21~28/9 轉節氣後力守24000

2021/09/21 21:06:03 網誌分類: 經濟
21 Sep

假期前後例牌大龍鳳, 港股續創年內新低, 大舉屠牛

21/9 周二恆指收24221, 升122點

好友絕地反擊

昨晚美股暴跌, 道指大插614點收33970, 略為插穿34000大位, 要看後市能否重返其上, 今日美期急彈, 過去幾日美股雖然大跌, 但仍咬住納指14800, 道指34000大位, 有分析指中港股市反艇, 美股亦大跌, 反而會吸引資金回流仍處牛市的美股, 只要穩住美股, 就可穩住環球股市

22/9聯儲局公布議息結果, 未來幾晚美股又要起風雲, 大幅波動在所難免, 今日港股反彈可能係短炒淡友擔心明日內地復市阿爺護盤, 上証跌幅可能少過預期, 今日有淡友回補空倉, 平保見淡友食胡平倉手影, 由於已獲利甚豐, 小淡友先行止賺, 袋袋平安過中秋, 因為唔知阿爺明日搞邊科,

今早見地產板塊高開高走, 昨日急挫的A股逆向ETF今日下跌, 就知今日港股死不了, 因為想港股反艇, 就要金融地產齊齊大插, 今早港股雖然下跌, 但金融地產兩大板塊都造好, 結果午後港股果然倒升,

連續7日大舉屠牛後, 肥牛陣亡, 目前牛熊分布 8953牛 vs 4987熊, 一般來說, 出現單邊下跌市, 當貼價熊出世就係反彈之時, 今日24500樓上熊剛出世, 有上攻誘因, 不過23700附近重倉肥牛會拉住港股後腿, 貼價牛亦快將出世, 踏入月尾, 港股多數係好淡通殺, 大鱷要屠牛熊追數

多位分析師都認為阿爺會救恒大, 不會讓事件衍生系統性風險, 亦唔相信阿爺會打死本港地產界, 內房及地產股係跌過龍, 目前好友就係等阿爺放出好消息來穩住市場信心, 有長線投資者表示24000港股具吸引力, 已開始分注入貨

淡友趁大媽不在, 冇人護盤, 博大霧隊港股落地獄, 又擔心大媽周四回歸掃貨挾淡, 所以今日有淡友食胡, 推高了大市, 8/9見頂26560回落以來, 往往係彈一日又插過, 如能出現連升(周四收升), 利好, 如國指跑贏恒指, 收升機會增加, 過去6日恒指即市波幅擴大, 高達420~770點, 今日多隻內險股午後急彈, 除了可能係淡友回補空倉盤, 亦有可能同目前正在招股的保誠有關, 唔似係看好後市的買盤

上周恒指4跌1升, 打破了通常升跌2~3日的慣性走勢, 上周跌市日數過多, 升市日數太少, 本周升市日數理應增加, 不會只升1天這麼少, 中港美三地股市同步見底頂的話, 當中美股市觸底反彈, 港股亦會跟隨, 待遇上阻力大位再跌過, 過去幾日高位24640/24920/25045, 估計淡友會攔路

~~~~~~~~~~~~~~~~~~~~~~~~~~~~~~~~

技術性反彈

今日港股作出技術性反彈, 推番大市上去淡友又加沽, 沽空高企又爆燈, 後市一係大插, 一係急升挾淡, 不會呆下呆下橫行, 本周大插後, 恒指擴大了年波幅至大約7400點, 已進入了達標範圍, 不過以往見過年波幅約8000點, 所以今日低位23771未必係今年終極大底, 只係短底, 要推番上去期指結算/轉倉/基金季結高位走貨, 又或者好友乘機逃命,

恒指月波幅已超標, 高過一般正常波幅, 夠水位俾大鱷轉身, 未知大鱷會否忍忍手唔隊住, 來預留下個月的下跌空間, 不過QQ及港交所未見底是後患, 幸好QQ雖然收跌, 但卻是收陽燭, 下跌動力減弱中, 有望作出反彈, 今日QQ雖然跌穿$445, 創24/8以來新低, 但仍力守$440大位, 釋出利好訊號, 不過QQ沒有莊家睇場, 蟹貨亦多

今日收市U盤恒指收窄升幅, 走低45點, 為兩個月以來收市U盤最大跌幅, 可能係博反彈的好友食胡的避險沽盤, 今日港股一插即彈, 大媽不在, 冇人護盤, 但港股仍能開高收, 單日轉向呈陽燭, 測市指標利好, 近來大鱷一直勒住來窒窒步跌係引好友牛牛入局, 今個月累計屠牛超過一萬張, 港股跌勢理應喘定, 不過牛死牛還在, 牛熊分布仍然係牛多熊少, 因為25000/24000都係大位, 短短幾日連環插穿兩個大位點都會彈一彈, 如果阿爺生性, 有利港股續彈, 不過熊市沽壓大買盤弱, 博反彈宜炒波幅

呢兩日大量牛牛飛撲入市博反彈, 因為大市跌勢過急, 超賣, 加上美元衝高回落, 港匯略為回升, 美期急升, 美國十年期債息下跌, 都有助推動港股向上, 高人及一眾好友財演全面唱淡, 逆向思維, 港股有望作出反彈

港股明日中秋休市, 後日(香港時間23/9(周四))港股復市將會反映聯儲局議息結果, 同時亦要反映明日內地長假期復市的表現, 從A50這兩天偷步急挫來看, 市場預期內地股市明日會大跌, 只要內地股市跌幅少過預期, 有助穩住港股, 由周四起, 恒指將會步入月尾6天的部署結算市況, 要數住升跌日數來炒, 上個月係3升3跌, 不過今個月尾北水港股通因應十一黃金周長假期又會再關閉(29/9~7/10), 未知會否影響升跌慣性走勢

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

假期前後例牌大龍鳳, 港股急升急回, 收窄升幅, 牛熊通殺

23/9 周四恆指收24511, 升289點, 連升兩日沽壓大增

轉節氣秋分急升上企24500大位

睇住匯市來炒港股, 今早開市初段已提醒大家今日買上, 因為港匯走勢好轉

回顧上周五港匯收報7.7828

本周一二最弱曾見7.7881及7.7885==>熱錢流走, 港股大插

目前報7.7837==>資金流走暫告一段落, 港匯轉強, 港股彈高

今個月恒指見頂回落以來, 首度出現兩連升, 皆因匯債形勢利好友, 今日港股收升係正路, 不過只限今日, 明日中港股市危, 因為上証已連升3天, 通常升2~3日就回, 今日上証高位已見獲利沽壓, 不過有無形之手力撐, 夾硬收升, 港股今次反彈浪何時見頂就要睇住上証, 因為兩地股市多數係同步尋頂/見頂, 如明日上証無法突破今日高位3671掉頭向下, 港股亦會同步見頂回落, 以近來日波幅閒閒地500點來看, 就要下試24000水平

見恒指連升兩日亦不應太樂觀, 熊市易跌難連升, 由於本周係收跌周, 淡友不會輕易放手, 24500/24800~25000都會攔路, 今日科指上升乏力, 皆因美國十年期債息急升上1.4%水平, 不利科企, 按照慣性走勢, 明日中港股市都要收跌, 恒指本周2升2跌就達標

匯市形勢好轉, 代表洗倉走鬼盤收斂, 加上美期急升, 好友就借勢反擊, 至於港股何時再落山做終極大底, 就要睇住匯市以及上証表現, 後市要擔心月尾開始水星逆行, 以及大媽放十一長假, 北水又關水喉, 熊市見反彈亦不宜太樂觀, 過夜可以變天, 炒即日鮮較安心, 向上阻力24500/24800~25000, 上証阻力3650/3700, 如插穿24300, 代表反彈浪結束, 要向24000.23771進發

日前曾問大家貼價熊何時出世, 不過冇網友回應, 其實係非常重要的指標, 今早我才知道周二已登場, 所以今日就爆上去屠熊啦! 不過要擔心的是, 貼價牛亦已出世並大幅上移, 今日港股衝高秒殺小熊, 再碌落去屠殺小牛, 好淡通殺, 目前牛在24150, 有下殺誘因

~~~~~~~~~~~~~~~~~~~~~~~~~~~~~~~

升市現暗湧

恒指由周二低位23771反彈上今日高位24827累計反彈1056點, 深大媽買QQ, 但滬大媽走QQ, 總的來說, 大媽走港股, 買不多, 主要買非權重股, 老外沽A股, 港股方面, 唔少股份都衝高回落收陰燭, 反映人心仍虛怯, 蟹貨/獲利盤出籠, 其實今日港股表面上收升, 但卻收陰, 走勢欠佳

當大市處於尋底階段, 大鱷唔會容許大升, 一彈上去就會打回頭, 當大市見短底, 大鱷尋底目標已達, 大市就會彈高高或連升, 當一見頂就會再插過, 根本就係造市, 

明日地產商開大會討論如何應對阿爺的政策, 今日港股反彈的主要動力來自周一二跌幅過大的內房及本地地產股, 係技術性反彈/挾淡, 並非看好後市的買盤, 早前熱炒的車股, 今日逆市下跌, 莊家正在派貨撤退

華爾街大鱷及美企回購撐股價係高手, 美股餐餐大插後都識彈, 聯儲局班友仔出口術唱好亦唱淡, 耐不耐放下風, 見美股大跌又發出利好言論, 推番美股上山, 昨晚鮑爺擺明係撐美股, 唔講收水, 美股連插後梗係借勢反彈, 美股已連跌2~3周, 上周四權結算完成, 本周美股反彈亦係正路, 9月尾基金季結, 基金經理要做靚盤數, 亦想高位出貨來應付贖回, 9月初白宮派救濟金關了水喉, 美股散戶參與度跌了35%,

中港美三地股市通常係同步見底頂, 昨日上證觸底反彈, 所以今日港股冇創新低, 不過衝高秒殺小熊即回, 反映24800阻力大, 上証及港股同步創兩日以來高位, 同步見頂回落, 同步轉勢向下, 同步收窄升幅,

大鱷養牛熊, 目前貼價牛熊都登場, 位於24150及24840熊, 市弱由低位彈千點(見24800)已經會腳軟, 如有利淡消息就會重拾跌勢, 要有強烈利好消息, 才可由低位反彈1000~1500點,

早前分析內銀走勢, 我已經話內銀A股炒完, 碌緊落山, 拉埋H股落水, 建行12/8重上$5.5整數大位一直守得好穩, 但過去一個星期已經插穿, 比亞迪本來一直穩守$250, 但16/9已失守, 阿里巴巴本來一直穩守$150, 自從周二(21/9)失守, 已經連日收於其下, 這些指標股插穿大位, 反映港股沽壓沉重, 有大手沽盤出緊貨

真係估佢唔到, 今個月玩左16日, 恒指竟然係8升8跌, 周一出現小型股災, 由24920碌落山, 今日竟然高見24827, 一度收復大部份失地, 呢個都算係股災? 分明係人為操控大市上落,大鱷正趴街, 殺人不見血


==================

9月基金季結

9月中基金經理英爺說已將本來重倉的愛股QQ沽出一半持貨, 阿爸已清倉, 對比持倉高峰期已走了大部份新經濟股, 英爺係本港基金界成績一向亮麗, 但英爺說截至9月中已見紅, 第三季已由賺變蝕, 我估本周佢個基金可能蝕得更多

早前我係網誌分析, 曾說9月基金季結, 代入基金經理的角度來看, 見熊市反彈梗係走貨來埋季結, 不會冒風險入市, 如此一來就會削弱港股低位的承接力, 睇下英爺的取態, 就會明白為何港股如此弱雞, 基金經理減磅, 大戶散戶全民皆艇, 大媽推高出貨, 近來見本來熱炒的資源商品鋼鐵水泥股都插, 可能係止賺盤, 趕住埋季結, 如果唔沽, 隨時倒蝕

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股衝高回落, 大舉屠牛

24/9 周五恆指收24192, 跌318點, 結束兩連升

今日港股受內房及限電消息拖累, 加上美期下挫, 港股偷步跟跌, 不過最終周五美股冇插水, 一插即彈近平收, 回顧周四道指急升506點, 周五再升33點, 雖然連升三日, 但其實並非強勢, 月初勞動節前道指衝上35475見頂回落, 反覆急挫, 正正吻合早前所說多家投行罕有地齊齊唱淡美股, 其後美股莊家不斷沽貨撤退, 近日道指莊家已走得七七八八, 升市但蟹貨卻明顯增加, 唔係好現象, 代表下殺危機未除, 今次道指連日急升似係技術性反彈, 因為9月尾基金季結, 基金經理要做靚盤數, 亦想高位出貨來應付贖回,

下星期係港股結算周, 好淡大鱷角力, 要部署下周三結算位, 要看好友能否守住低位23771, 以及收市能否企24000之上, 因為今個月兩次插穿都能收於其上, 今個月恒指月波幅已達標, 未知淡友會否拖到下個月才爆邊, QQ能否守住大位 $440~$450攻上$470阻力區非常關鍵,

上証底頂下移, 向上3650/3671阻力大, 如失守3600就會拖低港股, 上証結束三連升, 險守3600水平, 無形之手掃茅台撐A股, 港股陰霾滿佈, 買盤弱成交縮, 不過孟晚舟獲釋係好消息, 下周一恒指升跌非常關鍵, 具啟示作用, 下周一(27/9)港股如能收升, 代表好友反擊中, 如收跌, 代表淡友仍未放手,

按照月尾升跌慣性走勢, 下周四天不會全跌, 最少都會升1天, 牛熊分布方面, 初生BB牛在24050, 23800向下級級有勁肥牛, 24650樓上有初生BB熊, 10天線在24700水平, 不斷下移中, 形成阻力

29/9(周三)港股通將會關閉, 北水熱炒股見獲利沽壓, 周三大媽愛股亦將會失去了北水掃貨盤的扶持, 基金埋季結亦會趁反彈走貨, 美債息急升, 利淡科企, 監管風暴下, 股民持有港股, 真係唔知幾時燒到埋身, 假如中招, 隨時嘔突過往累積的盈利, 呢種避險心態就令港股每次反彈都惹來沽壓

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股臨危托沽.好淡通殺

27/9 周一恆指收24208, 升16點, 部署周三結算位

港匯及人民幣企定定, 唔似熱錢走鬼, 反而似係基金埋季結及長假期前的獲利沽盤, 內房、汽車股、電力股、航運股、濠賭股及航運股全面捱沽, 港股整體下跌股份比例非常高, 但港股收市升跌幅度竟然不大, 極不尋常, 好友及大媽撐市態度明顯, 代表上周二港股觸底反彈, 淡友暫時唔想再下殺, 想等彈高些才加沽, 拖到北水關閉才出手隊港股, 目前恒指仍困在23800~24800之間係因為有結算因素

回顧上周一二恒指插穿24000, 當時人民幣及港匯走弱, 走資, 北水關閉, 大媽休市冇得掃港股撐市, 但目前港股並不符合這些條件, 所以今日恒指不但冇跌穿24000, 亦守得住上周五低位24095, 挑戰24500水平, 近日大跌累街坊係內房股, 恒大等多隻內房企業有賣資產亦有配股/引入戰略投資者來搵資金救亡, 有助紓緩市場恐慌情緒

今日港股衝高回落, 全城唱淡, 但其實測市指標出現利好訊號, 權重股QQ收升收陽, 國指收窄跌幅呈陽燭, 恒指低開高收, 單日轉向亦收陽, 好友力守24000, 上攻24500.24800, 不過正在下移的10天線(目前在24560附近)會見阻力, 淡友亦不會容許高位結算, 以周波幅來看, 今日高位24509不會是本周高位, 只係閃上去試水溫及養牛熊, 仍有上升空間,

道指恒指差距又超標, 恒指有條件追落後, 不當美元及美債息走高, 就要小心港股又會再反艇, 近日美國十年期債息趨升, 拖累科指創9月新低6078, 但恒指仍能守住24000冇隊落去插穿23771, 反映恒指走勢比科指強

上周二恒指創今年新低23771, 月波幅已達標, 淡友收斂攻勢, 趁反彈再累積淡倉, 今個星期係結算周, 輪到好友反擊, 力守上周五低位24095, 閃上24509試水溫及引淡, 24600樓上BB熊出世不久, 快高長大, 重倉熊在25000水平, 大鱷想養肥熊熊來抵消放生23800樓下牛牛的損失, 大鱷奸計得逞, 目前牛熊分布係 8723牛 VS 7307熊, 牛熊分布均衡, 後市如仍受制於前頂24827, 就要再落山尋底, 以往月尾都係上攻下殺貼價牛熊, 周三北水關閉, 冇左大媽掃貨, 港股成交必定會縮減, 大鱷就更容易操控大市上落, 好淡通殺

內地股市整體下跌股份比例非常高, 不過內險A股.茅台.比亞迪大幅高收, 舉國賀孟晚舟獲釋, 茅台漲停板, 力撐A股, 上証雖然收跌30點, 收報3582, 大跌失守3600, 但港股仍能守住24000, 亦係反常, 反映好友正在部署後日結算位, 按照慣性走勢, 周一恒指收升代表好友健在, 後市仍會再上攻, 不過24600~26800會見阻力, 大媽大手掃QQ.美團.中海油力撐港股, 明日有望升穿今日高位24509來擴大周波幅, 順道屠熊

恒指有一個慣性走勢, 創新低見短底後的下一個星期例升, 只要本周冇插穿上周低位23771, 即係見短底, 那麼本周就會收升, 即係30/9將會收24192之上

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

結算前夕港股急升秒殺小熊即回, 收窄升幅

28/9 周二恆指收24500, 升291點, 連升兩日沽壓大增

恒指追落後

港股由9月中的單邊向下, 變為跌下彈下的上落市, 21/9低見23771後拗腰向上, 其後一直守住24000上攻10天線, 港匯及人民幣反彈, 港股因而冇再創新低, 過去幾天反彈的買盤可能係受了結算及基金季結所帶動, 道指恒指差距仍超標, 恒指正在追落後, 所以連升兩天, 港股RSI.MACD等技術指標進一步改善

恒指連升兩日, 托沽味甚濃, 呢兩日指數收升但唔少股份卻下跌, 有無形之手托住指數來洗倉, 指標股港交所逆市收跌, 恒指衝高回落, 收窄升幅, 10天線得而復失, 今日向上擴大周波幅高見24679打回頭, 由於周波幅未達標, 就要向下插穿本周一低位24131來擴大周波幅, 只要守得住24000, 代表好友仍未放手, 反彈浪未完, 全城看淡造淡, 牛牛減倉, 大量熊熊飛撲入市, 熊多牛少, 極為罕見, 要買定官才, 今個月恒指高低位已見, 下個月要做新月波幅, 24000~25000要上下爆邊來擴大月波幅

遠牛食胡, 貼價牛牛已上移至24200水平, 有下殺誘因, 不過24600樓上熊熊亦大增, 未來幾日可能係牛熊通殺, 中港美三地股市多數係同步見頂回落, 不過今個月恒指月波幅已達標, 所以一直守住24000向上推進,

日前已提醒大家美股只係死貓彈, 向上動力不足, 莊家已撤退, 散戶入場熱度大減, 美股蟹貨愈來愈多, 下殺危機未除, 十年期債息急升影響科企表現, 美期納指大插插, 拖累港股收窄升幅, 本周只餘下2個交易日, 一直擔心美元重上93.5會拖累新興市場股匯, 今晚果然爆上93.7水平, 明日股市沽壓會加劇, 幸好明日期指結算, 好友有托市誘因, 按照慣性走勢, 本周恒指或會收升

由6/9起, 科指通常升1~2天就跌, 未見過連升3日, 目前升了1天, 換句話說, 如果跟慣性走勢, 科指明日或後日會收跌

QQ已連升2天, 由6月開始, QQ通常連升2~3日就跌, 只係見過1次連升4日, 目前QQ已連升2天, 換句話說, 如果跟慣性走勢, QQ明日或後日會收跌

昨日港股雖然跌幅不大, 但其實唔少股份都急挫, 今日就急彈, 不過長假期前高位獲利沽壓會加劇, 紛紛收窄升幅, 明日北水關閉, 冇左大媽掃QQ.美團.中海油, 點算好? 淡友會否偷襲? 好友今日夾硬踢高港股, 就係預留回調水位, 想守住24000盡量推高結算價,

~~~~~~~~~~~~~~~~~~~~~~~~~~~~

本周輪到好友當家

上星期係收跌周, 淡友惡晒, 上周二創年度新低23771, 有淡友食胡, 港股拗腰重上24000, 上周四恒指續升, 高見24827, 未食胡的淡友攔路, 推番大市落山, 上周五進一步推落24095, 淡友食胡

本周輪到好友當家, 昨日力守上周五低位24095, 閃上24509試水溫及引淡, 24600樓上BB熊出世不久, 快高長大, 昨日好友力撐大市唔跟上証插水已露端倪, 今日按照周一不會見頂的慣性走勢, 升穿24509, 重上10天線

月尾6天恒指表現, 目前係3升1跌, 跌市日數未達標, 按照慣性走勢多數係3升3跌, 雖然未必跟足, 但未來兩日最少都會跌一天, 未知會否受四日市及季結影響慣性走勢, 今日港股雖然彈高, 但不應太樂觀, 過夜可以變天, 內地十一黃金周長假期前避險獲利沽壓亦會大增, 不利港股, 不過港股跑輸中美股市, 道指恒指差距效應下, 港股跌幅理應少過道指, 港匯及人民幣走強, 有助穩住港股,

最新回應

史哥
史哥 2021/10/18

育否進一步就要留意257,,

此位好重要

亦喺江恩轉節位

門徒
門徒 2021/10/18

有冇搞錯 {#iconb_627}數錯,元帥行開左我旨意你家麻 {#iconb_625}咁即係点呀我死唔死得去咁呀?

試下學下
試下學下 2021/10/18
@史哥...

我數錯左,暫時要睇真D先

而家可能仲係A浪行緊

由5/10開始計行左8日

史哥
史哥 2021/10/18
@試下學下...

你點數?

可否放圖上來看看?