功課邊個做

2021/09/23 17:24:39 網誌分類: 教育
23 Sep

以前,功課係小朋友做既。

依家,無可否認,有d功課係大人有份做既。

家長見小朋友唔肯做,就心急啦,捉住隻手寫......唔好欠交嘛。

當然都有「唔做就罷,老師會罰你」既家長。

以前我教過某間黑店,班小四學生長期欠功課同改正。

主任竟然話,佢地唔做改正你唔追?

於是,追下啦。話明黑店,人地學校唔要既細路,經教育局介紹過去讀書,質素係點,應該估到。

佢地一句「唔識改」就唔使改正?

主任話,唔識就教到佢識。

咁常識一星期得4堂,常識課程又趕,要教咁多冊,我又唔係主修常識,教得吃力,又不討好。備課,已好努力......主任話學生程度低,要教埋佢地做功課,識左就唔使改正啦。理念正確,但用嚮果班內地背景既小朋友身上,包括有家長成個學期唔睇手冊,包括仔女俾左人地睇而自己長期嚮大陸既家長... . 小朋友覺得屋企都冇人管,返學都唔慣俾人管啦,聽書? 佢地會選擇吹水同偷偷打機,再俾同學揭發。

就算我當時好俾心機教,教唔切都寫返答案俾學生做改正,咁多本...... 寫通宵都唔掂啦。寫完佢地仍然唔會改正!

唔知幾時開始,做功課變成由有責任感既大人做......

當然,肯自己做功課既學生仍然有架。俾10個likes佢地。

頭先陪個好懶既仔做功課...... 唉...... 唔係我冇方法,係個仔一年班果陣(真係教得好乖)投訴我仲惡過老師、嚴過老師,二年班就嘗試唔跟我咁做,然後發脾氣,我重視既野包括佢既健康佢都拎黎同我討價還價,睇我反應。學校社工話我個仔好聰明(7歲已經似青春期既反叛),好得意,咁細個咁多野諗到,可以咁樣同佢傾到咁多計,但都明白我係會好辛苦。

仔呀,你係男仔囉。做人要有承擔。唔係要扭計同講條件,會令人討厭。本來想送黎獎勵良好行為既禮物,送唔出,繼續擺。

回應 (2)
我要發表
淺雪
淺雪 2021/09/29 13:14:56 回覆

教育子女..而今的確不容易..難度極高..

wongi
wongi 2021/09/24 06:57:23 回覆

送上星星。

親子活動,親子作業,一大堆親子的東西,真是令家長吃不消。

但這個遊戲規則,已經變成常態。

難為了父母和子女啊!

user

最新回應

淺雪
淺雪 2021/09/29

教育子女..而今的確不容易..難度極高..

wongi
wongi 2021/09/24

送上星星。

親子活動,親子作業,一大堆親子的東西,真是令家長吃不消。

但這個遊戲規則,已經變成常態。

難為了父母和子女啊!

ivina
ivina 2021/09/23

祝兩位中秋節快樂!

近來食即食既意粉用多左錢......

淺雪
淺雪 2021/09/19

可能是 2 人和顯示的文字是「中秋節就要到來 祝賀大家 老少團圓 齊聚家園 和和氣氣好人緣 温温馨馨幸福圓 中秋節快樂」的圖像