木水火
木水火
木水火

建屋無能靠廢噏 得意想法好陰濕

2021/10/13 12:30:02 網誌分類: 時事
13 Oct

執政為民靠實幹,真正關心基層嘅「房事」,林鄭好應該一上台就全力覓地建屋,而唔係一味吹水煲冇米粥,搞到依家增建公屋仍好似「畫在天空上的雲」。 {#icono0_12}

有錯唔認,筲箕兜水,只會更漏洞百出!阿爺用人,強調要才德兼備,更着重有擔當嘅能者居之!今林鄭以「得意的想法」解窘,卻更令人覺得喺公屋長期短缺下,身為行政長官,未能妥善以有效政策去解決問題,一味靠吹水靠卸膊,何來擔當? {#iconb_627}

建屋無能靠廢噏 得意想法好陰濕

天文台早前發放訊息混亂,受了「獅子山」嘅教訓,「圓規」逼港,果然精乖咗,一大早就預告「下午4至6點考慮發8號烈風或暴風信號」。呢吓又搞到打工仔個心囉囉攣,究竟係4、5定6點呢?有網民就話喇:整個香港,都在等颱風;就像一個初戀的少女,等待着男友,怕他不來,又怕他亂來! {#iconb_262} 

民間真係多高人!呢個比喻認真得意又夠尖新!之但係一個從政嘅高官,若然又鍾意隨口噏當秘笈,自己無能,竟當他人白癡,咁就分分鐘撞板,最終咪又係落得嘴藐藐、打得少!功夫茶行文至此,大家都應知道係講緊「好吹得」嘅特首林鄭。早前政府提出為輪候公屋超過3年、冇領取綜援嘅一般公屋申請住戶提供現金津貼。能夠幫助基層嘅措施,功夫茶必鼓掌以迎! 

面對公屋輪候時間愈來愈長,林鄭都表示一般申請者平均輪候需時5.8年,情況令人憂心,所以政府、房委會、部門首長等都要多作思考,要每日尋找完善工作嘅動力,行多一步、行快一步,例如要有更大動力推動興建公屋;可恨講就無敵做就乏力。 {#iconb_227}

冇錯,執政為民靠實幹,真正關心基層嘅「房事」,林鄭好應該一上台就全力覓地建屋,而唔係一味吹水煲冇米粥,搞到依家增建公屋仍好似「畫在天空上的雲」;林鄭仲提出由房委會代政府向輪候戶支付現金津貼,成為「加快興建公屋嘅推動力」云云。阿姐,呢個係人都知係「左手交右手」嘅把戲,遭外界狂轟佢推卸責任。

呢招「移形換影」想博大霧唔使做,又點逃得過眾人雪亮嘅眼睛吖!自己唔勇於擔當,一味以為可用陰濕招來個金蟬脫殼,敗了!林鄭尋日出席行政會議前突改口,指有關說法只係佢自己一個「得意的想法」,並非一個建議,否則就已寫喺《施政報告》喇!佢仲死雞撐飯蓋,指對佢嘅批評係誇大形容,只會製造社會矛盾喎!

有錯唔認,筲箕兜水,只會更漏洞百出!阿爺用人,強調要才德兼備,更着重有擔當嘅能者居之!今林鄭以「得意的想法」解窘,卻更令人覺得喺公屋長期短缺下,身為行政長官,未能妥善以有效政策去解決問題,一味靠吹水靠卸膊,何來擔當?依家又話要「壓縮程序」又考慮「新組裝合成法」,花臣多多卻勞而無功。阿姐,《東方》不是已獻藍圖:港審批項目程序多多,宜學深圳一條龍辦妥!又有拓土建屋妙方:發展船灣淡水湖,建屋旅遊可兼顧,呢啲全係經世致用好橋!政府多啲虛心納諫,咪一味以「得意想法」洋洋自得而忘形出醜,又使乜搞到依家落雨收柴,一裙都係呀前世! {#iconb_233}

功夫茶

https://orientaldaily.on.cc/content/要港要聞/odn-20211013-1013_00190_001/建屋無能靠廢噏--得意想法好陰濕

回應 (0)
我要發表
user