10~11月份財經留言版
港股熊市尋底暫告一段落, 10月初破底, 跌穿9月低位23771/8492來擴大年波幅, 低見23681/8359隨即迎來轉角市, 展開反彈浪, 10月尾見頂後大幅回吐
QQ一直守住$440~450, 代表大鱷仍想托市, 跌唔落就會挑戰阻力大位在$500, 結果成功上企$500大關, 挑戰$520~530阻力區
向上阻力大位26100~26300, 26560
向下關鍵大位24000.23800.23681.23500.23288.23000
8月收25879, 8月高位26822, 9月收24575, 9月高位26560, 如能一一上破, 就打破了一浪低於一浪的尋底走勢,
9月份每次插穿24000都能收於其上, 代表24000有無形之手睇場, 10月只係6/10收23966, 翌日就爆上24701收, 代表好友已奪回主導權
10月初港匯逐步轉強, 資金流入, 港股止跌回升, 9月底基金季結後, 熱錢及基金再度炒價殘的港股, 插穿24000見買盤掃貨
11月美國收水+12月美國債務違約危機
美國供應鏈問題+通脹上升+經濟增長放緩跡象==>滯脹?
過去9個月恒指高低位出現時間:
1.2.4.5月收升: 該月下旬才見頂, 全月先低後高
3.6.7.8.9月收跌: 該月下旬才見底, 全月先高後低 ~ 熊市反覆向下尋底格
恒指連跌4個月後, 10月收升機會大: 10月下旬才見頂, 全月先低後高 ~ 展開反彈浪
============================
2021年第3次水逆日期：9月27日至10月18日 ~ 水逆結束, 19/10港股有運行
人人都講10月股災, 其實根據統計, 過去20年恒指係15升5跌, 只因當中有兩年(2008及2018)係股災式暴跌, 所以有錯覺以為10月偏弱, 實情係10月偏好, 資金趁低吸納博翌年走高, 由於今年第三季港股暴跌, 亦連跌4個月, 第四季反而有望收升, 而10月份亦會重上25000
10月中為美企業績期, 公布業績前一個月為企業禁止買賣期, 要暫停回購, 因此美股該時段表現會特別差, 這就可解釋為何美股9月初見頂回落, 反覆急跌, 就係因為缺少了企業回購的掃貨買盤, 當公布業績後, 企業再回購股份, 美股走勢就會好轉
今年第三季基金經理叫苦連天輸趴街, 連基金界大佬英爺都話第三季嘔突首兩季的盈利, 今年第四季就係基金經理翻身的最後機會, 9月季結後, 基金經理冇左埋數的制肘, 就可再入場博殺, 所以近日港股一向上破位, 大市就進一步急升, 去到阻力位窒窒步並非見頂, 係震牛引熊,
============================
因頭條網登入時常出問題，所以另設後備留言區
https://sohofriends.blogspot.com/2021/10/2111.html#comment-form
恒指國指連升四周, 創2月見頂以來最長升浪, 月尾結算周或會收跌, 因為港股雖然已收復多條重要平均線, 不過升市成交縮,指數高企但唔少股份卻下行, 26200水平沽壓大增, 指標股早已於上周見頂回落, 月尾淡友或會作出反擊, 輸少一蚊得一蚊, 結算周或會轉勢向下
10月第三周港股爆升, 皆因科企及地產板塊走強, 但第四周呢兩個板塊齊齊轉弱, 科指6800屢攻不下, 削弱港股上升動力, 不進則退, 26000仍未企穩, 大鱷只係咬住26000水平來派貨, 資金市當港匯轉弱, 港股沽壓就會加劇, 25800就危
港股累積龐大升幅, 回吐壓力增加, 不過多隻龍頭科企及權重股已有莊家進場, 所以結算前玩跌下彈下托住溫水煮蛙式出貨
市強未見頂多數係即市調整或小幅收跌, 消化沽壓後就會破頂, 尋頂市每周都會有新高, 如大跌超過200點或出現連跌, 代表市況轉弱, 10月份夜期多數係收高水, 當收低水就係好友縮, 淡友谷的利淡訊號
恒指尋頂期間, 往往只係跌一日即彈, 升就連升, 係強勢表現, 假如出現連跌或大插, 代表淡友反擊力量增強, 係見頂訊號
港股通常連升3~4日就下跌, 通常每星期升/跌2~3天, 周三四五係創周高/低位的時間窗口, 正路結算周最少跌2天
今個月恒指收市U盤多數係踢高
~~~~~~~~~~~~~~~~~~~~~~~~~
中港美三地股市同步尋頂, 要假設22/10高位26229只係短頂, 回調整固, 消化沽壓, 月尾仍會再創新高, 多位基金經理上望26800~27000, 不過普遍分析認為要先作出調整才能再上攻
以閒閒地800~1200點周波幅計, 結算周要插穿26000亦要上破26229來擴大周波幅, 大頂通常係一瞬即逝, 如向上受阻, 就要插穿25800, 再下一個支持位在25500, 向上阻力成交密集區26100~26300, 整數大位26500, 前頂26560, 26/7下跌裂口26878~27222阻力非輕
月尾匯控.港交所.平保.比亞迪.建行.中行等多隻大藍籌公布業績, 小心見光死, 相關股份表現或會令港股大幅波動
美股方面, 普遍財演分析及基金經理都認為美股仍處牛市, 回調整固後就會再上, 如道指彈高, 道指恒指差距效應下, 就會拉住恒指上山, 每當道指恒指差距超過10000點, 港股就會急彈追落後
人民幣強勢破1.4水平, 港匯亦愈來愈強, 資金市港股走強, 係港股上升動力之源, 當港股對利淡消息有強烈負面反應, 代表港股獲利沽壓大增, 上升動力轉弱, 資金市水浸市場, 一回吐就會有資金掃貨, 低位往往係一瞬即逝, 如持續在低位徘徊不妙
港匯人民幣強勢持續, 老外繼續大手掃A股, 但大媽卻密密出貨及換馬, 不斷走QQ及建行, 上証仍然係日升日跌, 不斷挑戰3600水平
~~~~~~~~~~~~~~~~~~~~~~~~~
大鱷以輪動方式來推升, 港股一插即彈, 月尾基金9月結埋數, 照計基金經理亦唔想隊散港股, 9月基金大賺就可做番靚盤數, 追回第三季的損失
大媽繼續沽出建行, 導致多隻內銀於今次升浪跑輸大市, 地產板塊於月中大幅反彈後, 受房產稅出台所拖累, 月尾沽壓大增, 壓住大市
老外不斷大手掃A股, 可能係受跨境理財通 + 發行MSCI 互聯互通A股 ETF + 人民幣強所推動
今個月港股升得這麼急, 除了因為過去四個月跌過龍外, 亦有可能係好友大鱷想係11月初聯儲局宣布收水前盡量推升, 不過上破26000後買盤明顯縮減, 高處不勝寒, 以時間周期及空間反映呢浸升浪已屆尾聲
港股成交細反而更易操控大市, 乾升挾淡, 近來港股升市成交縮, 下跌股份比例高, 升得唔健康, 除了比亞迪屢創新高外, 其他指標股早已見頂回落, 預示港股10月份就算破頂亦走不遠
目前淡倉遠遠多過好倉, 淡友趁10月升浪不斷加沽, 但港股卻高企不下, 反映大鱷想挾淡或者想高位結算及養牛熊, 26200樓上每百點級級有肥熊, 牛牛大幅上移至25900水平, 初生貼價BB牛周一(25/10)出世, 當養肥就有下殺誘因, 按照慣性走勢, 當港股出現大升浪, 貼價牛出世, 就代表升到水尾,
當屋仔QQ科企見頂回落, 港股亦會同步見頂回落, 大鱷有一個習性, 就係反彈時升到你唔信, 淡友輸到怕怕投降, 好友贏到開巷, 當一見頂就會失驚無神大插, 好友走避不及, 嘔突盈利, 最終大鱷好淡通殺
大媽密密沽出QQ, 於$500樓上買盤明顯縮減, 積極沽貨, QQ上升動力隨即轉弱, 如QQ失守$500就會拖低大市, 所以好友莊家一直守住$500大位, 如能升穿$515, 向上阻力在$520~530亦不易突破, 10天線不斷上移, 不進則退
美股炒業績推動道指標普創新高, 業績期港美股市大幅波動
《摩根大通》美國科技股公布季績，微軟、Google母公司Alphabet將於26/10公布業績，蘋果及亞馬遜則將於周四28/10公布業績。美股業績期開展以來，美股於高位徘徊，據統計，截至上周五(22/10)為止，相當於46%標指市值的成分股的季績，84%優於預期，利潤平均升幅逾30%。
港股先低後高.單日轉向V彈.貼價牛熊雙雙陣亡
10/11 周三恒指收24996, 升183點, 連升兩天,
26/10見頂26235後轉勢向下, 4/11只彈一天又插過, 今次卻連升兩天, 好友終於作出大反擊, 全靠莊家掃QQ, 港股技術指標略為改善, 如果大鱷本周唔想再創新低, 就要升穿今日高位25013來擴大周波幅, 不過向上阻力重重, 25230~25500為多條平均線所在
過去兩周港股跌市日數超標, 本周要補漲, 不過本周已連升兩天, 按照慣性走勢未來兩天不會全升, 如能續升, 代表好友已奪回主導權, 就會向25500進發, 500點一級向上推進, 港股後市表現看上証及QQ, 只要上証重上3500, 有望推動恒指上25000, 今個星期周線有望收升,
QQ及國指齊齊重上10天線, 如恒指追落後就要再挑戰25000(10天線), 落後成份股亦要補漲上企10天線, 美元急升港匯弱雞, 資金流仍不利港股, 幸好市場炒憧憬阿爺救市, 內房有救, 大鱷玩失驚無神挾淡倉, 空軍回補空倉幫手推高大市,
本周24500~25000兩邊爆來擴大周及月波幅, 以閒閒地千點周波幅來看, 有望挑戰25500(24481+1000~1200=25500~25700), 月初短頂在25639, 周五會有周末獲利沽壓效應
11/11 周四恒指收25248, 升251點, 連升3天, 獲利沽壓大增
今日大媽掃入內房, 沽QQ美團中移建行工行, 小心明日大媽繼續走貨, 會拖低大市, 昨日QQ爆升$19.6收$483.6, 今日卻逆市下跌, 收$477.6, 其實昨日QQ只得少少莊家重新進駐, 爆升似係挾淡, 今日上升動力已轉弱, 早前港股尋頂, 大鱷及大媽於$490樓上表面上不斷推升, 其實買盤縮, 沽盤增加, 係高位派貨, 推到上$515即掉頭插, 以收市計$500樓上只係企5天就失守
QQ公布業績後今日大媽狂沽貨, 導致QQ逆市下跌收陰燭, 後市要看QQ會否回購股份, 今日QQ底頂上移, 同港股走勢一致, 反覆尋頂格局, 當QQ見頂回落, 或者跌穿$466/$467, 就要小心港股已升到水尾, 只要守住$466, 代表港股尋頂之旅未完
本港時間周二(16/11)上午, 中美元首舉行視像峰會
搬屋去11月豪宅
心地好就係靚！
留言當係收市總結網誌⋯Ok，我會keep住睇👍
大元帥師父😊
希望你瞓夠精神好
咁就唔會嫌棄我嘈
靜靜🐔留言應該唔嘈
可能🤔有其他網友出現
回覆我 😞💪😞
大元帥師父😊
謝謝🙏留言收市總結
食咗飯先瞓覺💤肚餓會餓醒
晚安😘😴💤⭐️
元帥年紀大, 機器壞, 今日起要冬眠, 留言當收市總結網誌, 唔好大叫尋人嘈醒元帥
大🐊🐊奷到震
今日竟然係升市
//未來幾日係科企公布業績高峰期, 因而扭曲了慣性走勢, 科指連升5天, 平了今年最長連升記錄, 正路明日獲利沽壓會增加, 假如明日竟然續升, 就創了今年最長連升記錄,//
感謝🙏大元帥
評論QQ👏 評論大市👏
史哥大師父
QQ可唔可以回一回
比我入貨 1股QQ都無
大元帥你放心
C6比你年長啲
斷估都96歲啦
由於QQ 上企480～490會挑戰500，所以今日QQ 南車已減半改为加倍QQ 北車，
QQ 南，北雙拳加爸爸北車中。
還有~日均線快出金山谷，谈友小心小心
報告完畢。
元帥年紀大, 機器壞, 嚴重睡眠不足, 今日起要冬眠, 留言當係收市總結網誌, 唔好大叫尋人嘈醒元帥
QQ及科指力撐大市
上周四已預告要慎防連日急升的內房要回吐, 結果上周五上午果然作出調整, 午後拗腰上番去是假象, 係大行托住融創中國等內房股來宣布配股,
上周五再提醒大家今日內房仍要跌, 結果今日內房低開低走, 港股指數表面上升跌幅度不大, 但其實多隻成份股都大幅跑輸大市, 跌1~2%, 大鱷利用科企托住指數來出貨
QQ及科指升, 係因為內房內險金融股跌, 就會拖低大市, 所以大鱷推高科企來撐市, 科企走高亦有可能係因為本周金山軟件.京東集團.百度.網易.嗶哩嗶哩.阿爸齊齊公布業績, 大鱷玩挾淡, 逼淡友回補空倉, 滬深大媽趁高積極走貨
未來幾日係科企公布業績高峰期, 因而扭曲了慣性走勢, 科指連升5天, 平了今年最長連升記錄, 正路明日獲利沽壓會增加, 假如明日竟然續升, 就創了今年最長連升記錄,
據我所知, 元帥係81歲的阿婆, 唔係18歲美女
高高手好
大元帥係美女👍
呢度好多人都知道
唔係男人先識研究財經
美女大元帥係叻叻炒股高手👍
大元帥師父好
C6好想QQ跌
佢企住 我努力💪等
QQ就係唔肯跌
今日QQ想點
上落吾夠數
難得美女😍對股市甘有心機做功課！我原本覺得通常美女只對娛樂園、美容有研究和心得⋯⋯
感謝🙏大元帥回覆
C6最愛😘你的文章
C6係好有耐性的人👍
等待你的收市總結👏👍
高高手好
大元帥係美女
無元帥夫人呀
連元帥都逃吾出溫暖的被窩
定吾捨得元帥夫人
可惜我冇用收費軟件，否則就不時貢獻給大家，因為太多選擇，都唔知邊個真係有用。
哈哈，原來元帥有冬眠習慣，但係而家冬天好似越來越少，地球污染太嚴重！
炒QQ吾係鐘意。係因為已經係最易炒
搵另一隻。難炒即係送錢比大戶洗
收費網站
昨日你地提問後我冇立即回應, 係想等有買軟件服務或者知道相關資訊的網友幫手回覆, 可惜冇留言, 每日來訪人數眾多, 但一個二個網友都係只讀不回, 冇令人失望
據我所知, 有冇莊家掃某隻股份, 又或者期權好淡倉分布, 收費網站係睇得到, 不過俾幾多錢我唔知, 我冇付費所以冇得睇, 因為我擔心買左軟件後會沉迷炒股, 萬劫不復, 另外我唔想亦冇時間學衍生工具, 假如買了軟件唔識利用當中衍生工具的數據, 就太浪費了
我寫文的資訊係來自不同的免費財經網站例如經濟通.信報.明報.有線電視.富翁電視MTTV.匯港通訊.華盛通.不同財演.基金經理...., 太多了, 不能盡錄, 聽完就將有用的資料綜合來寫收市總結,
由於平日唔得閒晚晚聽財經網, 周末假期有時間聽的話, 就會將資料補充入相關日期的收市總結, 所以舊網誌耐不耐都會有少許改動
有些收費網站搞推廣, 佢地會係各大財經網透露軟件內容來吸引股民, 經常分析QQ美團阿里等大股, 當我聽到就會將內容寫係收市總結, 佢地唔講, 我就冇料寫, 所以你地只係偶爾見我講莊家及倉位,
我寫文多數寫財經消息, 慣性走勢, 以及估計大鱷的部署, 就係因為我冇買收費軟件, 睇唔到莊家每日動向及倉位
C6有時會追我寫文, 但我未聽油管又或者未睇財經新聞的話, 都唔知港股升跌的原因, 就寫唔出啦! 寫收市總結唔係求其斷估, 係要有根有據才有材料可寫
一到冬天我就嗜睡, 唔想做功課寫文, 要靠你地留言分享, 呼籲有付費買軟件的網友多留言分享大鱷倉位及莊家動向
大師父👍
你講咗我想知道的
C6怕被誤會是貪心
一直都唔敢問 但一直找不到資訊
大元帥是不是要收費的 所以網上也找不到
//咁~從何得知有.無無莊掃QQ?
那地方可以得到資訊?//
Soho..
咁~從何得知有.無無莊掃QQ?
那地方可以得到資訊?
豪B
謝謝
各位高手 功德無量！
由於周三(10/11）QQ公布業績，對港股升跌舉足輕重，加上你哋都愛炒QQ，所以我做了一大推功課來研究QQ的升跌韻律，發現只要QQ莊家一掃貨就會急升，莊家一沽貨就會急跌
大元帥係大好人👍
放假都教導【炒股秘笈】
過去一個月大鱷操控港股上落的手法係一模一樣
過去一個月大鱷操控港股上落的手法係一模一樣
聚頂
10月中重陽節假期復市後,恆指強勢四連升,20~26/10於26200附近磨咗5日, 當時全城向上望, 認為會挑戰前頂26560再殺上27000, 當好友埋晒位, 27/10就大插409點, 跟住日日跌
大鱷的手法係高位横行聚頂, 等好友埋晒位, 震熊引牛, 然後失驚無神掉頭向下大插
築底
5~10/11於24800穿梭磨咗4日, 當時全城向下望, 認為會下試24000甚至跌穿前底23681, 當淡友埋晒位, 10/11就玩大插332點後單日轉向,倒升收市, 跟住日日升
大鱷的手法係低位横行築底, 等淡友入局,震牛引熊, 然後失驚無神掉頭向上急升
配股潮
昨日提醒淡友, 大行要撐住大市來配股, 昨日剛宣布海底撈配股23.3億元, 今日就輪到融創中國及融創服務配股, 合共涉資最多65億元, 怪不得今早內房及港股回吐, 午後拗腰倒升,
今日港股理應收跌, 才符合慣性走勢, 就係因為配股, 所以大行做市, 夾硬推升, 年尾企業等錢用, 亦想趕及今個年度盤數, 估計配股活動陸續有來, 股民持貨要睇路
科指
今年科指通常連升3~4日就回吐, 最長只係見過兩次5連升,
目前科指已連升4日, 按照慣性走勢, 科指下周一或周二就會跌
QQ連續兩日收陰燭
QQ莊家的威力
10/11恆指創月內新低24481，當天低開高收，單日轉向，靚仔
10/11港股一插即彈皆因有小莊家突然掃入QQ，推動QQ急升$19.6收$483.6, 重上10天線
11/11有少量QQ莊家踢上$480.2沽貨食胡，導致QQ收跌, 收報$477.6
12/11有莊家再度進場掃入QQ，推動QQ急升上$491.4，收$485.2
回顧10月中QQ爆上$500, 20/10高見$515就係莊家踢上去派貨
換句話說，QQ莊家入場目的就係推上去$500樓上，$515, $520~$530就係前頂阻力位
以往大鱷放生遠牛, 都係等貼價近牛出世才殺
過去10個交易日高低位24481~25639, 牛牛企24500之上的話, 唔洗破底都食到, 不過24600~24800好友會守關
老散好進取下。遠牛食糊換近牛
E個係大戶前排拖住玩的原因。等批出牛熊。甘就可以隨時推出。
249～ 250？
史哥你估可打到幾深先震到牛
史哥大師父👍
大師父謝🙏提醒
我知道恒指收陰燭
竟然無留意QQ收陰
C6笨🐷🐷真係抵鬧
//加上QQ 今日收低於開市位，明顯已轉弱。//
史哥大師父😘
嘩！好開心🥳
你出嚟派錢💰又派禮物🎁
又大派炒股學問👍 好受用呢👏
阿👴升左兩日 我都擔心💕佢辛苦呀
以現時美元強，港元弱勢情況下，港女無可能好以之前咁嘭嘭聲急抽，所以應該用上下振盪方式慢上才合適.，加上QQ 今日收低於開市位，明顯已轉弱。。
仲有~北水已連續兩天走資，加上港女已四連升，而爺亦已連升兩日，不論以慣性看爺/港女，港女下週一理應收跌。
因為近排爺顶多兩連升，而港女顶多四，五連升就回。再加上QQ 近排玩日升日落，所以終合以上因素~好友小心，小心。
以週波千個計~
就算下週見26樓~即點都要見25楼。
C6給你的抱抱
C妹妳仲未同我抱抱
門大師😊
大元帥可能未食飯
大家要錫住大元帥
不能令她太辛苦的
其實C6最想大元帥派定💕丸
🥳👏🥳👏🥳👏
我明白了 派定💕丸
即係請求🙏 大元帥再寫👍評論👍
//元帥
有冇定心丸派？//
高高手好😊
從未聴過🙏
謝謝🙏指引🙏
原來大🐊🐊都有慢手慢腳🥳
//做人想好的一面,應該都有慢手腳的大戶走慢左夾實,要隊番幾百點先止血//
元帥
有冇定心丸派？
試兄周一打和未？
門兄
做人想好的一面,應該都有慢手腳的大戶走慢左夾實,要隊番幾百點先止血