15~17/11 港股不進則退

2021/11/15 20:43:08 網誌分類: 經濟
15 Nov

港股不進則退

15/11(周一)恒指收報25391, 升63點, 連升5天

按照慣性走勢今日科指應收跌, 不過未來幾日係科企公布業績高峰期, 大鱷於業績揭盅前踢高挾淡及派貨, 因而扭曲了慣性走勢, 科指連升5天, 平了今年最長連升記錄, 正路明日獲利沽壓會增加, 假如明日竟然續升, 就創了今年最長連升記錄,

今日恒指高見25483, 未有升穿上周高位25527, 尋頂市每周都會有新高, 正路本周港股會向上突破, 升穿上周高位25527, 挑戰25800關鍵大位, 27/11下跌裂口25795~25905阻力大, 不易突破

今次升浪港股升得唔健康, 投資者換馬輪流炒作, 不願大舉全面掃貨, 北水大媽持續減磅, 導致港股成交持續萎縮, 成交細方便大鱷將港股舞高弄低, 由於科企沽空特別多, 大鱷就睇住來殺, 挾淡推升, 不過要留意的是, 以往當港股/科指連升斷纜, 沽壓就會加劇, 因為連升透支了升幅, 獲利沽壓特別大, 如出現大跌就係見短頂訊號

只要QQ守住近日低位, 代表港股尋頂之旅未完, 如見QQ跌穿上日低位, 就係警號, 港匯突然轉強, 疑似熱錢流入, 人民幣亦強勢

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

好淡通殺格

16/11(周二)恒指收報25713, 升322點, 連升6天

今日港股破頂, 創月內新高25746係大鱷想逼死淡友, 只要淡友投降大市就會回吐, 港股好少全周日日升, 隨時會作出調整, 見連升6天也不要凈係向上望, 因為透支了升幅反而唔係好事, 升過龍就會嘔, 今日剛好去到阻力大位25800關口, 小心連升斷纜沽壓會加劇, 科企急升亦會急跌, 業績前炒高的股份要慎防見光死

上証.港股通常係同步尋底頂, 如上証仍受制於3550~3560, 亦會拉住港股後腿, 今日QQ高見$509見龐大沽壓(前頂阻力$515), 皆因大媽繼續密密狂沽QQ, 今日高低位$494.2~$509, 要留意底頂上移走勢會否有變, 對港股後市具啟示作用, 莊家掃貨就會急升, 莊家沽貨就會插水, 今年QQ最長連升4天, 如今已是三連升, 好友要睇路, 今日元帥博反彈貨已跟隨大鱷沽貨減磅

牛熊分布仍然係牛多熊少 62% VS 38%, 拉住港股後腿, BB牛剛出世, 不斷上移, 目前在25247, 熊熊在25748, 牛熊都貼價, 期指未平倉合約凈數大減, 未知是否好友食胡, 因為由低位已反彈近1300點, 夠水位俾大鱷轉身, 昨日港匯突然轉強, 但港股成交未見增加, 反映熱錢並非大舉炒港股

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

恒指科指結束六連升, 熊死牛命危, 部署下殺屠牛

17/11(周三)恒指收報25650, 跌63點

今日恒指終於收跌, 連升斷纜利淡, 過去3日推升, 港股都係高開, 但今日卻低開, 而且收陰燭, 違反了尋頂期間的慣性走勢, 上証收升, 並以全日最高位收市, 但港股卻收跌, 應跟升卻不升, 利淡, QQ及阿里見外資沽貨手影, 大媽繼續沽QQ, 散戶高追接貨, 唔係好現象,

港股沽壓未除, 唔少股份跌幅都大過指數, 大鱷利用QQ掩護派貨, 昨日見淡友投降, 大市今日就跌, 大鱷睇住來殺, 正趴街, 唔少財演分析都凈係向上望, 見QQ重上$500就對大市過份樂觀, 要小心淡友玩偷襲, 內房等中資股密密配股抽水, 評級機構下調多隻內房評級, 內房上周急升後本周沽壓大增, 拖低大市

通常大反彈浪見近牛出世, 就代表港股已升到尾聲, 今日初生BB牛進一步上移至25327, 25000~25327有肥牛約1350張, 要買定官才, 可能係受習拜會刺激, 周一二熱錢流入, 令港匯突然轉強, 不過只得兩日貨仔, 今日熱錢開始流走, 怪不得恒指連升斷纜, 沽壓大增

其實今次港股由24481展開的反彈浪係靠乾升挾淡, 成交並不配合升勢, 好難單邊向上, 對於大鱷來說, 細成交的市況抽升殺跌係易如反掌, 今日港股指數表面上跌幅不大, 但所有分類板塊都收跌係好少見, 代表跌幅全面, 沽壓沉重, 今日港股成交急降, 大龍鳳先兆, 沽空比率為11/11以來最高, 淡友出手了

昨日恒指創新高25746, 假如本周收升, 今日理應順勢再創新高, 但卻冇破頂, 如收跌周, 未來兩日就會跌穿周一低位25230, 今早恒指開市位已是全日高位, 一開即插, 尾市收窄跌幅, 收市僅跌63點, 指數跌幅雖然不大, 但所有板塊全面下跌, 不是很奇怪嗎? 假如明日會創新高或造好, 今日就不會走得這麼急, 沽空亦突然增加, 代表港股有暗湧, 國指不但跑輸恒指, 亦罕有地連續兩日登上五大沽空榜, 係利淡訊號

唔少財演及技術派都非常樂觀, 大叫26200~26300, 甚至27000, 全部都凈係睇住港股幅圖, 但卻忽略了中港股市同步的因素, 回顧10月尾恒指見頂26235那天, 上証亦係同步見頂3625, 換句話說, 要恒指上26200, 就要上証殺上3600, 但目前上証仍處3550之下, 美元及債息高企, 大媽不斷走貨, 連老外都沽A股, 中美股市近日都冇創新高, 港股又豈能獨自去偷歡呢?

近期港股大反彈, 已令道指恒指差距由約11600點大幅收窄至10500點, 恒指追落後已到水尾, 今年QQ最長連升4天, 升埋今日剛好是四連升, 好友要睇路, 當QQ回落, 就會拖低大市, 明日阿里公布業績, 近日阿里沽壓沉重, 人人都擔心阿里見光死, 沽空急增

最新回應

soho*
soho* 2021/11/27

多年前逛街時聽到這首歌,唔知歌名,亦聽不清歌詞 ,來不及錄音,  回家後 打電話去唱片舖,將旋律哼出來, 店員就告知我這首歌的歌名,當時十分開心, 如獲至寶

soho*
soho* 2021/11/27

我超喜歡這首舊歌 {#icono0_25}

https://youtu.be/jwtkZ7oTv1o

soho*
soho* 2021/11/27

冇得外遊, 只好飲飲食食, 今日午膳繼續試其他區域的酒樓,晚上就去光顧強記乳鴿,都係未幫趁過,貪有新鮮感,睇見個菜牌已經好開心,流哂口水

外出飲食肥膩,擔心有壞膽固醇,幸好驗血冇事,繼續食食食

{#iconb_31}

soho*
soho* 2021/11/27

呢種氣溫外出跑步或散步真係好正