, 明日係好友最佳反擊時機, 因為明日富時執位成交會急增, 只要好友成功抽升, 就可營造港股大成交觸底回升的利好訊號, 引股民入市接火棒, 只要好友入局, 就會再插過

過去兩日港股午後例牌跟上証插水, 但今日竟然企定定冇再瀉, 反映好友本周想守住24400~24500, 加上夜期收升, 預示明日好友會出手, 道指恒指差距超過10000點, 通常恒指都會彈高, 令差距收窄

成也QQ, 敗也QQ, 如QQ失守$440, 就會進一步拖低港股, 所以大鱷托住QQ來撐市, 推番上$450樓上收, QQ今日收陽燭係利好訊號, 代表大鱷唔想太快碌落24000, 只要QQ彈高, 利好港股, 近來大媽密密沽QQ, 冇左大媽的沽盤, QQ隨即收陽燭, QQ已連跌4日, 通常連跌4~5天就會反彈, 不過港股沽壓仍大, 向上阻力24800~25000

~~~~~~~~~~~~~~~~~~~~~~~~~

資金流走

美元急升, 人民幣轉弱, 港匯愈來愈弱, 資金繼續流走, 港股雖然未有見底跡象, 但已落到整數大位24500, 短炒淡友可能食胡, 投機盤見港股營造第三隻腳亦入市博技術性反彈, 中長線買盤亦有可能趁暴跌至不合理水平趁低吸納, 淡友亦會回補空倉, 一眾買盤有助推高大市, 恒指周波幅高達1395點亦已超標, 通常大周波幅係1100~1500點, 不過測市指標顯示港股仍未見底, 後市會隊穿今日低位24505,

牛肥熊瘦, 下殺屠牛誘因大, 今日上証大跌49點, 收3607, 險守3600水平, 連跌3天, 不過上証通常連跌2~3日就彈, 明日互聯互通休市, 中秋長假期前, 內地股市獲利避險沽壓會大增, 會削弱上証反彈動力, 不過明日冇左老外沽A股, 有助上証守住3600

今日低見24505後略為反彈, 收窄跌幅, 大鱷想俾時間好友牛牛入局才開餐, 貼價牛非常肥美, 熊熊仍在老遠, 欠缺上攻誘因, 今次港股跌浪見低位承接力非常疲弱, 除了因為熱錢撤退外, 亦係因為無論基金/大戶/散戶都成手蟹, 根本冇資金入貨,市場氣氛差, 股民入市意欲低, 有基金經理表示持倉的盈利已經嘔得七七八八, 再插就要蝕入肉, 本來已對沖下跌風險, 不過都頂唔住

沽空再爆燈, 反映淡友仍未放手, 港股下殺危機未除, 恒指創年內新低, 但國指及科指未破底, 力撐大市, 小心下周會補跌創新低, 唔少股民都估今日低位24505係第三隻腳, 入貨博反彈, 大鱷冇理由如此順灘益街坊, 加上恒指年波幅未達標, 港股應未見底,

一般來說, 唔計特細恒指月波幅, 正常月波幅係1600~2200點, 有突發事件就會超過2200點, 今年一二月做大頂, 月波幅就有2800~3100點, 7月洗倉走鬼就有4100點月波幅, 如果做大底, 月波幅有3000點都唔奇

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股股災式急瀉創年度新低, 死貓彈完繼續尋底屠牛之旅

17/9 周五恆指收24920, 升253點, 結束四連跌

今日港股大成交急升, 低開高收, 單日轉向, 營造見底的錯覺, 其實係受富時指數調動所推動, 並非向好, 但關高人及一眾好友財演急不及待飛撲出來唱好, 真係累死人, 從恒指年波幅及時間上來看, 今年大底仍未出現, 按照慣性走勢, 20號之後會有新低, 睇匯市已露端危, 港股午後升幅擴大, 當時港匯卻進一步走弱, 有走資味

港股表面上收升, 但地產金融內險等多隻指標股卻逆市走低, 洗倉式下跌, 反映港股下殺危機未除, 沽空又爆燈, 後市必插, 美元急升, 人民幣港匯下跌, 匯債形勢皆利淡股市,

市傳阿爺向地產商表示, 遊戲規則已改變, 不會再容忍壟斷行為, 並要求地產商幫手解決本港房屋短缺的問題, 大行認為會削弱地產企業的盈利, 不明朗因素下, 權重地產股捱沽, 內房恒大出事, 內銀內險因而出現大幅虧損, 阿爺監管內房的火頭燒到香港地產, 早前我已多次提醒大家一向穩陣的新地長實恒地等地產股破位而下, 有洗倉走鬼味, 弱得不尋常, 如今謎團解開, 原來係大鱷/基金經理早已收到風, 所以不斷滲貨出街,

監管風暴不斷蔓延, 持貨隨時中招, 賭股內房內銀內險地產股出事會掀起骨牌效應, 拖累其他板塊股份, 連強勢股都不能倖免, 因為止賺盤爭相出籠, 日前已說9月基金埋季結, 會鬥快止蝕止賺來埋數, 不會冒風險入貨博反彈, 今日大鱷推高QQ來托市, 但QQ蟹貨多到不得了, 莊家早已撤退, 只係俾大鱷用來操控大市上落的棋子, 看來QQ$445/$440都唔撐得幾耐

下周一(20/9)係關鍵日, 如收跌~淡友勝, 下周仍會有新低位, 下星期一二內地休市, 港股自由行, 港股冇左北水大媽護盤, 加上消息面及匯債形勢利淡, 淡友佔上風, 會推恒指落24500.24424.24000.... 如果係正常年波幅就會守住23000, 如果係股災就要落22000, 甚至更低, 牛多熊少, 貼價熊仍未出世, 削弱港股推升誘因, 港股未見大底, 大鱷不會大幅推升俾靚位股民走貨及造淡

恒指上周五收26205.91, 今日收24920.76, 本周累計下跌1285點, 27/7低位24748及20/8低位24581全面失守, 走勢差劣, 熊縱處處, 唔少股份都跌到走樣, 破位而下, 只係靠QQ等幾隻權重股托市, 掩護出貨,

阿爺不斷出手整頓企業的不良營商手法, 波及不同行業, 有意改善營商環境, 防止企業壟斷市場, 如此一來, 企業盈利受損, 豐厚利潤不再, 營商環境帶來的不確定性導致基金及大鱷洗倉, 令股價暴跌, 恒指今次輕易插穿25000超級大位, 皆因淡友部署殺跌已久, 一直等中美股市見頂回落, 如今見時機成熟就出手, 港股近日下跌動力非常強, 熊浪跌下彈下時期已成過去, 如今已進入急跌期, 全民皆艇, 買盤弱, 大跌容易連升難, 大回小漲格局

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股股災式大插, 破位而下, 創月內新低, 繼續尋底屠牛之旅

20/9 周一恆指收24099, 大跌821點

今日港股午後略為收窄跌幅, 估計明日港股亦有可能一插即彈, 因為周三港股休市, 內地復市, 淡友亦擔心阿爺可能護盤, 內地股市跌幅有可能少過預期, 所以今明兩天短炒淡友或會食胡回補空倉, 推番港股上山, 企業回購及淡友補空倉, 今晚美元衝高突破93.4後回落, 美國十年期債息高見1.372%後打回頭至1.31%附近, 理應有助穩住港股, 唔少股份都嚴重超賣, 會有技術性反彈,

早已說50天線跌穿250天線, 確認熊市, 博反彈係高危動作, 火中取栗, 只能快閃, 因為跌穿好友最後防線25037, 代表好友已撤退, 港股由淡友主導, 要落去做第三隻腳, 擴大年波幅, 就要插穿24000向23000進發, 近日美元急升, 美債止跌回升, 人民幣港匯弱, 反映炒港股的熱錢流走, 監管風暴下, 強弱股都會插, 洗倉潮下, 連避險股都不能倖免, 當跌穿大位, 斬倉止蝕止賺盤出籠, 跌勢會加劇, 連支持位都撐唔住, 亦係恒指接連失守25000/24000的主因

有資深基金經理認為老外係過度恐慌, 不理性地沽貨, 導致港股跌過龍, 多隻地產股已跌至不合理水平, 具吸引力, 不過今日唔敢入市接刀, 想睇定d才入貨, 該基金經理認為恒大資產豐厚, 仍有挽救的空間

監管風暴對營商環境帶來不確定性, 連機構投資者/大戶/基金都嚇到走鬼, 地產股跌一成比比皆是, 真係好得人驚, 監管地產股壞消息拖累市況, 最弊係地產業影響內銀內險等金融業, 因而出現全面恐慌性拋售, 不問價沽貨, 港股沽壓沉重, 跌幅全面, 但成交只得$1417億, 連基金經理都唔敢入市接貨, 代表大市仍未見底, 中秋假期, 北水休市, 港股冇左大媽護盤, 直插破位而下, 加上美期全面急瀉, 拖累港股暴跌低見23871, 按照慣性走勢, 收跌周不會在周一見底, 預示明日會有新低

最新回應

c6
c6 2021/10/24

高高手好

你咁叻👍

又有運氣

仲洗乜改善

//有無改善空間呢//

c6
c6 2021/10/24
@soho*...

感謝🙏大元帥

收市評論👍👍

你好嗎?你真係好忙 掛念🥰

//港股沽壓大增, 高處不勝寒

22/10 周五恒指收26127, 升109點,//

試下學下
試下學下 2021/10/24
@史哥...

我發現買左甘耐都係無指標,純靠股感/叫運氣 {#iconb_33}

我投機期指係主力,只睇勢來做,初時跟燈神的+1-1指標發現無咩作用

正股只係大插/覺得好殘先買,只玩成分股/大股

炒季節消息,早2年買國泰,年頭博長假期多燃油對沖到期,大升大賺一筆,跟住舊年就百威,博暑假旺季又大賺

不過手上有恆安1044)大蟹,因為年頭果陣買,唯有放埋一邊

384)趁年中爆炸買,點知年尾又爆,唉

報告完畢,有無改善空間呢

c6
c6 2021/10/24

各位早晨

各位愉快😊

㊗️各位假期無限開心🥳