10~12/11 港股止跌回升

2021/11/10 21:41:09 網誌分類: 經濟

10 Nov

港股先低後高.單日轉向.貼價牛熊雙雙陣亡

10/11 周三恒指收24996, 升183點, 連升兩天

26/10見頂26235後轉勢向下, 4/11只彈一天又插過, 今次卻連升兩天, 好友終於作出大反擊, 全靠莊家掃QQ, 可惜港股成交只係略為增加, 並不配合升勢, 今日港股好淡大鱷大撼大, 勝負仍未分, 要繼續殺上去, 要一二千點升幅才能逼死淡友, 不過向上阻力重重, 如能上企25000, 下一個阻力在25200~25300(50.60天線), 跟住25500.25639.25800~26000阻力就更大, 26235是前頂, 要有利好消息才能上破,

港股技術指標略為改善, 如果大鱷本周唔想再創新低, 就要升穿今日高位25013來擴大周波幅, 如25200打回頭, 就要再下試24500, 不過中港股市同步尋底頂, 上証守得住今日低位3448不破底的話, 港股亦不應深潛, 阿爺好.港股好

過去兩周港股跌市日數超標, 本周要補漲, 不過本周已連升兩天, 按照慣性走勢未來兩天不會全升, 如能續升, 打破慣性走勢, 代表好友已奪回主導權, 會向25500進發, 今日港股表現跟早前所寫的劇本, 落到24500關鍵大位會有短炒淡友食胡, 推動港股反彈上25000, 27/10下跌裂口25795~25905有待回補

不過大淡友仍未放手, 推上去再加沽, 伺機再殺跌, 24500樓下牛牛仍肥, 25000樓上熊熊亦快高長大, 今日港股低見24481頭肩底雖然仍未確認, 不過已成功吸引買盤入局, 幫手推高大市, 明日港股表現看上証及QQ, 只要上証重上3500, 有望推動恒指上25000, 今個星期周線有望收升

QQ及國指齊齊重上10天線, 如恒指追落後就要再挑戰25000(10天線), 按照慣性走勢, 落後成份股亦要補漲上企10天線來撐指數

今日大鱷爆陰毒, 先插332點見24481創新低屠牛, 再彈上25013倒升200點屠熊, 好淡通殺, 本周24500~25000兩邊爆來擴大周及月波幅, 以閒閒地千點周波幅來看, 本周有望挑戰25500(24481+1000~1200=25500~25700), 下周就要上25800

~~~~~~~~~~~~~~~~~~~~~~~~~

道指恒指差距

今日港股一插即彈, 冇跟美股低收, 就係元帥早前所說的道指恒指差距超標, 一係美股跌, 一係港股急升追落後, 昨日差距高達11619點, 今日已收窄至11324點, 港股仍有望再上, 收窄兩者差距

10月尾展開的大跌浪QQ莊家不斷沽貨, 過去幾日已全面撤退, 但今日莊家突然再度進場大手掃QQ, 係港股倒升的功臣, 不過$480樓上沽壓大, 蟹貨多, 今晚公布業績後會否見光死呢？大媽會不會趁高走貨呢？ QQ業績前普遍估計業績會受監管政策拖累, 今日莊家失驚無神偷襲挾淡, 急升$19.6(4.224%)有古怪, QQ業績前爆升反而不妙, 可能係大鱷想預留回調水位, $146億成交係近期最多, 大鱷大手掃貨, 必有所圖, 順帶一提, QQ公布業績後就可重啟回購, 有助穩住股價

今日滬大媽走QQ, 深大媽掃QQ, 老外沽A股, 臨近周末獲利沽壓會增加, 美股被德師奶拖累正處調整勢頭, 亦會對港股構成壓力

今日係乾升挾淡, 美元急升港匯弱雞, 資金流仍不利港股, 幸好市場炒憧憬阿爺救市, 大鱷玩失驚無神挾淡倉, 空軍回補空倉幫手推高大市, 美股方面往往如有神助, 因為白宮及華爾街都唔想美股大跌, 所以低位會護盤, 美股的上升動力主要來自企業回購及業績亮麗, 股價愈升管理層的薪酬回報就愈多, 所以當公布業績後, 企業可以重啟回購, 美股就升到彭彭聲, 牛氣沖天

~~~~~~~~~~~~~~~~~~~~~~~~~

憧憬內房發債融資有望鬆綁, 內房報復式反彈, 推動港股先低後高, 單日轉向

今個星期港股玩左3日, 表現跟足網誌所寫的劇本, 大鱷抄橋

~ 周日(7/11)轉節氣立冬, 預示有大變, 估計本周大插破底下試24500後就會彈高, 因為24500短炒淡友或會食胡

~ 周一恒指跌幅罕有地細, 插穿24700似有買盤進場, 測市指標反映港股正醞釀反彈

~ 24500/25000牛熊通殺

~ 10月尾港股掉頭向下, 展開兩個多星期的跌浪, 從時間及跌幅來看, 快將迎來反彈

~ QQ沽空勁多, 公布業績前只要淡友隊落去回補空倉, 就會推高QQ

~ 本周不會只係周二升1天這麼少

~ 重上25000不難, 熊熊大幅下移, 要上山屠熊

~ 破底隊穿24633及24500來擴大周及月波幅屠牛

~ 當上証跌穿月初低位3477, 港股就會跟隨破底, 今日上証創新低3448, 恒指亦創新低24481

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

港股連升3天, 收復10及50天線

11/11 周四恒指收25248, 升251點

港股強勢連升3天, 已打破了尋底期間只升一天的弱勢, 亦上企多條平均線, 反映好友已奪回主導權, 尋底市變成尋頂市, 以周波幅計, 就要挑戰25500~25700, 25430係20天線, 25500係整數關口, 月初短頂在25639, 都會見阻力, 明日會有周末獲利沽壓效應, 內房連日爆升, 小心伸多一腳上去就要回, 恒指每周通常升2~3天, 已達標

今個星期周線收升已無懸念, 無論升跌浪, 港股都係裂口開出扯住去, 逼死對手, 早前識跌唔識升, 如今係連升, 日前說過美股愈強, 港股愈弱, 因為資金走晒去炒美股, 但近日美股回吐反而係好事, 港股價殘, 資金又返來炒港股

港匯弱勢持續, 熱錢流走, 大媽主力走貨, 牛肥熊瘦, 會拉住港股後腿, 所以大鱷一路推升一路詐死, 去到阻力大位就扮見頂引熊熊淡友入局, 來彌補放生牛牛的損失, 近日熱錢不斷流走, 但港股仍能連升3天, 代表好友佔上風, 逼淡友回補空倉, 幫手推高大市

老外極速變臉, 昨日互聯互通老外大手狂沽A股(流走84.28億元), 今日剛好相反, 係大手掃A股, 流入金額高達123.74億元人民幣, 為近3個星期以來最多, 係推高中港股市的功臣, 上証大升40點, 收3532, 上証企穩3500, 港股亦上企25000/9000水平, 中港股市同步尋頂, 當上証見頂回落, 港股就會腳軟

昨日插穿24500低見24481隨即拗腰上企24996收, 今日再衝上25324, 代表假跌穿24500係為了殺好倉牛牛, 所以低位一瞬即逝, 中港股市彈高係因為阿爺開六中全會, 市場憧憬監管措施有望鬆綁, 放水俾企業過年關

今日輪到海底撈配股籌24億元, 港股一插即彈係有不同原因, 港股雖然牛肥熊瘦, 但不能單看牛熊分布及倉位, 大行有任務在身, 所以踢高大市, 近來配股活躍, 港股唔跟美股跌係道指恒指差距收窄效應, 昨日港股V彈, 今日再踢高, 才能逼淡友回補空倉, 進一步推高大市, 今早一度倒跌可能係震牛引熊, 因為貼價熊太瘦, 大鱷想養肥才開餐

~~~~~~~~~~~~~~~~~~~~~~~~~~~~~~~~~

大鱷好淡通殺的部署

早已預測本周港股大插後會掉頭向上, 理據已在過去早前網誌詳述

一直說隊落24500後就會彈高, 上企25000不難, 周日轉節氣立冬, 預示有大變, 周一恒指僅跌106點, 創4個月以來最細周一跌幅，如果大鱷想本周插到落24000, 周一不應跌這麼少, 因為要插就應拿拿臨係周三QQ公布業績前出手

3/11低見24808, 再磨多5個交易日, 10/11才創新低見24481, 以大鱷的能力, 24808碌落24481理應一日就搞掂, 為何拖5日到QQ公布業績前才插穿24500創新低?

V彈的時間上亦配合六中全會, 大鱷唔會理會議內容, 總之阿爺開會, 大鱷就會放風內地放寬監管政策, 大鱷亦會大手掃貨來配合, 令股民深信不疑, 如此一來, 好友就會追貨, 淡友就會補空倉逃命, 齊齊推高大市

今日沽空比率創兩個月新低, 港股見短底, 彈得唔算高, 仍有上升空間, 本周會挑戰25500~25700, 加上阿爺彈高高, 淡友縮手

~~~~~~~~~~~~~~~~~~~~~~~~~~~~~~~~~

港股成也QQ.敗也QQ

今日大媽掃入內房, 沽QQ美團中移建行工行, 小心明日大媽繼續走貨, 會拖低大市, 昨日QQ爆升$19.6收$483.6, 今日卻逆市下跌, 收$477.6, 其實昨日QQ只得少少莊家重新進駐, 爆升似係挾淡, 今日上升動力已轉弱, 早前港股尋頂, 大鱷及大媽於$490樓上表面上不斷推升, 其實買盤縮, 沽盤增加, 係高位派貨, 推到上$515即掉頭插, 以收市計$500樓上只係企5天就失守

QQ公布業績後大媽狂沽貨, 導致QQ逆市下跌收陰燭, 後市要看QQ會否回購股份, 今日QQ底頂上移, 同港股走勢一致, 反覆尋頂格局, 當QQ見頂回落, 或者跌穿$466/$467, 就要小心港股已升到水尾, 只要守住$466, 代表港股尋頂之旅未完

大媽買賣QQ係神經刀, 完全無路可捉, 滬深大媽有時係一買一賣, 昨日於QQ公布業績前大媽竟然掃貨(可能係挾淡), 今日卻大手沽貨, 將過去幾日入的QQ全數沽出, 再沽突10.9億, 今日沽出價位明顯低過昨日, 真係莫名其妙

8/11 低見24633, 滬深大媽合共掃10.5億元QQ

9/11 低見24678, 滬大媽買1.7億元QQ, 深大媽沽4.3億元QQ

10/11 低見24481, 滬大媽沽1.5億元QQ, 深大媽入6.4億元QQ

11/11 高見25324, 滬深大媽合共沽29.5億元QQ

~~~~~~~~~~~~~~~~~~~~~~~~~~~~~~~~~

內房報復式反彈

中港股市同步尋底頂, 上証今日彈高重上3500水平, 推動恒指上企25000, 衝上25324, 仍未有見頂跡象

昨日上証創新低3448, 只要守得住不破底的話, 港股亦不應深潛, 近日資金炒放寬監管內房政策, 屋仔強, 就會撐住大市

~ 中國政府擬售恒大資產予內地公司

~ 恒大據報寬限期屆滿前支境外美元債息1.48億美元

~ 市場傳出內房央企建議就地產收併購調整「三條紅線」指標

~ 華爾街日報報道，人行正考慮允許買家在不影響自身負債率的情況下接管財困房企資產

~ 彭博報道，有美資大行資產管理部門正在吸納內房債

~ 內地《證券時報》報道，中國銀行間市場交易商協於11月9日舉行座談會，市場憧憬房地產企業境內發債政策會放寬

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

恒指繼收復10.20及50天線, 進一步收復60天線

12/11 恒指收25328, 升80點, 連升4天

轉節氣立冬的威力

周日(7/11)轉節氣立冬, 預示有大變, 結果港股先低後高, 全周收升, 結束連跌兩周的弱勢, 今日收25500之下, 有助降低下周收升的難度, 周三(10/11)見底24481, 按照慣性走勢, 無論升跌, 每段行情閒閒地1~2個星期反覆推進, 所以下周會升穿今日高位25527, 亦要下試25000(10天線)來擴大周波幅, 向上阻力25500.25639.25800~26000

過去20年的11月, 恒指11升9跌, 過去4年, 恒指3升1跌, 去年11月係收升月, 10月恒指收25377, 如11月收升, 就會收於其上, 今日收25328, 受制於20天線, 目前淡友沽空略為收斂, 可能等彈高些才出手, 上証連升兩天, 收3539, 升6點, 上証通常連升2~3天就回吐, 向上阻力3550, 下周五(19/11)中美股市期結

大鱷真陰毒, 操控港股如入無人之境, 今個月玩左10個交易日, 恒指5升5跌, 高低位24481~25639, 月波幅1158點仍未達標, 今日收25328, 上月收25377, 騰上騰落,好淡通殺, 結果返回原點, 國指今日收9114, 上月收8961, 明顯高過上月收市位, 反映國指比恒指強, 內房報復式反彈係升市功臣, 本周內房爆升, 就要小心下周會回吐

依家仍是11月上旬, 大鱷不急於做大頂, 見沽壓大, 今日刻意壓住升勢, 略為突破25500做夠千點周波幅就縮手(過去三周恒指周波幅900~1100點), 大鱷想預留多些水位俾下周, 今日高見25527即回, 係試水溫, 因為昨日見25500~26000熊唔夠肥, 削弱本周殺上25800的誘因, 大鱷用拖字訣, 俾時間熊熊入局, 亦俾時間牛牛上移, 回顧日前下破24500都係有超肥牛才隊穿,

恒指全周累升457點或1.83%，科指全周累積升幅4.6%, 今年科指通常連升3~4日就回吐, 最長只係見過兩次5連升, 目前科指已連升4日, 按照慣性走勢, 科指下周一或周二就會跌, 不過北交所下周一(15/11)開市，將會有10家公司在當日集體上市

~~~~~~~~~~~~~~~~~~~~~~~~~~~~~~~~~

本周出現很多反常現象

美元爆上95水平, 本應利淡新興市場股匯, 但今次亞太區股市卻彈高, 人民幣亦企定定, 仍處於強放, 竟然冇大插, 不過如美元及債息續升, 始終會對股市構成壓力, 熱錢流走, 港匯仍弱,

金價不受美元升跌影響, 連日上升(炒通漲), 金股破位而上,

美國十年期債息守住1.4%拗腰向上, 再度挑戰1.6%, 科網股竟然冇反艇, 納指亦係跌唔落, 低位見買盤

牛熊分布係 65%牛 VS 35%熊, 但港股卻大彈高食小熊, 放生肥牛, 正常市況牛多熊少係合理, 但牛大幅多過熊的話, 大鱷就頭痕, 假如大鱷仍想推升, 多係營造見頂的假象, 例如高開即插來震牛引熊, 又或者上到阻力位就掉頭急回, 總之就係畫陰燭, 另一個方法就係放風, 傳出利淡消息嚇走好友, 引淡友入局, 養肥就爆升

以往大鱷放生遠牛, 都係等貼價近牛出世才殺, 過去10個交易日高低位24481~25639, 牛牛企24500之上的話, 唔洗破底都食到, 不過24600~24800好友會守關

國家主席習近平與美國總統拜登, 本港時間16/11早上舉行視像會面

~~~~~~~~~~~~~~~~~~~~~~~~~~~~~~~~~

QQ莊家的威力

10/11恆指創月內新低24481，當天低開高收，單日轉向，靚仔

10/11港股一插即彈皆因有小莊家突然掃入QQ，推動QQ急升$19.6收$483.6, 重上10天線

11/11有少量QQ莊家踢上$480.2沽貨食胡，導致QQ收跌, 收報$477.6

12/11有莊家再度進場掃入QQ，推動QQ急升上$491.4，收$485.2

回顧10月中QQ爆上$500, 20/10高見$515就係莊家踢上去派貨

換句話說，QQ莊家入場目的就係推上去$500樓上，$515, $520~$530就係前頂阻力位, 要QQ挑戰$500, 才能扯住港股上, 問題昨日滬深大媽狂沽QQ, 今日繼續大手走QQ, 拉住港股後腿, 港股.QQ及內房今日收假陰燭就係要消化急升後的獲利沽壓

QQ連續兩日收陰燭, 莊家已進場, 只要QQ莊家一掃貨就會急升，莊家一沽貨就會急跌

~~~~~~~~~~~~~~~~~~~~~~~~~~~~~~~~~

配股潮

昨日提醒淡友, 大行要撐住大市來配股, 昨日剛宣布海底撈配股23.3億元, 今日就輪到融創中國及融創服務配股, 合共涉資最多65億元, 怪不得今早內房及港股回吐, 午後拗腰倒升, 就要想推高股價來配股

今日港股理應收跌, 才符合慣性走勢, 就係因為配股, 所以大行做市, 夾硬推升, 年尾企業水緊等錢用, 亦想趕及今個年度盤數, 估計配股活動陸續有來, 股民持貨要睇路, 內房急升後獲利會大增

過去10個交易日, 當中有7天國指比恒指強, 內房報復式反彈帶動中資股急升, 本周內房大升約16%, 皆因10月尾及11月初連續兩周急瀉, 如今借阿爺放寬監管政策的傳聞來抽升挾淡, 估計下周獲利沽壓會湧現, 內銀亦有可能要硬食內房的壞賬, 所以大媽密密沽內銀股

~~~~~~~~~~~~~~~~~~~~~~~~~~~~~~~~~

過去一個月大鱷操控港股上落的手法係一模一樣

聚頂

10月中重陽節假期復市後, 恆指強勢四連升,20~26/10於26200附近磨咗5日, 當時全城向上望, 認為會挑戰前頂26560再殺上27000, 當好友埋晒位, 27/10就大插409點, 跟住日日跌

大鱷的手法係高位横行聚頂, 等好友埋晒位, 震熊引牛, 然後失驚無神掉頭向下大插

築底

5~10/11於24800穿梭磨咗4日, 當時全城向下望, 認為會下試24000甚至跌穿前底23681, 當淡友埋晒位, 10/11就玩大插332點後單日轉向,倒升收市, 跟住日日升

大鱷的手法係低位横行築底, 等淡友入局,震牛引熊, 然後失驚無神掉頭向上急升

=====================

業績公佈
2021-11-10 00700 騰訊控股.領展房產基金
2021-11-11 00981 中芯國際.華虹半導體.瑞聲科技
2021-11-16 03888 金山軟件.京東集團.百度集團.網易
2021-11-17 09626 嗶哩嗶哩.阿里巴巴
2021-11-18 01093 石藥集團
2021-11-22 00780 同程藝龍
2021-11-23 01024 快手.小鵬汽車
2021-11-24 00241 阿里健康.中國動向

============================

上証.港股通常係同步尋底頂, 港股能走多遠看上証

周五(19/11)中美股市期結

拜登感恩節前決定下任聯儲局主席人選

周四(25/11)感恩節美股休市

內地遊戲版號傳或近期恢復審批

拜登擬外交抵制明年北京冬奧

與美國參議員桑德斯隔空開火, 馬斯克提議再售 Tesla 股票

耶倫表示正考慮降低對中國徵收進口商品部分關稅

本港時間周二(16/11)上午, 中美元首舉行視像峰會