29~30/9 港股熊市尋底之旅

2021/09/29 20:45:04 網誌分類: 經濟
29 Sep

港股結算先低後高, 單日轉向, 牛熊通殺

29/9 周三恆指收24663, 升163點, 連升3天沽壓大增

日前曾說上星期係收跌周, 淡友惡晒, 港股跌到阿媽都唔認得, 今個星期係收升周, 輪到好友威威, 港股技術指標略為改善, 一插即彈, 大幅低開後彭彭聲飆番上去, 近全日高位收, 好友踢高港股, 就係預留明日回調水位, 想本周收升收陽, 今個月已做夠月波幅, 大鱷都想拖到下個月才隊穿23771

今個月好友輸到趴街, 今日期指結算好友作出垂死掙扎, 最後一擊, 懶理中美股市大跌, 夾硬推高港股來結算, 乾升挾淡, 成交並不配合升勢, 明日場外期結, 倉位更大, 淡友必定會於24600~24800攔路, 盡量推低結算價, 加上明日有長周末避險效應, 美股勢危, 亦會拖累港股,

上証於長假期前暴跌66點, 收3536, 失守3550大位, 連內地股市走勢亦轉差, 今日港股表面上倒升好靚仔, 其實沽壓沉重, 下跌股份比例非常高(648升 VS 1047跌), QQ冇莊家.蟹貨多, 上升乏力, 走勢差, 美團累積沽空愈來愈多, 亦不利港股後市, 沽空又爆燈, 淡友趁反彈又加沽, 代表港股後市一係爆升挾屎淡友, 一係大插插, 不會呆下呆下, 長假期前後例牌大龍鳳, 明日要畫周線月線

今日推升除了因為期結外, 亦有可能係受基金季結所推動, 踢高金融地產等一眾舊經濟股, 基金就可於高位沽貨或埋數, 收市U盤連續兩日走低, 代表今個月好友已收爐, 無意再大舉推升

道指月中創兩個月新低33613, 當天恒指亦同步創新低23771, 隨後道指掉頭向上, 收復部份失地, 港股亦同步拗腰走高, 本周港股反彈, 多隻測市指標股技術指標好轉, 出現超賣的死貓彈, 不過要留意熊市利好訊號通常不會持久, 市況很快會逆轉, 上周二(21/9)創新低後見買盤趁低吸納, 可能係短炒買盤, 雖然過去幾日美元及美國十年期債息走強, 但港股亦跟隨道指冇再創新低, 但港股升市成交縮, 沽壓大買盤弱, 幸好無形之手力守QQ$440~450, 窒礙了港股下跌步伐

市場擔心歷史重演, 買盤弱, 股民入市意欲低, 因為下周內地休市淡友可能又會再偷襲(上次中秋插逾千點), 近日港股走勢改善可能係受季結所推動, 下周失去季結的買盤就危, 所以近日港股一路升, 沽空就不斷增加, 淡友蠢蠢欲動

月尾6天多數係3升3跌, 如今係4升1跌, 本周好友當家, 升多了1天亦合理, 不過本周恒指跌市日數未達標, 尚欠1日跌市, 科企弱勢會累街坊, 今日起北水關閉, 買盤弱成交縮, 美元急升上企94水平, 不利新興市場股匯, 幸好美國十年期債息回軟, 日圓亦走弱, 不過今早企定定的港匯人民幣今晚轉弱, 港股沽空急增又爆燈, 代表港股下殺危機未除, 大媽不在, 大媽愛股QQ美團中海油電力股紛紛反艇, 明日好友任務係守住24192, 盡量推高收市價, 周線就可收升

~~~~~~~~~~~~~~~~~~~~~~~~~~~~~~~

升市現暗湧

本周港股作出技術性反彈, 推番大市上去, 淡友日日都加沽, 美團.阿里等成份股後市不妙, 目前恒指年波幅約7400點, 如果做細年波幅就已達標, 不過 過去十年見過5次年波幅高達8000~9000點, 如今才是第三季末, 仍有時間跌, 正路今年應做大波幅, 代表港股未見底, 上周低位23771未必係今年終極大底, 只係短底, 近日推番上去是為了期指結算/轉倉/基金季結高位走貨, 又或者好友推高乘機逃命,

恒指月波幅超標, 已經高過一般正常月波幅, 所以中秋後大鱷就忍忍手唔隊住, 來預留下個月的下跌空間, QQ及港交所未見底是後患, QQ沒有莊家睇場, 蟹貨多是隱憂, 數據顯示約20間大行及大戶今個月大舉沽清QQ

中港兩地股市多數係同步尋底頂, 上証於9月中見頂3723後掉頭碌落山, 展開跌浪, 港股亦反艇, 如後市上証無法突破3723, 港股亦會同步尋底, 以近來日波幅閒閒地500點來看, 就要再隊穿24000水平

見恒指本周反彈亦不應太樂觀, 熊市淡友當道, 淡友不會輕易放手, 24500/24800~25000都會攔路, 27/9起開始水星逆行, 以及大媽放十一長假, 北水關水喉, 後市如插穿24000代表反彈浪結束, 要向23771進發, 港股基金經理減磅, 大戶散戶全民皆艇, 大媽推高出貨, 近來連本來熱炒的資源商品鋼鐵水泥股都有散水味插, 熊市如果唔趁反彈沽貨, 隨時倒蝕

早前分析內銀走勢, 我已經話內銀A股炒完, 碌緊落山, 拉埋H股落水, 建行$5.5整數大位本來一直守住, 但近來已經企唔穩, 比亞迪本來一直穩守$250, 但16/9已失守, 阿里巴巴本來一直穩守$150, 自從21/9失守, 已經連日收於其下, 這些指標股插穿大位, 反映港股沽壓沉重, 有大手沽盤出緊貨

9月初勞動節前道指衝上35475見頂回落, 反覆急挫, 正正吻合早前所說多家投行罕有地齊齊唱淡美股, 其後美股莊家不斷沽貨撤退, 道指莊家已走得七七八八, 升市但蟹貨卻明顯增加, 唔係好現象, 代表下殺危機未除, 美股見頂回落, 走勢轉弱, 跌下彈下尋底格, 9月尾10月初美股基金經理趁反彈於高位出貨來應付贖回, 9月初白宮派救濟金已結束, 關了水喉, 美股散戶參與度明顯下降, 當道指再插穿34000, 港股就危

10月中為美企業績期, 公布業績前一個月為企業禁止買賣期, 要暫停回購, 因此美股該時段表現會特別差, 這就可解釋為何美股9月初見頂回落, 反覆急跌, 就係因為缺少了企業回購的掃貨買盤

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

月結季結港股急跌急彈, 收窄跌幅

30/9 周四恆指收24575, 跌87點, 結束三連升

長假期前後例牌大龍鳳

按照慣性走勢今日QQ應收陰燭, 但卻收陽燭, 可能係被基金季結做數所扭曲, 如此一來, 可能會順延至下周一才收陰燭, 每逢周一都係好淡角力的大日子, 必定會有大龍鳳, 入市要小心, 如周一收跌, 該周收跌機會大, 關高人口吻偏好, 唱到上25000, 梁燈神重倉, 相反指標係利淡訊號, 沽空持續高企, 後市必定會有大插, 目前普遍分析都認為港股未見今年大底, 後市會插穿23771, 熊市下跌時間及空間都未達標, 即係未跌夠

今個星期短周4日市, 恒指3升1跌, 受季結及期結帶動, 升市日數多過跌市, 按照慣性走勢下周會補跌, 下星期不會只跌1天這麼少, 牌面利淡, 水星逆行代表股匯債都會出現大震盪, 回顧過去9個月恒指每個月開新局第一天有7次升.2次跌, 一次收跌係因為當天上証下跌, 另一次係內地休市, 按照呢個慣性走勢來推算, 下周一(4/10)港股會收跌

本周恒指收升, 結束連跌兩周勢頭, 吸引好友入局, 牛牛飛撲入市, 牛多熊少利下殺, 向下排到落24000近牛有約千張

今日港股回吐, 獲利沽壓大, 皆因淡友連日於26700攔路, 美元及美國十年期債息急回,  21/9港股創新低後, 的確見資金趁低吸納, 不過唔知係邊路人馬, 基金埋季結買盤? 價值(長線)投資者買盤? 短炒博反彈買盤? 淡友掃貨推高造淡的買盤? 淡友回補空倉的買盤?

假如本周的主力掃貨盤係基金埋季結, 那麼踏入10月(下周一4/10起)就會失去了這些買盤, 下周一就危, 上次淡友趁大媽休市就隊港股落地獄, 單日大插1049點, 股民擔心歷史重演, 所以近來港股就算收升, 成交都係萎縮, 係乾升, 周三四五連續3日彈上24650都見獲利沽壓大增, 股民持貨信心不足, 一彈即食

呢幾日聽了多位分析師對後市的看法, 普遍認為踏入第四季再隊穿24000, 跌破23771做底就會拗腰上, 可能會見23000, 第四季港股將迎來轉角市, 目前消息面仍淡, 人心虛怯成手蟹, 市場普遍看法都係擔心阿爺會繼續出台監管政策, 亦擔心當美股彈完就會重拾跌勢, 以及美國可能會出現滯脹, 分析師建議見再插穿24000分注向下買, 要慎防黑天鵝, 所以不宜重倉, 要預留資金落暴雨時購物,

最新回應

史哥
史哥 2021/10/18

育否進一步就要留意257,,

此位好重要

亦喺江恩轉節位

門徒
門徒 2021/10/18

有冇搞錯 {#iconb_627}數錯,元帥行開左我旨意你家麻 {#iconb_625}咁即係点呀我死唔死得去咁呀?

試下學下
試下學下 2021/10/18
@史哥...

我數錯左,暫時要睇真D先

而家可能仲係A浪行緊

由5/10開始計行左8日

史哥
史哥 2021/10/18
@試下學下...

你點數?

可否放圖上來看看?