4~5/10 港股築底

2021/10/04 21:15:32 網誌分類: 經濟
04 Oct
港股急跌大舉屠牛, 好淡通殺

4/10 周一恆指收24036, 大跌539

今日係中秋港股創新低的翻版, 淡友又趁大媽休市殺跌, 不過如果淡友唔想俾大媽周五回歸挾淡, 就會於未來幾日拿拿臨隊落去食胡回補空倉, 今日又係插穿24000, 收市彈番上去, 仍然咬住24000 唔放, 可能係養牛熊, 港股弱雞, 要等恒指破底打穿23771來擴大周.月.年波幅, 後市要見短底才會作出似樣反彈, 一如上周所預測, 10月創新低後仍有望重上25000來擴大周及月波幅

恒指由2月高位31183回吐了近7500點, 今年向下空間已收窄, 向上空間擴大, PE及PB都具吸引力, 阿爺亦有可能降準放水撐市, 所以近來見疑似價值投資者趁低吸納, 只係市場未有利好消息, 加上全民/基金皆艇, 所以買盤仍審慎,

總結多位分析師對後市的看法, 普遍認為踏入第四季再隊穿24000, 跌破23771做底就會拗腰上, 雖然仍有可能會見23000, 但第四季港股將迎來轉角市, 目前消息面仍淡, 人心虛怯成手蟹, 要等利好催化劑才能吸引買盤進場

市場普遍看法都係擔心阿爺會繼續出台監管政策, 亦擔心當美股彈完就會重拾跌勢, 以及美國可能會出現滯脹, 我認為如見再插穿24000分注向下買, 不過要慎防黑天鵝, 亦要預留資金落暴雨時購物,

幾個月前曾說今年恒指似2018年的走勢, 當年係第一季見頂回落, 反覆急跌至10月就拗腰向上, 如果今年照跟, 10月創新低後就可趁低儲貨等食大茶飯, 港股今年累積龐大跌幅, 價殘具吸引力, 插穿24000正是長線投資者入貨良機,

多位分析師都認為阿爺會救恒大, 不會讓事件衍生系統性風險, 亦唔相信阿爺會打死本港地產界, 內房及地產股係跌過龍, 目前好友就係等阿爺放出好消息來穩住市場信心, 有長線投資者表示24000港股具吸引力, 已開始分注入貨, 其實近來陸續有內房賣資產及新股東加入/股東注資等利好消息, 有助穩住市場氣氛, 其實多隻內房及本地地產股於21/9中秋小股災那天大插後, 已掉頭向上, 反覆走高, 逐步收復失地, 有買盤於低位收貨

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

恒指急跌創新低秒殺肥牛即彈, 低開高收, 單日轉向

5/10 周二恆指收24104, 升67

9月份每次插穿24000都能收於其上, 今日歷史重演, 插穿24000低見23681後拗腰, 收24000樓上, 上月創新低23771當天都係倒升, 其後反彈逾千點, 今日港股雖然破底, 但多隻指標股都冇插穿上月低位, 反映有買盤趁低吸納

今日係港股轉勢日, 根據時間周期來推算, 只要後市守得住今日低位23681, 就可反覆推升約兩周, 震盪上行, 月中回吐, 10月下旬才會見頂, 由於股民全艇, 入市意欲低, 而沽空卻持續高企, 大鱷想推升就只得一招, 就係失驚無神大幅抽升挾淡, 逼淡友追貨回補空倉, 逼基金經理追貨, 港股就會爆上, 同樣地, 當港股見頂, 就會無啦啦大插, 逼好友斬倉, 股民走鬼, 港股就會大瀉

消息面利淡, 係港股插水創新低的主因, 周一中國恒大及恒大物業停牌, 拖累港股一度插668點, 恒大違約繼續發酵, 亦有其他內房債務違約, 無論有冇陷財困內房都要捱沽, 導致國指未能跟隨恒指倒升收市, 美元及債息高企不下, 科企沽壓沉重, 科指及QQ未創新低是後患, 美股跌下彈下碌落山, 收市U盤走低, 反映淡友谷, 好友縮, 好友等時機成熟才反擊

目前整體牛熊分布係熊略為多過牛, 回顧28/9亦係罕有地熊多過牛, 隨後港股就抽升挾淡, 衝上24600, 目前熊熊已下移至24390, 牛在24678, 港股沽空持續高企, 今日又爆燈, 港股下殺危機未除, 後市一係抽升挾淡, 一係再大插, 淡友會在24300~24500攔路, 10天線會見阻力, 不進則退, 以閒閒地500點日波幅來看, 如未能上破24300, 就要下試23800, 淡友想殺跌就要趁內地休市, 港股冇大媽護盤的真空期, 否則大媽掃貨護盤, 淡友就死得

今日港股低位一瞬即逝, 見少量買盤入市, 普遍分析認為今年大底會在23000附近, 所以大手買盤不多, 港匯走強, 今日似係為殺好友而插, 並非熱錢流走, 本周高低位23681~24478, 未來幾日要爆邊來擴大周及月波幅,

按照慣性走勢, 收升周破頂, 收跌周破底, 升跌關鍵在施政報告, 如有利淡消息, 24000就危, 如有利好消息, 就會上破24478, 今日港股表面上靚仔, 恒指倒升收市呈陽燭, 其實係因為內地休市港股失去風向儀, 今日港股係跟住美期上落

人人都講10月股災, 其實根據統計, 過去20年恒指係15升5跌, 只因當中有兩年(2008及2018)係股災式暴跌, 所以有錯覺以為10月偏弱, 實情係10月偏好, 資金趁低吸納博翌年走高, 由於今年第三季港股暴跌, 亦連跌4個月, 第四季反而有望收升, 而10月份亦會重上25000

~~~~~~~~~~~~~~~~~~~~~~~~

港匯人民幣轉強

內地休市港股失去指標, 只好跟住美期升跌來波動, 美期升, 推動港股拗腰收復失地, 匯債方面, 美元及10年期債息走高利淡, 但人民幣及港匯走強卻利好, 明日港股關鍵在明早施政報告, 今日見資金流入地產板塊, 看來有股民入貨博反彈

港匯由開市初段弱雞的7.7880一路走強上到7.7841, 今日港股成交細及港匯強, 雖然恒指一度大插, 但唔似撤資走鬼, 似係為殺好友而夾硬破底, 所以一插即彈, 低位見淡友補空倉買盤, 亦見投機者/投資者趁落雨購物, 如果係外資沽貨散水, 港股成交會急增, 港匯會弱, 但今日唔係, 如果係撤資, 大市就會直插破埋23500, 不會略為插穿前底就反彈, 可惜今日港股成交只$998億, 買盤弱, 人心仍虛怯,

本周初港股破底, QQ雖然即市插穿$450, 但仍守得住$440, 除了利用QQ來托市外, 亦有可能係大鱷唔想平貨益大媽, 因為上周北水關閉前大媽連日掃QQ, 按此推算, 周五大媽回歸前, 即未來兩天(周三四), QQ點都會彈一彈, 至於升一天抑或兩天, 就要視乎市場對施政報告的反應

道指9月中創兩個月新低33613, 當天恒指亦同步創新低23771, 隨後道指作出反彈, 不過亦曾於1/10大插見33785, 冇跌穿前底33613, 其後道指反覆上升, 港股跟美股的話, 恒指理應守得住23771, 但今日卻破底見23681, 係今年尋底第三隻腳, 中港美三地股市通常係同步見底頂, 恒指夾硬破底亦走不遠, 所以冇深潛, 即市拗腰高收, 單日轉向, 上次中秋大插見23771, 隨後反彈逾千點見24827, 要看歷史會否重演

9月尾10月初美股基金經理趁反彈於高位出貨來應付贖回, 9月初白宮派救濟金已結束, 關了水喉, 美股散戶參與度明顯下降, 當道指再插穿34000, 港股就危, 10月中為美企業績期, 公布業績前一個月為企業禁止買賣期, 要暫停回購, 因此美股該時段表現會特別差, 這就可解釋為何美股9月初見頂回落, 反覆急跌, 就係因為缺少了企業回購的掃貨買盤, 當公布業績後, 企業再回購股份, 美股走勢就會好轉

最新回應

門徒
門徒 2021/10/21

起一起先 {#iconb_261}有d唔對路

試下學下
試下學下 2021/10/21
@門徒...

賤美𣎴斷印薄。當然新高又新高

港女睇生發發

無成交--生發發股價縮水--水少難養魚

所以30樓你發夢好~~~

史哥你講得無錯。尚有一低點。因為新低。彈。回測/破底。不過我睇破底機會細

門徒
門徒 2021/10/21

小門想問多次,你地覺得見頂未,道指又想破顶喇 {#iconb_228}我全切美倉專心本土,遲多一個禮拜就好一沽升到彭彭聲

門徒
門徒 2021/10/21

港匯強債息高,恆仔雖升但未係好見成交佩合,d熱錢今次似係黎買债多d {#iconb_292}小門咁讀合唔合邏輯