食零食都要有火！

2021/10/23 04:12:48 網誌分類: 生活

23 Oct

        　　雖然卡樂B嘅粟一燒叫「阿粟」，但其實佢哋都好有火！而家換咗新衫，仲相當有個性O添！每一款有唔同顏色，小妹見到都好想食佢哋嘅燒烤味同香辣味。另外仲有上湯龍蝦味、粟米濃湯味、蒲燒鰻魚味、炭燒蜜糖雞味、炒蒜味同麻辣味嘅「阿粟」，9款「阿粟」都咁卜卜脆，Cally都流晒口水啊！

        　　Cally都知姊妹們好鍾意食芝士，所以見到卡樂B出咗「煙燻芝士味粟一燒」，即刻同大家開心share吓。新口味係用咗唔完全燒晒嘅木所產生的煙燻味，芝士再加埋燻木嘅香味，個味道變到好有層次。小妹打開包裝就即刻聞到芝士嘅香味，食咗之後就好鐘意呢種特別嘅煙燻味同芝士嘅鹹香味。想食新口味同新包裝嘅「阿粟」，就可以去超市、便利店試吓佢哋幾有火。

        Cally