(河馬仔賽馬專欄)2021/09/19

2021/09/19 01:50:21 網誌分類: 賽馬

19 Sep

三季累績：- $337559

又繼續試一試，試第八場三班1200米呢。

位置Q三馬膽
3「神之水滴」此駒要靠大步走贏對手而非後上份子，真心講寧願佢排外檔好過內檔，而今場真正放頭馬未必有，佢呢種大大步檻的馬匹在新一季好似神情冇太緊張，而試閘都仲係大大步走，當然狀態可以再好，但話佢連P都冇又好難講得過去。
6「元朗之星」雖然此程盲門但上季開季一場明顯出閘一鑊粥咁，而本身此駒以泥地短途中係有一定前速，再講，此駒是否千四最強仍是疑問。此駒分數已到新低，由1400落1200對手理應更弱，而本身谷草1650米對佢實在過長，田泥1200又追唔切，1400又唔係餐餐放到，呢程可能更好。再加上此駒又係慣例個頭下垂型跑姿的馬匹，係似隻「健康美麗」的型態，都係「潘」騎安心好多。
9「合夥雄心」此駒係跑蠻力，此駒在此廄一出在馬群中已能如入無人之境左衝加突應是非凡品，當時後生再上程唔得可能都可以理解。上年贏馬升三班後總覺得該場換「巴」發揮時留得太後才衝，今次換番「堯」騎相信好一點的。

後備位置Q馬
10「翡翠鳳凰」講真今場要入圍真係本身要再進步，但馬身長長而上年尾一場開始上1400米都得，有可能本身係有進步之象，但此駒都係略均速，就算狀態更馬身越來越健碩，但是否能走得贏隻「神之水滴」真心講係難。

其他馬匹
1「宜春輝煌」雖然轉倉可期待但此駒出閘都係神神化化，而且谷草下星期事實個倉可報但又吉左，而此駒谷草1200米都有力短之嫌，田草是否因「周」的減磅可頂住對手都幾成疑問……
2「星運明爵」上年第二W係好俐落但及後就轉人跑，而又越跑越回塘。，雖然上年都係谷1650米轉田草短途贏，但今次試大閘後不知何解慢工夫長一個禮拜以上，係有點奇怪的……
4「南莊之歌」真係驚班分到頂，上年季尾兩場復出就算銳都好像有點力有不逮，復課後單跳狀態係有點文靜，而檔略外就難度更高……
5「大師級」隻馬銳左好多，但此程真係近都唔近，可能等谷草博一場更好吧……
7「運來福星」上年季尾真係盡哂力，但尾一場真係輸到包尾而係難以解釋，有可能係分數漸盡而博得太多吧，觀察一兩場再看看較好……
8「加州一寶」此駒在澳洲尾兩場才勝，但馬身幾大隻之餘步略慢的，而在外地跑1200米唔係快閘類，反而1400米幾場表現更可人，但當年對住G2WINNER「Yaletown」係追都追唔到埋身。再有一問題係此駒入直路一發力會閃得幾勁，可能跑幾轉更好……
11「摘星光輝」比上年看似適應但本身係中長途馬，在澳洲本身都用得超多，熱身居多……

(河馬仔賽馬專欄)2021/09/19真金投注紀錄