「齊步上怡廈」籌278萬跑手共踏5000萬步

2021/10/23 04:12:22 網誌分類: 生活

23 Oct

        　　疫情令唔少活動都要花心思，改變模式以適應新常態。Kelly知道慈善活動「齊步上怡廈」，今年便以新形式進行，齊行踏步機計算步數，代替一眾參賽者跑樓梯，近二千名跑手共累積超過五千萬步，等同於攀登咗逾五萬三千棟怡和大廈！

        　　大會共邀得四十七間企業、十七間社福機構及三間學校參與，喺疫情下身體力行，保持強健體魄，達至身心健康。競賽喺八月下旬至十月上旬舉行，大會喺各參與公司嘅辦公室，設置咗活動「加油站」，附設踏步機計算步數，配以平板電腦向參加者發放精神健康資訊，將呢種新體驗帶到日常工作間，鼓勵關注精神健康。

        　　集合各方力量，約兩千名跑手共累積超過五千萬步，等同攀登逾五萬三千棟怡和大廈！活動仲籌得二百七十八萬元善款，撥畀慈善組織以提倡精神健康，並為復元人士提供支援。Kelly覺得呢種燃燒卡路里，又可做善事嘅新玩法值得推廣。

        Kelly Chu