天壇大佛「沐浴」 重現慈祥莊嚴真身
2021/09/27 04:12:22 網誌分類: 生活
天壇大佛建於一九八九年,位於大嶼山木魚峯上,與香港人共同經歷咗三十年嘅風風雨雨。由於大佛以青銅鑄成,常年暴露於自然環境中,表層自然腐蝕生綠鏽,加上香港氣候炎熱,雨量充沛,仲帶酸性,令大佛處於相對惡劣嘅環境,表面嘅青銅保護塗層受嚴峻嘅考驗,而大氣中之氯化物亦加速青銅表面嘅腐蝕。有鑑於此,寶蓮寺由去年六月初起圍封大佛,展開大維修同保養工程,以氧化鋁噴砂為主、打磨為輔,清除佛像身上受破壞嘅原保護塗層同惡性銅鏽,再塗上新嘅保護物料,從而恢復大佛原有嘅慈祥和莊嚴。經一年多嘅努力,工程首階段順利完成,近日大佛個頭、上半身同手重現。Kelly嘅朋友昨天專程坐纜車上昂坪見佛,佢不由讚歎,話喺陽光之下,感受到佛光普照,即時誠心祈求市民喺身心健康,福慧雙修,如意吉祥!
Kelly Chu
■大佛過去一年零四個月,被大圍板圍封。
■大佛經噴砂清洗後,回復光亮真身。
回應 (0)
我要發表