7/10 港股作出報復式大反彈

2021/10/07 19:56:42 網誌分類: 經濟
07 Oct
恒指高開高走, 一升到尾, 收復10天線, 大舉屠熊

7/10 周四恆指收24701, 大升735

港股報復式大反彈.底頂上移

美期急升, 美股盤前交易, 在美上市中概股大升, 歐洲三寶開市初段亦急升, 淡友走鬼, 可能投機者跟風追入, 係港股午後升幅進一步擴大的主因, 大鱷刻意於24800關前卻步, 就係想養肥25000附近的熊熊才殺上去, 亦想震走好友牛牛, 早前預測10月會上25000, 看來不是夢, 呢個水平有肥熊,

以黃金比率分析,恆指自8/9高位26560反覆跌至5/10的低位23681才反彈,跌幅為2878.6點, 反彈下跌幅度的0.5倍(1439點)目標為25120, 恒指反彈阻力在25100(30天線), 25500(50天線), 小雙底量度升幅可見25900, 國指阻力在9000整數大位, 回顧21/9低見23771, 當時反彈上24827就見頂回落, 今日略為隊穿23771低見23681出現小雙底, 反彈動力理應增強, 有望突破24827, 向25900進發, 升抵這水平就係升浪尾聲

8月收25879, 8月高位26822, 9月收24575, 9月高位26560, 如能一一上破, 就打破了一浪低於一浪的尋頂走勢, 熊市尋底以來每次彈上20及50天線都係企唔穩, 掉頭向下

以恒指周波幅來看, 港股仍有上升空間, 特別係早前領跌的科指, 插得深, 所以反彈力會特別強, 不過美債息急升會削弱上升動力, 明日周五要畫周線, 剛好轉節氣寒露, 只要明日收24575(恒指)/8726(國指)之上, 本周收升, 推得愈高, 周線支陽燭就愈靚, 如內地股市明日表現遜預期, 就有可能拖低港股,

周一恒指收市大插539點, 周二再挫, 並創今年新低23681, 當時已經話唔係熱錢大舉撤走, 似係為了殺好倉夾硬隊港股落山, 因為成交細, 而當時港匯仍處7.787附近, 如果係大規模走資, 港匯理應去到7.794附近, 今日港股爆升收復本周所有失地並升突足可証明, 過去幾日淡友殺跌係想趁大媽不在的真空期偷襲港股, 呢兩日就拿拿臨食胡回補空倉

~~~~~~~~~~~~~~~~~~~~~~~~~~~~~~

港股追落後

大鱷亦想推高QQ及美團等大媽愛股, 想明日派貨俾大媽, 問題係大媽會不會蠢到去高追呢? 趁高沽貨都得咖! 今日有資金炒內地復市國慶行情, 一眾A股ETF大彈高, 已收復過去幾日的大部份失地, 統計數據顯示, 國慶假期內地復市, 上証過去10年係7升3跌, 假期前跌, 假期後就會升, 而今年國慶假期前係連跌3周, 所以復市向好機會大, 

美股近來大震盪, 近日恒指就係跟住美股急跌急彈, 道指多次插穿34000, 但往往能收於其上, 中港美三地股市多數係同步, 恒指亦多次插穿24000, 亦能拗腰收於其上, 受內地監管政策打壓, 以及白宮禁美資投資中概股所拖累, 港股一直大幅跑輸道指, 不過每當相差逾10000點, 港股就會急彈, 又或者道指跌, 港股唔跟足跌幅, 令差距收窄, 昨日差距約有10350點的不合理水平, 今日恒指爆升, 令差距收窄至大約9700點, 港股爆升係追落後, 早前股神拍檔芒格於美國大手增持阿里巴巴, 阿里隨即觸底回升, 利好科指

過去一個月港股反覆急瀉, 夜期多數收跌, 但如今夜期卻是連續3日收高水, 係利好訊號, 反映好友正在反擊, 過去兩日恒指插穿24000都見買盤趁低吸納, 美國債息趨升, 利好持有債券的金融股, 匯控於恒指創低位23771那天低見$38.3就觸底回升, 反覆走高, 接連收復多條重要平均線, 指標股向好表現具啟示作用, 預示指數亦有望重上平均線, 向50天線進發

~~~~~~~~~~~~~~~~~~~~~~~~~~~~~~

利好催化劑

恒指於21/9創新低23771後掉頭回升, 當時沒有利好消息, 主要係為了季結及期結而推升, 人心虛怯, 未見買盤大舉追貨, 所以高見24827隨即見頂回落, 反覆急跌, 破底創新低23681才反彈, 多次插穿24000係築底, 只要守得住前底, 形成小雙底, 就可觸發最少1000~1500點(可高見25200)的強力反彈浪, 如能上企, 就可再加500點升幅,

昨日港股彈唔起係因為未見利好催化劑, 但今日有多個利好消息, 推動港股破位而上, 收復10天線, 恒指創7月尾以來最大單日升幅,

睇買盤今日升得較以往實凈, 可惜成交並不配合升勢, 只得$1053億, 乾升挾淡, 逼淡友回補空倉, 幫手推高大市, 後市要基金/長線投資者/短炒客肯追貨, 以及北水重臨, 才可谷高成交,

~ 股神效應, 阿里轉勢向上, 推動QQ美團急升

~ 美元回落.人民幣港匯走強

~ 道指連升兩日, 打破近來急升後翌日例跌的慣性走勢, 仍守住34000, 今早美期繼續彈高, 美股重拾升勢利好港股

~ 中美高層官員在瑞士蘇黎世會晤

~ 美國官員稱拜登與習大大將於年底前舉行視像會面

~ 美國債務危機紓緩, 參議院共和黨領袖或允許緊急債務上限延至12月

~ 今日係內地復市前夕, 淡友唔想同大媽硬碰就要趕住食胡回補空倉, 今早港股沽空明顯縮減, 淡友避風頭

~ 特首林鄭昨日公布的施政報告, 提及打造北部都會區, 以及興建相關基建, 多家大行紛紛出報告唱好, 籲買入地產股, 連續幾日見資金追入, 地產板塊強.港股好, 施政報告的土地政策, 並沒有提出損害地產發展商利益的措施, 暫緩投資者的擔憂

最新回應

門徒
門徒 2021/12/02

始終牛多熊小,今日沽空增加,但港匯轉強 {#iconb_61}

試下學下
試下學下 2021/12/02

鐵跪得左係收工時間。祝福大家快速回家 {#iconb_342}

試下學下
試下學下 2021/12/02

原來我係潺仔明的老友人人都知 {#iconb_252} 不過甘樣就產生左親和力 {#iconb_69}

soho*
soho* 2021/12/02

史哥, 可能我誤解左你的意思, 我的理解係你說//上唔返24樓//即係24000淡友攔路打回頭

如收24000之上向24500進發, 見頂再插就只係企唔穩24000, 我認為好友係有能力推上24000, 大鱷係等養肥熊熊才殺上去