18~28/10 尋頂受阻+利淡訊號

2021/10/18 21:23:16 網誌分類: 經濟
18 Oct

港股即市完成調整, 部署屠熊

18/10 周一恒指收25409, 升78點, 連升2天, 收復50天線,

今早競價開市位25425已是全日高位, 是今個月第四次出現這種一開市即插的震牛引熊形態, 而過往三次都係破頂殺上去挾淡倉, 看來明日歷史會重演, 25500突破不難, 25700才是大位, 收市如能上企, 就要加多500點挑戰26200

港股成交及即市波幅急降, 係大龍鳳先兆, 一如日前所分析, 只要升穿25437就可擴周及月波幅, 明日熊熊淡友要買定官才, 上周已說大鱷刻意唔上破25500係詐死留力, 想拖到10月下旬才飛天, 上周壓住升勢係引淡友熊熊入局, 本周淡友時辰到

今日內地公布GDP數據遜預期, 加上美期下跌, 拖低中港股市, 惟午後有資金入市博阿爺出招救經濟, 尾市上証及港股走高, 上証低見3539後彈上3568收, 僅跌4點, 上証出現日升日跌形態, 預示明日上証會反彈, 利好港股

正在不斷下移的50天線在25400附近, 今日已上企, 反映好友仍主導大市, 25500係整數關口, 25700係好淡關鍵大位, 好友等緊突發利好消息/中美股市造好/淡友熊熊入局, 就會大裂口或大陽燭上企, 逼淡友回補空倉, 進一步推高大市

美元跌穿94水平, 人民幣港匯強勢持續, 利好中港股市, 港股連升2天, 升埋明日就係三連升, 通常連升3~4天就回吐,

深大媽掃入QQ及美團, 但滬大媽近來卻密密沽出QQ及美團, QQ連升兩天, 不過今日收陰燭, 淡友於$500攔路, 恒指能否上企26000水平就要看QQ能否突破$500, 近日見資金流入車股, 上周五滬深大媽齊齊掃比亞迪, 11/10重上$250關鍵大位後走勢轉強, 大媽係推升功臣

美股一如所料於公布業績後飛天, 已收復10月上旬所有失地並升突, 有資金於公布業績前偷步入貨, 港股與美股一樣, 都係9月插水, 10月彈高

~~~~~~~~~~~~~~~~~~~~~~~~~~~

10月反彈目標25900~26200

10月的大反彈浪仍未逼死淡友, 淡友亦非善類, 趁港股反彈就不斷加沽, 始終會出手玩大插插來食胡, 月尾係港股高危時期, 淡友必定會出手壓低結算價, 輸少當贏, 5/10係港股轉勢日, 根據時間周期來推算, 5/10觸底後會反覆推升, 震盪上行, 10月下旬才會見頂, 月尾又會再轉勢

昨日寫港股走勢劇本係10月上旬忍忍手, 預留10月下旬上升空間, 20號之後才見頂, 月尾反艇, 2~3/11聯儲局議息前的一周港股跌勢加劇, 反彈最大阻力在26100~26300, 假如升到上呢個水平就要慎防超買回吐, 可能升到水尾, 如打回頭, 就要再下試25000水平, 10月份港股累積龐大沽空最終要釋放, 所以月尾係高危周, 大插機會大

以黃金比率分析,恆指自8/9高位26560反覆跌至5/10的低位23681才反彈,跌幅為2878.6點, 小雙底量度升幅可見25900, 不過升抵這水平就要小心係升浪尾聲, 上企關鍵位25700, 加多500點, 10月份目標26200, 正路10月份不應升穿26500, 今年熊市尋底以來每次彈上20及50天線都係企唔穩, 掉頭向下, 淡友必定會駐重兵守住26560(9月高位)

内地市場監管總對美團涉及壟斷行為處罰34.42億元人民幣, 多家大行唱好美團, 認為不明朗因素已消除, 但價值投資技術派分析師青姐卻唱淡, 我亦認為係大行推高派貨

人人都講10月股災, 其實根據統計, 過去20年恒指係15升5跌, 只因當中有兩年(2008及2018)係股災式暴跌, 所以有錯覺以為10月偏弱, 實情係10月偏好, 資金趁低吸納博翌年走高, 由於今年第三季港股暴跌, 亦連跌4個月, 9月收24575, 10月份月線收升機會大

無論基金經理抑或外資, 仍擔心限電及監管措施, 因而限制入市注碼, 寧願炒高獲利換馬再炒其他股份, 所以就算市升, 但唔少股份卻逆市下跌, 甚至大插, 港股近來成交細, 沽空高企, 升得唔健康, 細成交的升市根基不穩, 當港股見頂後就會較容易破位而下, 大媽推高港股走貨, 可能係因為年尾手緊想套現

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

恒指高開高走, 一升到尾, 連續兩日企50天線, 大舉屠熊

19/10 周二恒指收25787, 大升377點, 連升3天

昨日已預告大鱷會畫大陽燭推升來衝破關鍵大位, 今早果然刻意壓低開, 競價僅升61點, 開市後反覆急升, 收大陽燭, 乾升挾淡唔健康, 收升月好友特別惡, 收升周的周三四五會有新高, 即係明日會升穿今日高位25808來擴大周及月波幅

一如早前所說, 上企25700就要加500點, 即係 下一個目標在26200, 26100~26300係成交密集區, 預料沽壓會加劇, 9月頂26560阻力就更大, 要留意明日會否收陰燭, 因為恒指通常連升3~4天就回吐, 獲利盤會出籠

今日高見25808, 周波幅仍未達標, 仍有上升空間, 去到阻力位窒窒步係震牛引熊, 月初曾說5/10係轉勢日, 觸底反彈, 由當天起閒閒地升兩周, 即係20/10後會創新高, 本周收升機會大, 美股炒業績, 內地股市炒降準及推出刺激經濟政策, 阿爺放風恒大事件可控, 中港美三地股市同步尋頂

9月港股點跌落黎, 10月就點上番去, 9月資金流走, 跌到阿媽都唔認得, 10月資金流入, 可以升到你唔信, 係反轉版, 恒指跌了四個月, 成功築底, 不應升10月上半個月這麼少, 時間及幅度仍有上升空間, QQ自從有莊家進駐, 動力隨即增強, 後市如上企$500大位的話, 恒指就會上企26000, QQ下一個阻力在$520~$530

人民幣強勢破1.4水平, 港匯亦愈來愈強, 資金市港股走強, 升到彭彭聲, 如今由低位累計已升約2100點, 仍未有見頂跡象, 成交細反而更易操控大市, 未出見頂訊號勿手痕逆勢造淡, 如明日恒指仍收陽燭, 以及國指跑贏恒指, 代表好友仍未放手, 如收陰燭就要小心, 上証近來係日升日跌, 今日收升25點, 明日輪到收跌

近日有財演叫入貨, 亦有唱淡說成交不配合升勢, 後知後覺的基金經理掃貨, 當股份急升, 股民追捧相關衍生工具, 發行商就要追貨, 一眾買盤形成購買力, 加上熱錢湧入, 令大市一跌即彈, 人民幣港匯強得嚇人,

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

恒指高開高走, 一升到尾, 大舉屠熊, 高處不勝寒

20/10 恒指收26136, 大升348點, 連升4天, 沽壓大增

昨晚美國十年期債息急升, 但市場竟然冇負面反應, 科技股神級地不跌反爆升, 反映好友當道, 亦有可能係推上去派貨, 畢竟美國十年期債息急升係利淡, 如果債息升勢持續始終不利科企, 目前科指已連升4日, 今年科指最長連升4~5日就回吐, 未見過連升6日, 預示明日或後日會回吐, 明日係跌市高危日, 或會插穿26000來回補上升裂口, 近來這麼多上升裂口, 升勢過急, 25808~25915裂口點都要回補

今日屠熊超過2500張, 本來老肥熊已死得七七八八, 但初生bb肥熊卻湧入, 以往港股RSI升到現水平大市就會大幅回吐, 轉勢向下, 本周恒指未跌過, 亦預示未來兩日最少跌1天, 港股周波幅已達標, 上升誘因下降, 正路本周不應去得太盡做1500點特大周波幅上26500, 如果大鱷夾硬推高反而要小心係見頂訊號

夜期小幅高水, 為近來最細升幅, 反映好友收斂攻勢, 無意再大裂口上攻, 可能想預留後市的上升空間, 因為本周波幅及本月波幅已達標

港股燒煙花升到虛脫, 今個月恒指8升3跌, 跌市日數太少, 未來7個交易日點都要增加跌市日數, 淡友正在部署反擊, 昨日沽空只得15.02%, 今日卻高達16.78%($263億), 下周港股業績期, 相關股份或會大幅波動, 係淡友殺跌良機

滬深兩市成交終於超過10000億, 為今個月第二高, 人民幣強勢, 老外連續兩日大手掃入A股, 近來上証日升日跌, 今日跌, 明日輪到收升, 不過今日港股冇跟上証跌, 所以明日港股亦未必跟上証升, 只要QQ守得住$504.5, 代表好友仍在, 如跌穿不妙, 代表底部上移趨勢已逆轉, 要下試$500水平

~~~~~~~~~~~~~~~~~~~~~~~~~~~~~

資金市

周三四五係創高位的時間窗口, 明日破頂的話, 我都想造淡, 不過熱錢持續流入, 似乎趁回吐買上好過造淡, 資金市水浸市場, 一回吐就會有資金掃貨, 低位往往係一瞬即逝, 如持續在低位徘徊不妙

要用資金市的模式來分析大市, 過去幾日股民造淡中伏皆因仍當一般市況來炒, 收市U盤又踢高收, 已預留明日回調空間, 代表好友仍主導大市, 資金市升到你唔信, 過去兩日淡友不斷加倉, 大鱷殺上去想逼淡友投降來幫手推高大市, 如未能逼死淡友, 大市就會插水

早前已說以周及月波幅計會上破26000, 已提醒大家不要太快造淡, 因為上企25700就會見26200, 26100~26300係成交密集區, 阻力大, 要買盤食得晒蟹貨, 才會再殺上去, 不過近日成交縮, 26100水平買上風險高, 目前港股係等急升後的技術性後抽, 淡友博超買回吐

今日中港股市升勢並不全面, 內銀內險油企A股全面下跌, 港股整體升跌股份亦只係一半半, 熱錢湧去炒科企, 要慎防未來兩日獲利沽壓湧現, 因為港股好少全周日日升

目前港股係資金市, 所以港股突破阻力彈高高, 未必跟升跌慣性走勢, 阻力位亦未必攔得住, 利淡訊號亦不能盡信, 不港股已連升4天, 超買, 獲利沽壓會加劇, 市強買盤勁多數係即市調整, 或小幅收跌, 如跌超過200點或出現連續兩日大跌, 就係見頂訊號, 向上阻力26100~26300.26500, 26/7下跌裂口26878~27222阻力非輕, 向下支持25800.25500, 如插穿25500, 就要向下隊多500點

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

26000好淡角力

21/10 周四港股結束四連升, 恒指收26017, 跌118點,

人仔強.港股好.內房爆升撐市

明日星期五周線畫圖日, 能否收26139之上具啟示作用, 向上阻力26100~26300, 不進則退, 如受阻而回, 就要插穿26000來擴大即市波幅

夜期已是連續6日收高水, 代表好友健在, 不過高水幅度細, 僅升11點, 已是連續兩日收小幅高水, 代表好友收斂攻勢, 唔想明日爆上26500, 其實今次升浪約有2500點已超標,正路升2000點就掉頭,如今俾多500點,呢浸升浪已屆尾聲, 理應歇一歇, 25808~25915上升裂口仍未全數回補是後患

今日港股跟足慣性走勢作出回吐係好事, 今個月恒指展開大升浪以來未見過連跌, 今日跌, 明日理應收升, 近來走勢係只跌一日, 升就連升, 係強勢表現, 假如出現連跌或大插, 代表淡友反擊力量增強

上証日升日跌, 今日升, 輪到明日收跌, 明日內地股指期貨結算, 上証本周與港股同步周線收升, 恒指國指周線收升, 連升4周, 創2月見頂回落以來最長升浪, 資金流入係推手,當資金流走港匯轉弱就代表升浪結束

老外連續三日大手掃A股, 可能係跨境理財通 + 發行MSCI 互聯互通A股 ETF + 人民幣強, 怪不得國指強勢, 問題係當一眾買盤入齊貨, 港股就會失去上升動力, 回顧當年推出科指ETF前, 科企出現掃貨盤, 當ETF登場後, 科企就回吐

國指已是連續3日跑贏恒指, 走勢偏強, 係推動港股破頂功臣, 要留意明日國指強弱, 對大市會有啟示, 當國指轉弱, 港股就危

中港美三地股市同步尋頂, 要假設今日高位26229只係短頂, 回調整固, 消化沽壓, 月尾或11月仍會再創新高, 但今個星期周波幅及今個月的月波幅已超標, 大鱷應忍忍手, 不宜衝上26500, 要預留後市頂部上移的空間

~~~~~~~~~~~~~~~~~~~~~~~~~~~~~

QQ$500好淡角力

今日QQ底頂下移, 上升動力轉弱, 不過QQ莊家力守$500大位, 要看明日能否上破過去兩日高位512.5及$515, 不進則退, 如未能破頂, 10天線及$500就危, 要向$480進發

美元下試93.5獲支持回升, 人民幣下跌52點子, 收6.3988, 結束兩連升, 不過仍處4個月高位, 強勢依然, 利好中港股市

美國十年期債息續升, 利淡科企, QQ美團阿里等科企借勢回吐, 滬大媽繼續走QQ, 深大媽QQ美團買盤收斂

科企受制於債息走高, 大鱷就推高地產板塊來撐市, 以輪動方式來推升, 港股一插即彈, 收窄跌幅, 下星期基金9月結埋數, 照計亦唔想隊散港股, 9月基金大賺就可做番靚盤數, 追回第三季的損失

呢兩日港股創新高, 見資金換馬及避險, 落後股見買盤, 大媽繼續沽出建行, 導致多隻內銀於今次升浪跑輸大市

國務院副總理劉鶴表示, 房地產合理的資金需求正在得到滿足, 有關恒大及內房的維穩言論刺激內房爆升, 加上房地產稅立法觸礁, 內銀降房貸利率, 降準憧憬, 內房淡友平空倉, 帶動本地地產股都跟住內房上山, 今日屋仔走強, 推動港股收窄跌幅, 內房地產板塊大成交急升, 必有後著

今日一度插295點低見25840, 25808~25915上升裂口未全數回補是後患, 10月由好友主導大市, 可能係刻意唔全數回補裂口來引淡友入局, 目前26200樓上熊熊愈養愈肥, 26300~26600有重倉熊, 今日守住25800即彈 , 亦有可能係俾時間BB牛出世,大鱷就可以好淡通殺

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股沽壓大增, 高處不勝寒, 26000好淡角力

22/10 周五恒指收26127, 升109點,

昨日說26139係強弱關鍵位, 具啟示作用, 今日收於其下, 利淡, 代表好友攻勢收斂, 港股上升動力轉弱, 可能係好友想預留多些上升空間俾未來兩周, 淡友蠢蠢欲動, 不進則退, 下周要插穿26000來擴大下星期的周波幅, 25808~25915上升裂口未全數回補是後患,

貼價26230向上每百點級級有肥熊, 如大插就會放生淡友, 而25500~25800只得約400張小牛, 欠缺吸引力, 所以下周一係插水秒殺BB牛即彈, 一係上攻食肥熊大餐, 以周波幅計下周25800~26300理應爆邊, 睇盤路熱錢都係炒波幅, 高沽低吸, 逐個板塊或消息股炒上落, 散戶傾向沽貨看淡, 而好友大鱷仍想高位結算, 目前淡倉遠遠多過好倉, 現水平買盤縮, 但港股卻高企不下, 反映大鱷想挾淡, 如果淡友不死, 港股就會大插, 今個月累積大量沽空, 後市必會大插

由於港股累積龐大升幅, 加上美國十年期債息走高, 科指受制於6800~6900, 獲利沽壓大增, 股份出現輪動走勢, 資源商品股捱沽, 不過資金流仍有利好友, 港匯人民幣強勢持續, 老外繼續大手掃A股, 但大媽卻密密出貨及換馬, 上証收跌12點報3582, 仍然係日升日跌, 即係下周一上証會反彈, 有助穩住港股, 滬深兩市成交回升至逾萬億

由15/10重陽節復市起, 恒指每日都有新高, 但今日卻打破了這個慣性走勢, 釋出利淡訊號, QQ於周三(20/10)高見$515率先見頂回落, 指標股具啟示作用, 所以今日港股未能再創新高, 尋頂市每周都會有新高, 不過要QQ破頂才能推動港股上破26229, 如QQ失守$500就會拖低大市, 所以好友一直守住$500

本周係收升周, 好友特別惡, 假如下周係收跌周, 就輪到淡友威威, 如果下周仍收升, 好友就會玩破頂創新高, 夜期連續6日高水, 今晚卻斷纜收低水, 國指連續4日跑贏恆指, 平了今年最長連強記錄, 下周一轉弱機會大, 今日恆指即市波幅及港股成交都急降, 預示下周會有大龍鳳, 淡友正在部署反擊, 不過下周四期指結算, 要看好友守關能力, 只要上証造好, 有利好友

~~~~~~~~~~~~~~~~~~~~~~~~~~

今個月港股升得這麼急, 除了因為過去四個月跌過龍外, 亦有可能係好友大鱷想係11月初聯儲局宣布收水前盡量推升, 所以殺到上26000仍咬住唔放, 只要上破前頂26560, 就打破了一浪低於一浪的勢頭

港股燒煙花升到虛脫, 今個月恒指9升4跌, 跌市日數太少, 未來5個交易日點都要增加跌市日數, 淡友正在部署反擊, 下周匯控.港交所.平保.比亞迪.建行.中行等多隻大藍籌公布業績, 相關股份或會令港股大幅波動

通常每星期升/跌2~3天, 但本周只係跌了1天, 跌市日數未達標, 按照升跌日數的慣性走勢, 下周要補跌

月中曾寫了一個劇本, 就係預測本周恒指會收升, 連升四周, 市場氣氛升溫, 人人向上望 , 好友及後知後覺的散戶進場接火棒, 等埋貼價BB牛出世, 月尾淡友就會出手, 不過10月由好友主導大市, 要看好友會否撐埋結算才容許港股作出大調整, 今個月恒指展開大升浪以來未見過連跌, 升就會連升, 如跟慣性走勢, 下周一亦會收升,

月初曾說5/10港股轉勢向上, 霜降(23/10)後就會腳軟,美國十年期債息急升,科指走高極不合理,亦有可能係淡友推高造淡,大鱷高位派貨,港股現水平壓力愈來愈大

地產板塊昨日成交高達$49億, 為今個月最大成交, 這麼多資金突然湧入, 必有所圖, 結果今日再爆升, 連日急升, 好友夠水位食胡了, 結果周日(23/10)阿爺宣布房產稅試點的利淡消息, 怪不得過去近日大鱷以市傳房產稅出台遇阻夾硬踢高屋仔挾淡派貨, 今日就食胡, 時間剛剛好

近日科企受美債息急升拖累, 回調整固, 大鱷就推高地產板塊來接力撐市, 下周一正午匯控公布業績

當屋仔QQ科企見頂回落, 港股亦會同步見頂回落, 大鱷有一個習性, 就係反彈時升到你唔信, 淡友輸到怕怕投降, 好友贏到開巷, 當一見頂就會失驚無神大插, 好友走避不及, 嘔突盈利, 最終大鱷好淡通殺,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股臨危托沽, 高處不勝寒

25/10 周一恒指收26132, 升5點, 連升2天

今日港股雖然收陽燭, 但上升乏力, 國指一如所料結束連續四日跑贏恒指的勢頭, 拉住恒指後腿, 早前預測恒指本周升穿21/10高位26229亦走不遠, 因為月波幅已達標, 好友會食胡, 本周會轉勢向下, 淡友反擊, 周線收跌, 周三四五係創周低位的時間窗口, 科指受制於6800, 恒指受制於26100~26300, 大鱷有一個習性, 就係未見頂前力托, 一插即彈, 當見頂後就縮手唔撐市, 大市就會反艇

QQ見頂, 港股見頂, QQ $500樓上大媽積極走貨, 亦密密沽建行, 市場預期降準落空, 內地新冠疫情惡化, 26000樓上買盤縮, 乾升乏力, 不進則退, 要落去25500來擴大周波幅, 下周初聯儲局議息, 未來幾日匯債都會有異動, 必定會影響股市, 中港股市獲利沽壓會加劇, 港匯略為轉弱, 早前寫月尾淡友反擊劇本有望上演

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股高開低收, 單日轉向呈陰燭, 底部下移, 見頂味濃, 部署下殺屠牛

26/10 周二恒指收26038, 跌93點, 結束兩連升

結算前淡友部署反擊

今日恒指雖然破頂創月內新高, 但底部下移, QQ連跌兩日, 一眾指標股冇跟隨恒指破頂, 科指及國指亦冇創新高, 代表今早係虛火上升, 代表港股動力不繼, 恒指高位一瞬即逝, 測市指標出現利淡訊號, 相信今個月高位已出現, 不進則退, 明日要插穿今日低位25905, 月尾淡友反擊劇本有望上演

為何大鱷急於今日踢上去做頂呢? 因為未來幾日有大量成份股(多數係中資股)公布業績, 見光死機率甚高, 相關股份反艇就會拖低大市, 增加大鱷造頂的難度, 所以由上周五起一連三日大鱷伸埋最後一腳上去創10月高位食胡, 上周五(22/10)國指見頂9398, 本周一(25/10)科指見頂6794, 今日(本周二26/10)恒指見頂26235

恒指由5/10觸底反彈以來, 每次都係連升3~4天, 但今次只係連升2天就轉跌, 符合早前寫的劇本, 港股已升到水尾, 本周轉勢向下, 淡友反擊, 明日會隊穿25800來擴大周波幅及屠牛, 25808~25915上升裂口未全數回補是後患, 今日創新高, 只要明日續跌, 連跌2天, 就打破了尋頂期間跌1日例彈的慣性走勢, 代表尋頂市轉尋底市

早前預測本周收跌, 預示本周首兩天高低位25905~26235會向下爆邊來擴大周波幅, 港股10月升浪已見頂, 周三四五係創周低位的時間窗口, 明日會向下尋底, 向25800.25500.25300...進發, 美團QQ阿里上周已見頂, 本周沽壓加劇, 今個月一路升沽空就一路增加, 預示後市會大插, 港股見頂後大大力推升誘因消失, 市強由高位嘔600~800點, 守25400~25500, 市弱嘔千點見25200~25300

恒指今早突破前頂26229, 創出月內新高26234, 好友夠皮了, 已經賺到開巷, 好友食胡, 輪到淡友出場, 港匯略為轉弱, 夜期收大低水, 為重上26000以來最大低水幅度, 資金市港匯轉弱, 代表熱錢食胡鬆人, 近日無論港股收升或跌, 下跌股份比例都高企, 唔係好現象, 代表大鱷托沽, 咬住指數扮跌唔落來派貨, 以往出現呢種格局, 當大鱷一縮手唔托, 港股就會破位而下,

~~~~~~~~~~~~~~~~~~~~~~~~~~~~~~

港匯轉弱散水格

美元守住93.5反彈, 再挑戰94水平, 港匯轉弱, 港匯及美元的變化吻合下周初聯儲局議息前股匯債會有異動的預測, 10月份港股大反彈係受港匯強勢, 資金流入所推動, 所以每次下跌都係一插即彈, 但過去幾日港匯逐步轉弱, 當港匯強利好友買上, 當港匯弱利淡友殺跌:

本周二收 7.7756
本周一收 7.7743
上周五收 7.7731

老外近來密密大手掃A股, 互聯互通南北向連續5日出現資金凈流入, 間接推高了港股, 但今日老外終於沽A股(北向)獲利走貨, 連大媽都大手走港股(南向), 雙雙出現資金凈流出, 上証創月內新高3625後掉頭回落, 港股亦跟隨上証向下走, 同步見頂

內地股市9月份成交急增至13000~17000億元人民幣, 推動上証高見3723, 不過踏入10月份成交就不斷縮減, 曾見少過9000億成交, 但今日成交卻突然急增至10823億元, 上証創月內新高3625, 如果跟9月見頂的形態, 大成交衝頂冇好下場, 明日中港股市不妙

上周已預測本周會有大龍鳳, 上周恒指4升1跌, 升過龍, 本周要補跌, 想本周港股收跌亦想今日收跌係因為測市指標出利淡訊號, 假如仍夾硬收升, 慣性走勢失效, 往後就很難估市升跌, 匯控公布業績後隨即開始回購股份

今個月尚餘3個交易日, 到目前為止國指今個月8升7跌, 跌市日數已追至合理水平, 不過恒指今個月10升5跌, 跌市日數仍未達標, 要補跌

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

結算前夕淡友大反擊, 部署結算位

27/10 周三恒指收25628, 大跌409點, 連跌兩天, 失守10天線

25500攻防戰

大媽沽出港股及換馬, 老外沽A股獲利, 上証大幅回吐, 險守3550, 收3562, 跌35點, 連跌兩天, 如失守3550就會拖低港股, 港匯人民幣下跌, 今日淡友借勢大反擊, 隊穿10天線, 明日期指結算, 港股落到25500/9000大位, 已跌至回調第一個關鍵目標位, 要看好友會否守住大位撐埋結算, 如失守25500, 下一站50天線(約25330), 10月由好友主導大市, 月線收升已無懸念, 10月雖然好友威威, 不過以11月波幅計會下試25000來擴大11月的波幅, 收升周好友惡晒, 收跌周輪到淡友發惡, 唔好估底

10月份港股大反彈部份原因係大行幫企業推高股價來配股, 今個月配股活動頻繁, 今日輪到李寧, 港股成交細, 玩埋配股抽資唔係好事, 目前牌面形勢利淡友, 但市場仍看好後市, 認為回調整固後, 11月會重上26000, VHSI恒指恐慌指數近全日最低位收, 港股大插但市場唔驚啵! 可能係信好友點都會撐埋結算

淡友要推低明日結算價, 恒指今個月10升6跌, 跌市日數仍未達標, 要繼續補跌, 周三四五係創周低位的時間窗口, 明日要隊穿今日低位25555來擴大即市及周波幅, 月中有莊家掃貨進駐QQ, 但周一莊家開始撤退, 今日莊家進一步大舉走貨, 係QQ失守$500的主因, QQ見頂回落, 尋頂之旅結束, 港股轉尋底市, 早前已說過, 今次殺上26000係以細成交推升, 冇大成交支持的升浪, 乾升根基不穩, 當大市見頂回落, 承接力亦會較弱

目前美股正在炒業績, 破頂而上, 每當道指恒指差距超過10000點, 恒指就會追落後來收窄兩者差距, 一係恒指急彈, 一係道指下挫, 根據記錄, 最長係連續3日差距超過10000點

港股點升上來就點落番去, 殺完淡友就殺好友, 既然已見頂, 不進則退, 就要向下走, 10月第三個上升裂口25808~25915已全數回補, 下一個裂口在25425~25458,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

28/10 周四恒指收25555, 跌73點, 連跌3天, 50.60天線危危乎

收跌周淡友大反擊.25500攻防戰

呢兩日係港股業績高峰期, 大量成份股公布業績, 見光死機會大, 昨日平保公布業績唔靚仔, 今日就捱沽, 未來兩日比亞迪.國壽內銀內險証券資源商品等業績股會飛天遁地, 或會拖低大市, 持貨要做定防風措施, 要坐過山車,

今晚比亞迪公布業績, 於本周二(26/10)已率先見頂回落, 基金及投機者趁創新高紛紛沽貨來鎖定利潤, 因為今次比亞迪的大升浪係受德師奶股東挾淡飛天所推動, 車股呢浸可能已升到水尾

今日期結, 好友力守25500/9000大位來結算, 已跌至回調第一個關鍵目標位, 下一站25300(50天線).25000... 今日淡友唔俾港股反彈, 壓低結算價, 但好友亦成功守住大位來結算, 10月贏到開巷食飽鬆人, 明日黑期結算, 倉位更大, 淡友當道, 又會有大龍鳳, 目前港股正在上演元帥寫的月尾反艇劇本, 正處尋底勢頭, 

周三四五係創周低位的時間窗口, 周波幅仍未達標, 即係明日會隊穿今日低位25473來擴大周波幅, 貼價有重倉牛, 25460樓下級級有肥牛, 一路排到落25100, 有下殺誘因, 不過25300係關鍵大位, 如失守就代表好友已閃, 要向25000.24800進發

由周二(26/10)起, 唔少好友見大鱷咬住26000以為跌唔落, 俾大鱷呃左入市博反彈, 牛牛連續3日都有超過10000張, 係呢兩個月首度出現這麼多牛牛, 怪不得大鱷變臉玩大插屠牛, 早前已經提醒大家, 大鱷有一個習性, 就係大升浪之後就會失驚無神大插, 要好友嘔突盈利, 股民在升浪中賺賺埋埋都要交番出來, 大鱷係唔會俾股民賺錢落袋, 只會係一場歡喜一場空

港匯未見進一步下瀉, 暫時穩住了港股, 但仍比上周弱, QQ今日雖然底部上移, 逆市反彈, 但莊家已撤退, 大媽唔掃QQ, 走勢亦轉弱, 要穩住QQ才能穩住港股, QQ尋底.港股尋底, 港股已創觸底反彈以來最長連跌, 反映目前由淡友主導大市,

美國十年期債息回落, 昨晚納指平收, 冇跟道指標普插水, 美期炒業績彈高高, 推動港科指收升, 可能係因為今日結算, 又或者大鱷臨危托沽, 港股亦收窄跌幅, 不過港股已創觸底反彈以來最長連跌, 反映目前由淡友主導大市

明日畫周線及月線, 黑期結算, 基金亦要埋月結(近日見沽貨止賺及換馬), 向下方面, 好友下一個防線在50天線25300, 估計11月會插穿25000, 向上方面, 目前10天線在25800附近, 跌穿已變成阻力

昨日老外大媽齊齊走貨, 互聯互通出現資金凈流出, 拖累港股大跌, 但今日南北向卻雙雙出現凈流入, 老外趁內地股市大插趁低吸納, 但大媽只係買少少港股, 亦唔掃QQ, 港股反彈乏力, 上証低見3509, 收3518, 跌43點, 連跌3天, 上証力守3500大位, 內地股市隨時會反彈

最新回應

門徒
門徒 2021/12/02

始終牛多熊小,今日沽空增加,但港匯轉強 {#iconb_61}

試下學下
試下學下 2021/12/02

鐵跪得左係收工時間。祝福大家快速回家 {#iconb_342}

試下學下
試下學下 2021/12/02

原來我係潺仔明的老友人人都知 {#iconb_252} 不過甘樣就產生左親和力 {#iconb_69}

soho*
soho* 2021/12/02

史哥, 可能我誤解左你的意思, 我的理解係你說//上唔返24樓//即係24000淡友攔路打回頭

如收24000之上向24500進發, 見頂再插就只係企唔穩24000, 我認為好友係有能力推上24000, 大鱷係等養肥熊熊才殺上去