商界講呢啲
商界講呢啲
商界講呢啲

新鴻基商場歡度中秋 享至筍優惠

2021/09/21 04:13:47 網誌分類: 生活
21 Sep
          嚟到中秋節,仲諗緊去邊度慶祝?想要感受節日氣氛,梗係唔少得團聚晚飯,話你知,荃灣廣場同葵芳新都會廣場有中秋消費優惠,等大家用至優惠價食盡多間人氣食府,同屋企人團圓慶中秋!

          葵芳新都會廣場由即日起至9月30日期間貼心呈獻「秋月美食賞」,最高可享港幣250元新地商場及餐飲贈券,千祈唔好錯過!飽餐一頓後,仲可以同親朋摯友一齊去喺L3-L4露天廣場同L5空中花園嘅〈喵喵遊園會Meow Plaza〉漫步,同足足5米高嘅巨喵「碌碌」欣賞夢幻彩光騷!而荃灣廣場亦都推出「月滿.共嚐」中秋歡聚優惠,由即日起至9月22日喺場內任何餐飲食肆商戶消費港幣1,000元即送港幣80元商場贈券;消費滿港幣2,000元即送高達港幣160元商場贈券,「月」食越筍!食完仲可以去超過20米長嘅「秋月星光大道」,當中最矚目嘅「Fly me to the Moon」,可以同家人摯愛觸得到嘅皎月下打卡留念!

          如果想為家人摯愛送上獨一無二又別具心思嘅禮物,就記得參加荃灣廣場同大埔新達廣場嘅「月滿團圓工作坊」。中秋節翌日,荃灣廣場下午4時至5時有古風花草紙燈籠工作坊,而新達廣場喺同一時段亦有果凍蠟燭工作坊。只需憑1,000 The Point by SHKP積分同即日HK$200電子貨幣消費,分別喺荃灣廣場L3顧客服務中心同新達廣場1樓顧客服務中心換領即可參加,每節名額12個,先到先得。喺今個中秋,一於親手製作溫馨又窩心嘅應節禮物,留低美好回憶!

        Cally
  
  
回應 (0)
我要發表
user