木水火
木水火
木水火

得意想法 創意無限

2021/10/14 12:30:01 網誌分類: 時事
14 Oct

笑看天下:得意想法 創意無限  {#icons_girl10}

林鄭忽然改口,指由房委會支付現金津貼畀3年上唔到樓嘅基層只係「得意想法」。同文就話喇:此所以,佢喺《施政報告》提出嘅「北部都會區」鴻圖大計,吹得天花亂墜,外界一樣無甚反應,猶如投石大海,只有輕輕咚一聲便沒有下文。{#icono_49}

其實,吹水吹到幾大都係「得意想法」,老朽都有個「得意想法」,政府臨收工一味吹啊吹,不如索性話若然閣下夠硬淨,等到「北部都會區」落成,屆時每人送你一個實用面積500平方呎嘅免費洋房,若然證明到曾交稅20年,則一切律師及手續費亦由政府附贈,老朽呢個「得意想法」係唔係幾有創意呢? {#icono0_2}

其實,從政嘅高官,執政為民,為人民服務,應善於作為,勇於擔當,非常時期,更要有奉獻精神,而唔係九唔搭八浮現「得意想法」。當然,有啲行業的確需要「得意想法」,好似李白望住廬山瀑布,腦海即浮現:飛流直下三千尺,疑是銀河落九天!民間又有得意想法:口水流下三千尺,一摸口袋沒帶錢!

嗱!老朽活到這把年紀,都成日有「得意想法」,譬如話在村屋寫稿推窗常望到晚霞,每月稿費除咗交稅完全自己花,幾過癮!若然見到「北部都會區」落成,老到齒搖搖髮蒼蒼竟然變「有殼蝸牛」,真係夢中會笑醒,「得意想法」萬歲!人生短短數十寒暑,即使如勞福局局長羅致光嘅「得意想法」:當大家120歲,60歲剛是中年!要言之,活着,只要有「得意想法」,都可作樂無窮!呢!「圓規」來襲,沙田城門河行人隧道出現水浸,水深及腰,有市民着救生衣喺度暢泳,開心到叫:水好凍!若叫埋老婆或女友,咁就變成「戲水鴛鴦」,咁得意嘅想法,睇怕林鄭都要甘拜下風咯! {#icono0_3}

評論員 施友朋

https://orientaldaily.on.cc/content/要港要聞/odn-20211014-1014_00184_009/笑看天下:得意想法--創意無限

回應 (0)
我要發表
user