29/10~2/11 尋底屠牛之旅

29/10 周五恒指收25377, 跌178點, 連跌4天, 失守60天線, 走勢進一步惡化

收跌周淡友大反擊.下周25000攻防戰

尋頂市每周有新高, 尋底市每周有新低, 早已說過本周初港股會轉勢向下, 即係尋頂結束轉為尋底市, 估計下周會跌穿本周低位25314, 向25000進發, 如失守, 就要下試24800關鍵大位, 希望落到呢個水平有死貓彈, 彈完再落山

26234(10月頂) - 1000~1200(回調幅度) = 25034~25234(短線回吐目標)

如失守25000, 向下500點一級, 24500.24000... 24500係超級大位, 好友會守關

內房A股陽光城反艇, 拖累內房AH股, 亦波及持有內房的內險股全面下挫, 國指連續5日跑輸恒指, 代表大鱷過去幾日臨危托沽, 後市不妙

今日基金經理埋月結, 10月好倉黑期結算, 所以恒指未跌穿50天線, 但月結後撐市誘因消失, 25300將不保, 有報道指比亞迪擬配股籌最多140億元, 怪不得比亞迪近日沽壓加劇, 原來有春江鴨收到風

日前恒指全數回補20/10上升裂口25808~25915已發出第一個向淡警號, 今日繼續回補19/10上升裂口25425~25458, 發出第二個向淡警號,下周將會下試25000, 如失守, 就要向下隊多500點見24500, 10月初港股創年度新低後展開反彈浪, 成交一直低企, 乾升挾淡推升, 根基不穩, 當大市作出調整, 支持位亦較易隊穿

分析早市時說港股避險情緒升溫, 係因為見到開市競價公用分類板塊高開高走, 開市後急升, 如果大鱷想今日港股倒升收市, 資金理應掃急跌的權重股, 而不是泊入公用股避險

近來美股炒業績, 愈升愈有, 牛市氣氛又返來, 吸引熱錢入場, 睇港匯走勢10月炒高港股的熱錢可能又走返去炒美股, 所以港股反艇, 其實10月埋月結後, 多位基金經理亦縮手, 除了擔心11月初聯儲局宣布收水外, 亦怕左阿爺的監管措施, 熊市易彈散, 10月收升, 11月理應要回吐, 根據歷史統計, 熊市不會跌8個月這麼短就結束, 後市有機會再下試前底23681

昨晚公布業績的股份, 大行一唱淡今日即插, 近日不斷提醒大家小心業績股會拖低大市, 由於今日繼續有大量股份公布業績, 持貨者擔心見光死, 鬥快走貨來避險, 尾市黑期結算已屆尾聲, 好友縮手唔托市, 港股跌勢加劇, 今日收市U盤進一步走低, 回顧10月份多數係踢上去, 預示下周一仍會再插

明知今日有大量股份公布業績, 亦明知只要某隻股份業績差就會拖累整個板塊(平保禍及其他內險股) , 假如你係大鱷/大戶/基金/散戶, 今日會唔會冒風險入貨丫! 就算想買都過左周末等出埋業績先啦! 一個二個唔入貨, 加上美期下跌, 今日港股就梗係要收跌啦!

港匯轉弱, 熱錢來也匆匆, 去也匆匆, 當資金流入, 就會推動港股彈高, 當資金流走, 洗倉走鬼盤就會拖低大市, 連支持位都撐唔住, 10月上旬的升浪令唔少好友入局, 賺到笑, 係時候嘔番盈利出來, 早前已提醒大家今年熊市尋底以來每次彈上20及50天線都係企唔穩, 掉頭向下, 魔咒再度應驗

~~~~~~~~~~~~~~~~~~~~~~~~~~

港股成也QQ.敗也QQ

10月港股大反彈, 上周QQ爆上$515打回頭, 本周企唔穩$500碌落山, 近日多次開市競價試盤都見過插穿$480, 但最終本周一直托住$480來派貨, 養牛震熊, QQ冇左莊家睇場, 11月隊穿$480機會大, 要QQ止跌回升, 才能穩住港股

昨日QQ收升可能係好友推高QQ來撐住結算價, 今日守住$480亦有可能係港股要畫月線, 所以力撐, 連續兩個星期QQ的周波幅都有約$30, 大家認為下周會升穿$500抑或跌穿$480呢? 過去3個月QQ月波幅有$70~86, 大家可估算11月QQ高低位係邊, 就可推算港股的高低位

早已說QQ莊家已食胡撤退, QQ已失守10及20天線, 過去幾日我係網誌不斷說港股出現利淡訊號, QQ一路推升, $490樓上買盤就不斷縮, 沽空不斷增加, 莊家趁反彈暗暗走貨撤退, 即係推上$510班大鱷已食胡鬆人, $500樓上大媽積極沽貨, 尋頂市QQ要領軍, 尋底市亦要QQ幫手推港股落山,

今日畫月線, 10月QQ收升, 9月收$461.4, 最神級係今日低見$481.2, 係8月收市位, 不過最終收市U盤隊到落$481全日最低位收市, 近日老外密密沽出QQ阿里美團, 而散戶就入貨, 唔少散戶錯失了10月的大升浪, 心心不忿, 覺得走寶, 所以趁港股回吐以為恒指守得住25500/QQ $480就吸貨, 又坐艇

25000好淡角力, 一插即彈, 秒殺肥牛

1/11 周一恒指收25154, 跌223點, 連跌5天, 失守20.50天線

近來美股炒業績, 屢創新高, 牛氣又返來, 吸引資金炒作, 睇形勢10月炒高港股的資金又走返去炒美股, 港股當堂謝晒, 不過港股雖然跑輸美股，但每當道指恒指差距超過10000點, 恒指就會追落後來收窄兩者差距, 一係恒指急彈, 一係道指下挫, 根據記錄, 通常係1~3天, 最長亦只係連續3日差距超過10000點, 目前已經係連續兩日超過10000點, 所以明日或後日港股或會反彈, 如果仍彈唔起, 就破了記錄, 代表港股弱勢, 要向24500進發

港股弱雞皆因滬深大媽齊齊走權重QQ及美團, 令港股跌勢加劇, 其實過去幾周大媽都係派緊貨出街, 有趁高減磅味道, 未知是否內地基金年尾要套現來應付贖回, 又或者年尾水緊, 大媽走貨拖累港股先後跌穿多條重要平均線, 港股走勢明顯轉弱, 係10月的翻轉版, 港股連日下挫尋底, 跌下彈下唔奇, 跌得愈急, 插得愈深, 才會超賣反彈

上周國指全周日日跌, 係好少見, 弱得不尋常, 通常每周升跌2~3日, 由於上周國指跌市日數超標, 本周升市日數有望增加, 或會升1~2天, 今日國指跑贏恒指, 反映插穿25000/9000有資金趁低吸納, 惟金額不多, 市場於周二三聯儲局議息前不敢大手掃貨

港股全日走弱, 但收市U盤突然彈高, 可能係因為美期走高, 今日港股一跌到尾, 皆因大鱷想逼死好友才反彈, 今日大插見24972創近3周新低, 但仍守住15/10重陽節復市低位24929, 往後如果守唔住, 就要下試24500水平

26234(10月頂) - 1000~1200 = 25034~25234(今日低見24972)

今日低見24972, 已落到第一個回調目標，可能是短底，等彈完才破底, 按照大鱷的習性, 恒指大底不會只係跌穿整數關口少少, 所以今日低位唔會係11月的底部, 即係今日高低位24972~25270兩邊都會爆來擴大11月的波幅, 拖到幾時爆就要睇匯債及上証表現

~~~~~~~~~~~~~~~~~~~~~~~~~~~~

好淡通殺

港股連日急跌, 肥牛陣亡, 當港股大跌, 貼價BB熊出世, 就係反彈先兆, 大量熊熊飛撲入市, 今日初生BB熊已下移至25600附近, 不過24900樓下牛牛亦加倉, 上下兩邊都肥, 整體牛熊分布係牛多熊少

早前預測11月恆指表現，以月波幅計，估計會插穿25000, 亦會上破26000, 不過多位基金經理認為後市就算再上26000亦走不遠, 因為10月大好形勢都上唔到26500, 11月聯儲局收水就更難飛天

目前港股正處於尋勢頭, 今日港股雖然收跌出陰燭, 不過多隻指標股由低位拗腰, 收得唔算差, 可能係淡友見插穿25000食胡回補空倉, 2~3/11聯儲局公布議息結果, 禍福難料, 好友淡友都有戒心

上周港股避險情緒升溫, 獲利沽壓加劇, 人人都等上周四五港股業績高峰期揭盅, 今日大插於低位見少量買盤進場, 亦見洗倉盤, 因為公布業績後就有數得計

想知港股見底未, 就要睇港股溫度計QQ, 當QQ止跌回升收陽, 就係利好訊號, 港股會否彈完再插, 就要看QQ會否再創新低, 如QQ續瀉, 就會推港股落山, 近來大媽傾向踢高QQ來走貨, 所以QQ頻頻彈散

熱錢來也匆匆, 去也匆匆, 上周港股展開連跌浪, 以及今日插穿25000都係因為熱錢流走, 大鱷洗倉走鬼, 淡友奪得主導權, 上周五美元急彈上94.31, 創6月以來最大單日升幅, 嚇到港匯今日去到7.783, 但今晚美元回軟, 失守94水平, 利好人民幣, 港匯亦回穩, 老外上午沽A股，下午入貨, 上証於11月尾跌穿3550後走勢轉弱, 今日高見3556後又打回頭, 收3544, 跌2點, 多家內房陸續出現債務違約, 評級機構下調其評級展望, 以及業績差的股份仍困擾市場

港股先高後低.單日轉向.25000危危乎

2/11 周二恒指收25099, 跌54點, 連跌6天

淡友誓要隊穿25000

港股成交細, 操控易, 今早大鱷夾硬於競價玩高開454點, 再推上25639造頂, 大幅推升目的係於高位開淡倉, 好友鬆人, 大鱷趁反彈沽出QQ阿里美團等多隻權重股, 畫了超大陰燭, 令港股沽壓加劇, 走勢進一步惡化, 

上証反艇, 低見3477, 創兩個月新低, 釋出強烈利淡訊號, 收市刻意推番上3500大位, 最終收3505, 大跌38點, 連跌兩日, 由於中港股市多數係同步同一方向, 如上証明日續跌, 就會進一步推低港股, 跌穿25000就要下試24800關鍵位, 幸好24800樓下只得瘦牛, 明日直落隊穿24500誘因下降, 港科指開市走勢多數跟在美上市中概股及納指, 券商股反艇, 預示中港股市後市不妙

10月熱錢流入炒高港股, 加上基金經理今年首三季嘔突盈利, 10月入場復仇, 呢兩條水喉谷高了10月的港股, 10月尾呢兩路人馬已止賺獲利散水, 所以港股就反艇, 目前港股正在尋底, 博反彈係逆勢操作, 只能等超賣的技術性後抽

一如早前所說, 連跌是有極限, 昨日以為港股會有反彈, 因為按照慣性走勢本周不會日日跌, 加上道指恒指差距超標, 點都會有死貓彈, 要彈完才繼續尋底, 可惜最終只得科指彈, 恒指國指倒跌收場, 港股違反慣性走勢皆因熱錢流走沽壓特別大, 好友可能等聯儲局議息後才反擊

今早港股高開幅度過大, 恒指競價高開454點, 有可能係好友推上去逃命, 如果好友係有心買上, 係會逐步推升, 不會大幅裂口高開, 因為一步到位收陰就會惹來龐大沽壓, 不利後市, 2~3/11聯儲局議息前美元再度重上94水平, 港匯走弱, 資金流走

~~~~~~~~~~~~~~~~~~~~~~~~~~~~~~

等破底

今早亦有可能係淡友大鱷拉港股上山, 再打落黎, 刻意畫大陰燭逼死好友, 因為呢棍大陰燭, 就會嚇到冇人敢入貨, 淡友就得米, 以月波幅計, 11月恒指會向24800.24500進發, 甚至見24000, 不過唔知大鱷想托住24800樓上派貨, 拖到幾時才落地獄, 畢竟目前才是月初, 仍有大把時間養牛熊, 好淡通殺

10月港股大反彈, 係有天時地利人和配合, 跨境理財通新登場, 當時亦係美企公布業績前, 回購股份暫停, 美股走弱, 資金轉炒跌到殘的港股, 因為恒指連跌4個月落到23681, 買上空間大, 股民見10月港股大彈高, 忘了港股是熊市, 紛紛入貨, 上周高人.梁燈神.技術派全面唱好, 大鱷偷笑, 正好溫水煮蛙式派貨, 而淡友就不斷加倉造淡, 計劃11月殺跌, 早已說過10月好友賺賺埋埋會嘔突, 大鱷係唔會俾股民賺錢落袋,

10月中元帥已披露大鱷的港股劇本, 10月尾港股轉勢向下, 2~3/11聯儲局議息前港股跌勢會加劇, 點升上來就點落番去, 乾升挾淡推上26000根基不穩, 到殺跌時會輕易插穿, 如今日日跟住劇本上演

周波幅及月波幅慣性走勢好準, 昨日說港股未見底, 周一高低位24972~25270兩邊都會爆來擴大11月的波幅, 結果今日向上爆邊, 創11月高位, 如果跟隨慣性走勢, 明日就會輪到向下爆邊, 等破底,

昨日隊穿25000見24972, 一插即彈, 扮跌唔落, 震熊引牛, 今日閃上25639, 高位一瞬即逝, 唔俾好友牛牛食胡, 周三四五係創周低位的時間窗口, 肥牛命危,

有報道指歐盟、英國、加拿大、土耳其、烏克蘭、列支登等32國將會由1/12起取消中國貿易最惠國待遇, 可能係大鱷競價挾高港股造淡的催化劑, 連跌這麼多日, 係好少見, 應彈不彈需防插, 大鱷玩連跌唔俾彈高, 係想震熊引牛, 呢幾日牛牛飛撲入市, 貼價牛要買定官才

~~~~~~~~~~~~~~~~~~~~~~~~~~

QQ尋底.港股尋底

持有內房華夏幸福的平保捱沽, 因為華夏債務出問題, 未能償還大鱷銀行貸款, 內銀內險內房齊齊反艇, 拖累市場氣氛, 連美股創新高都幫唔到港股, 睇形勢係炒港股的資金撤走, 返去炒美股, 港匯仍弱

26/10恒指見頂26235那天, QQ莊家開始出貨, 當天恒指倒跌93點, 翌日(27/10)QQ莊家大舉沽出QQ, 大部份莊家走貨離場, 當天恒指大跌409點, 進一步確認見頂回落, 展開尋底勢頭, 其後港股就日日跌, 今日競價大升454點, QQ衝上$482, 連QQ僅餘少少莊家都沽貨走人, 導致QQ及港股都出大陰燭, 幸好大媽今日突然掃入QQ, 未知是否想穩住股價來派貨, 明日食粥食飯睇QQ及上証

10月份莊家進入QQ, 推動港股尋頂, 當時空軍趁反彈不斷加沽, 累積龐大沽空, 10月尾莊家撤退, 拉港股落地獄, 業績股見光死, 進一步拖低大市, QQ向$440~450大位進發, 恒指亦會下破25000.24800...., 看來淡友想係QQ下周三(10/11)公布業績前以及聯儲局公布議息結果前盡量推低QQ