8~14/10 港股築底成功展升浪
10月初港股由地獄折返人間.驚險萬分的一周, 繼續尋頂屠熊之旅
8/10 周五恒指收24837, 升136點, 連升2天
底頂上移
大鱷睇住周線來造市, 想連升兩周, 今日競價大幅高開363點見25064, 一開即插, 擺明係詐死, 想震走牛牛好友, 引多些熊熊淡友入局, 恒指低見24595, 接近上周五收市位24575就拗腰向上, 最終本周恒指國指收升收陽, 連升兩周, 恒指重上10及20天線, 底頂上移趨勢持續, 預示下周會有新高, 挑戰25500阻力位
以往爆上整數關口少少就急回, 多數係試水溫及引淡, 最終都會上企, 下周會升穿25064來擴大下星期的周波幅及10月的月波幅, 所以下午補回早市沽出的貨
今日要畫周線, 剛好轉節氣寒露, 收24575(恒指)/8726(國指)之上, 本周收升, 早前預測10月一定會上25000夢境成真, 今早大幅高開秒殺肥熊即回, 擴大了周波幅及月波幅, 大鱷真係陰毒,
大鱷又畫圖, 收市U盤前報24788, U盤大力踢上24837收, 有特殊意義, 因為中秋創新低23771後就彈上24827見頂回落, 今日隊穿前底見23681反彈收24827之上, 技術指標就靚好多, 反彈阻力25500.25700~25900
今年第三季基金經理叫苦連天輸趴街, 連基金界大佬英爺都話第三季嘔突首兩季的盈利, 那麼今年第四季就係基金經理翻身的最後機會, 否則年結點交數? 一如早前所說, 9月季結後, 基金經理冇左埋數的制肘, 就可再入場博殺, 所以近日港股一向上破位, 大市就進一步急升, 去到阻力位窒窒步並非見頂, 係震牛引熊, 25800~26000才是真正阻力大位
有分析師說以往上証都有國慶後向好行情, 如果係真, 即係下星期上証會續升, 那麼好友就有藉口推高港股, 問題係下周美企業績期, 美股必定會大幅波動, 睇今日內銀內房表現欠佳, 似乎債務違約仍困擾市場, 大媽亦玩換馬, 藥明生物.體育用品股.東岳散水
~~~~~~~~~~~~~~~~~~~~~~
港匯人民幣強勢
美元回軟, 港匯人民幣走強, 日圓走弱, 市場避險情緒降溫, 風險胃納上升, 又入市炒過, 回顧10月開局大震倉, 第一天(4/10)大幅收跌539點, 當天夜期收跌, 港股繼續尋底, 第二天(5/10)見底23681後, 夜期已是連續4日高收, 反映目前港股由好友主導大市, 過去3日恒指底頂上移, 正在尋頂, 25100樓上有勁多熊, 具吸引力, 只要守住今日低位24595或24500, 代表好友仍未放手, 呢兩日港股上升動力增強, 皆因弱勢的國指已是連續兩日跑贏恒指, 後市見國指轉弱就要小心
由於過去一個月港股累積龐大沽空, 大鱷就玩抽升挾淡, 拿拿臨推港股上山, 一則挾死淡友, 二則可預留回調空間, 大幅拋離前底23681, 想守住23700水平, 吸引買盤入市幫手推升, 問題係淡友亦非善類, 趁港股反彈就不斷加沽, 始終會出手玩大插插來食胡, 月尾係高危時期
内地市場監管總對美團涉及壟斷行為處罰34.42億元人民幣, 多家大行唱好美團, 認為不明朗因素已消除, 但價值投資技術派分析師青姐卻唱淡, 會不會係大行想推高派貨呢?
內房仍受恒大事件拖累, 走勢疲弱, 施政報告前見資金掃本地地產股, 可能擔心仍有利淡消息, 近日見資金由地產股流出, 轉炒跌到殘的科企, 科指累積龐大跌幅, 彈力亦特別大, 係領漲功臣, 當科指見頂回落, 港股就彈完
~~~~~~~~~~~~~~~~~~~~~~~~~~~~~~~~
10月港股震住上
恒指由2月高位31183回吐了7502點低見23681, 今年向下空間已收窄, 向上空間擴大, PE及PB都具吸引力, 阿爺亦有可能降準放水或推出撐經濟措施, 所以當跌至24000見疑似價值投資者趁低吸納,
幾個月前曾說今年恒指似2018年的走勢, 當年係第一季見頂回落, 反覆急跌至10月就拗腰向上, 如果今年照跟, 10月創新低後就可趁低儲貨等食大茶飯, 港股今年累積龐大跌幅, 價殘具吸引力, 插穿24000正是長線投資者入貨良機, 9月份每次插穿24000都能收於其上, 10月份亦唔例外, 只係於6/10收24000之下, 翌日已急彈上24701收, 反映24000水平有人護盤
5/10係港股轉勢日, 根據時間周期來推算, 只要後市守得住5/10低位23681, 就可反覆推升約兩周, 震盪上行, 10月下旬才會見頂, 月尾係回調的時間窗口, 由於股民全艇, 入市意欲低, 而沽空卻持續高企, 大鱷想推升就只得一招, 就係失驚無神大幅抽升挾淡, 逼淡友追貨回補空倉, 逼基金經理追貨, 港股就會爆上, 同樣地, 當港股見頂, 就會無啦啦大插, 逼好友斬倉, 股民走鬼, 港股就會大瀉
多位分析師都認為阿爺會救恒大, 不會讓事件衍生系統性風險, 亦唔相信阿爺會打死本港地產界, 內房及地產股係跌過龍, 目前好友就係等阿爺放出好消息來穩住市場信心, 其實近來陸續有內房賣資產及新股東加入/股東注資等利好消息, 有助穩住市場氣氛, 其實多隻內房及本地地產股於21/9中秋小股災那天大插後, 已掉頭向上, 反覆走高, 逐步收復失地, 有買盤於低位收貨
人人都講10月股災, 其實根據統計, 過去20年恒指係15升5跌, 只因當中有兩年(2008及2018)係股災式暴跌, 所以有錯覺以為10月偏弱, 實情係10月偏好, 資金趁低吸納博翌年走高, 由於今年第三季港股暴跌, 亦連跌4個月, 第四季反而有望收升, 而10月份亦會重上25000
10月中為美企業績期, 公布業績前一個月為企業禁止買賣期, 要暫停回購, 因此美股該時段表現會特別差, 這就可解釋為何美股9月初見頂回落, 反覆急跌, 就係因為缺少了企業回購的掃貨買盤, 當公布業績後, 企業再回購股份, 美股走勢就會好轉
~~~~~~~~~~~~~~~~~~~~~~~~~~~~~~~~
向26000進發
以黃金比率分析，恆指自8/9高位26560反覆跌至5/10的低位23681才反彈，跌幅為2878.6點, 反彈下跌幅度的0.5倍(1439點)目標為25120, 恒指反彈阻力在25500(50天線), 小雙底量度升幅可見25900, 回顧21/9低見23771, 當時反彈約千點上24827就見頂回落, 今次略為隊穿23771低見23681出現小雙底, 雙腳站穩, 反彈動力理應增強, 正路可彈約2000點上25700水平(23681+2000=25700), 向25900進發, 不過升抵這水平就要小心係升浪尾聲
8月收25879, 8月高位26822, 9月收24575, 9月高位26560, 如能一一上破, 就打破了一浪低於一浪的尋頂走勢, 熊市尋底以來每次彈上20及50天線都係企唔穩, 掉頭向下, 淡友必定會駐重兵守住26560超級大位
早前股神拍檔芒格於美國大手增持阿里巴巴, 阿里隨即觸底回升, 利好科指, 早前領跌的科指, 插得深, 所以反彈力會特別強, 不過美債息急升會削弱上升動力, 港股爆升係追落後,
過去一個月港股反覆急瀉, 夜期多數收跌, 但如今夜期卻是日日收高水, 係利好訊號, 反映好友正在反擊, 當夜期大低水就係見頂訊號, 今次熊市跌浪每當恒指插穿24000都見買盤趁低吸納, 美國債息趨升, 利好持有債券的金融股, 匯控於恒指創低位23771那天低見$38.3就觸底回升, 反覆走高, 接連收復多條重要平均線, 指標股向好表現具啟示作用, 預示指數亦有望重上平均線, 向50天線進發
港股衝高秒殺肥熊即回, 中港股市同步掉頭回落, 明日回吐高危日
11/10 恒指收25325, 升487點, 連升3天沽壓大增
美團.QQ.阿里過去幾日有莊家埋位, 大大力踢高股價挾淡派貨, 不過多隻指標股已超買, 亦上到阻力大位, 未來兩日沽壓到, 因為港股 通常升3~4日就下跌, 目前已連升3天, 明日高危, 恒指連日急升後, 道指恒指差距已由約10600點大幅收窄至約9400點, 恒指追落後已屆尾聲, 要道指上升, 恒指才會再殺上去
近來資金湧晒去炒科企, 但QQ已連升3天, 通常連升3~4天就回吐, 由6月起, 見過5次三連升, 1次四連升, QQ淡友在$500攔路, 港交所高見$479.8後掉頭向下, 以全日最低位$471.2收, 走勢差, 一眾指標股都出現見頂訊號, 恒指25500/國指9000都係關鍵阻力大位, 淡友攔路, 肥熊已陣亡, 再推升誘因下降, 港股跟隨上証見頂回落, 不進則退, 明日就會跌穿今日低位25161來擴大周波幅, 不過只要守得住25000.24800, 上升勢頭仍未破壞, 消化沽壓後就會再殺上去
匯債形勢不妙, 美元急彈, 連日上企94之上, 10年期債息走高, 已是連續四日上企1.6%, 有KOL說聯儲局將於周四公布會議記錄, 未知會否影響股匯債表現, 今日美債息升就推低美期, 納期午後跌幅擴大, 港股夾硬高收, 高處不勝寒
老外大手掃滬A股, 但卻沽出深A股,上証高開低收, 單日轉向, 倒跌收場, 成交縮, 3600大位得而復失, 收3591, 跌0.46點, 中港股市同步見頂, 今日上証創月內高位3614後反艇, 港股亦係創高位25437/9043後掉頭回落, 但大鱷卻力撐高位收市, 唔想放生淡友, 所以一升到尾, 想逼死即日鮮及上周持淡倉過周末的淡友, 好友大鱷就可在高位拿拿臨食胡,
~~~~~~~~~~~~~~~~~~~~~~~
夜期出現利淡訊號
過去4日夜期日日收升, 港股就反覆急升, 但今晚夜期卻收跌, 釋出利淡訊號, 睇埋指標股衝高回落, 反映獲利沽壓沉重, 淡友正在部署反擊, 大鱷近來日日玩大裂口高開或低開, 無論好友抑或淡友, 企錯邊都冇得走, 真係陰毒, 睇夜期收大低水, 看來明日競價會大裂口低開落25000
呢3日港股上升動力增強, 皆因弱勢的國指已是連續3日跑贏恒指, 後市見國指轉弱就要小心係見頂訊號, 假如10月收升, 就會在10月下旬才見頂, 10月上旬衝上山, 做第一個頂後回吐, 消化沽壓, 儲力, 然後破頂而上, 如收跌, 全月計就會係先高後低
大鱷推升都唔益股民, 科企威威領漲, 但屋仔.聯想.東岳.體育用品股及內地電力股卻反艇, 買錯股真係陰公, 假如同時持有威威股及洗倉股, 一正一負, 今日港股大升都係得個桔, 今日連整體升跌股份數量都係一半半, 887升 VS 842跌, 有濃濃的派貨味, 港股大升但全個倉計股民都未必有得賺, 大升市但跌股多唔係好現象, 特首明日與地產佬開大會, 地產股捱沽, 恒大到期債息又欠付, 內房亦走低
期指未平倉合約大減, 恒指由低位23681反彈至今日高位25437, 累計升1756點, 已經夠水位俾大鱷轉身, 短炒博反彈好友亦食胡, 過去幾日港股急升, 沽空亦持續增加, 今日又爆燈, 淡友蠢蠢欲動, 港股好少全周行一個方向, 多數係有升亦有跌, 周三可能掛8號風球, 周四重陽節休市, 會不會影響大鱷的部署呢？周二(明日)會不會有大龍鳳呢？
12/10 周二恆指收24962, 大跌362點, 結束三連升
假期前後例牌大龍鳳 ~ 牛熊分布: 牛在24700 vs 熊在25440
美國十年期債息衝上1.631%, 拖低美股連累科企急跌, 但QQ及美團已有莊家進場, 跌唔死, 回吐完就會帶領港股向上, 要假設昨日(周一)短炒好友伸一腳上去25437食胡, 今日(周二)淡友踩一腳落去24865食胡, 雙方等港股復市再戰, 睇下未來兩日中美股市表現幫那一方
無論基金經理抑或外資, 仍擔心限電及監管措施, 因而限制入市注碼, 寧願炒高獲利換馬再炒其他股份, 所以就算市升, 但唔少股份卻逆市下跌, 甚至大插, 港股近來成交細, 沽空高企, 大鱷想推高港股, 最有效的方法係失驚無神大幅抽升挾淡, 逼淡友投降回補空倉, 以及引散戶及基金跟風追入, 進一步推高大市
有報道指中紀委已派員進駐金融單位，調查與民企關係會否太親近，中央巡視組對銀保監會展開巡視，亦令相關金融股沽壓加劇, 券商股沽壓亦大, 代表大市有暗湧, 市強由高位嘔約600~800點就會反彈(25437-600~800=24650~24850), 市弱或有利淡消息就要嘔逾千點,
早前假設10月港股收升, 即係月初先做第一個頂, 回吐, 再破頂而上, 月中係回調時間窗口, 收升月就會在下旬創新高, 向上阻力在25500, 昨日高見25437秒殺肥熊即回, 係試水溫及養牛熊, 目前牛熊都貼價, 後市如能上企關鍵阻力大位25700~25800水平, 代表好友佔上風, 就會挑戰26000水平來擴大月波, 如收於24800樓下, 代表市況轉弱, 淡友反擊, 中港股市通常係同步見底頂, 睇住上証就知港股點走
美股方面, 普遍財演分析及基金經理都認為美股仍處牛市, 回調整固後就會再上, 如道指彈高, 道指恒指差距效應下, 就會拉住恒指上山, 兩者差價不應超過10000點
呢兩日有短炒好友食胡可能係擔心明日掛8號風球休市, 所以收斂攻勢, 未來幾日美企公布業績, 只要中美股市未來兩日生生性性, 周五港股復市好友就會再進攻, 周五要畫周線, 只要15/10收24837樓上, 恒指連升3周, 更加確認月初所說港股成功築底, 向26000進發, 因為基金季結後基金經理冇制肘, 入市可以更進取, 見勢頭向上就會掃貨, 進一步推高大市, 目前港匯及人民幣走強, 只要美元及債息回落, 上証重上3450大位, 好友就有藉口出手, 萬一未來幾日中美股市反艇, 又或者阿爺再推出監管政策拖低大市, 就可趁低分注吸納, 博10月下旬好友再上攻
上証昨日大跌44點, 連跌兩日, 今日反彈, 收市升14點, 報3561, 重上3550水平, 連續兩日低見3515, 幸保不失, 只要阿爺好, 就可穩住港股
上証今日不斷挑戰3570皆無功而回, 即市高低位3547~3569, 最終收3558, 跌3點, 內地股市已是連續兩日成交少過9000億元人民幣, 港股休市當然會有影響, 但周一二港股有市, 當時內地股市成交亦只得9900億元, 都係大幅少過早前的13000~15000億元, 中港股市都缺水, 大家諗唔諗到為何內地股市成交急降?
茅台衝高回落, 連續兩日受制於1950水平, 中港股市通常係同步見底頂, 睇住上証就知港股點, 美元及美國十年期債息連日下跌, 人民幣港匯走強, 離岸人民幣強爆, 一度高見6.4252
一週頂多升3日
所以明天是最好短谈時
史哥，旣然認為是收升月，為何你說當明日高位見16950-17000做嘢(做淡嗎)？收升月是候低買上呀！
Soho
好明顯係
史哥，今個月是否收升月？