港股熊市深潛期

soho* 2021/11/26 21:01:51

以往1月開年港股靚仔, 其中一個原因係受內地年初發行港股新基金的買盤所推動, 但今年下半年連內地的港股基金都沽貨撤退, 有些係止蝕走, 那麼明年(2022年)1月仲有冇1月掃港股彈高呢支歌仔唱呢?

~ 阿爺監管政策沒完沒了

~ 美資+外資減持港股, 減少炒港股

~ 港股印花稅嚇走大媽.外資及高頻交易商

~ 我一直唔信港股熊市大底已出現, 因為只係跌七個多月時間上未達標, 跌幅亦略嫌不足, 12月及1月可能會繼續尋底

~ 去年31/12道指收30606(目前收35804) / 納指收12888(目前收15845), 明顯大幅高過去年收市位, 拜登上任首年彈高效應已過, 美股上升空間細, 下跌空間大, 美股高處不勝寒

~ 12月中聯儲局議息, 收水的話, 匯債必定會有反應

~ 1月中美企公布業績(唔知有冇記錯日子), 一個月前係股東禁止買賣期, 而美股唔跟技術指標屢創新高其中一個原因就係受企業不問價高追回購買盤所推動, 12月中開始冇左回購買盤撐市, 美股就危, 假如美股回落, 就會推港股落山

~ 去年上証收3473, 史哥曾說上証今年輪到收跌, 即係收3473之下(今日收3564), 如果12月下旬中美股市反艇的話, 基金經理放聖誕及新年假期, 港股點算?

~ 今年炒高全球股市的其中一個利好因素係疫苗可有效應對新冠疫情, 不過如今南非來個新變種病毒, 市場或會擔心現時的疫苗未必有效, 憂慮會打擊經濟復蘇,

熊市未完續尋底, 失守24000, 向下23500.23000.22500.22000...  500.1000點級級落

熊市

我對港股後市的看法和理據已經係過去兩周的收市總結網誌詳述, 月中於25500附近已說走貨博破底, 若然大家目前仍重倉港股或持有好倉, 可能係長線投資者, 如果係短炒就代表冇細閱網誌, 遺漏了重點, 建議重溫,

要不是港股大插, 我都唔知呢度有這麼多好友, 原來我寫文唱淡你地當我係燈, 其實就算唔信元帥, 亦應該睇下元帥唱淡的理據, 再自行分析

其實月初恒指做第一個底24481之前我已經話第一次隊穿24500會扮頭肩底(因為全城渴望)急彈來派貨, 以及引好友入局, 見頂後就會隊穿24000向前底進發, 做雙底才是大鱷的真劇本, 元帥已一再強調, 以大鱷的習性, 不可能會放生肥牛, 11月份牛牛大部份時間都維持12000~14000張的驚人數量,

9月時唔少基金經理都推算會見23000~23200, 結果10月初低見23681就反彈, 留低條尾巴, 因為恒指年波幅未夠8000點是後患,

今年頂部31183在18/2出現, 5/10低見23681, 其後我多次說過唔信熊市只得8個月這麼快結束, 估計熊市大底仍未出現, 仍會有新低

日前我提問有關中港美股, 結果只得很少回應, 想知港股後向就要先分析中美股市, 不能只睇港股, 如果擔心12月危, 即係港股破底危機未除, 無論點彈, 最終都要落地獄

~~~~~~~~~~~~~~~~~~~~~~~~~~~~~~~~~~

恒指高低位/月波幅

7月24748~28859 月波幅4110點
8月24581~26822 月波幅2241點
9月23771~26560 月波幅2789點
10月23681~26235 月波幅2554點

11月xxxxx~25746

如跟8~10月的月波幅 2200~2800點

11月下跌目標(不是12月)

25746(頂) - 2200~2800 = 23550~22950

我一直估港股於20號之後仍會有新低, 因為唔理今年上旬6個月, 凈係睇過去4個月, 恒指早前高低位24481~25746, 月波幅只得1265點, 以大鱷的胃納, 根本唔夠飽, 就算跌到去上周五的24062, 月波幅亦只係擴大至1684點, 仍然未夠數

目前不應睇未來一兩天(29~30/11)港股的走勢這麼短視, 而是要估算12月及1月的形勢, 如果跟隨每月都有新低的慣性走勢, 未來兩天就會插穿23681, 那麼順勢12月是否亦要跌穿11月低位再創新低呢?

早前恒指隊到落24481, 扮頭肩底作出大反彈, 見頂25746後再插, 今次下試10月底部23681後會不會又扮雙底彈番上去, 見頂後再落地獄呢? 大鱷亦要預留水位俾下個月

要看未來兩日淡友肯唔肯食胡, 明日中午睇下沽空比率如何,

再睇遠些, 12月下旬美股失去回購的大水喉會如何? 明年1月內地會否發行新港股基金? 大媽這麼多年以來持有重倉港股, 如果受到(今年突發的)加股票印花稅以及阿爺的嚴厲監管政策而改變對港股的部署, 傾向減磅, 港股又會點走? 要想通這幾方面, 才能作出分注買賣及倉位部署,

港股最大問題係QQ, 月中踢上$509, 隨後幾日我話莊家正在陸續沽貨撤退, 其後我再提醒大家莊家已走光, 跟住QQ及港股就反艇, 見我報道QQ莊家動向, 當時好友淡友就應行動, 我亦多次提及$509見頂, $453.4就危

11月下旬:

歐洲疫情惡化, 日美據報最快本周公佈釋出石油儲備, 油價連跌4周, 為去年3月以來最長跌浪, 相關股份反艇不利道指及中港股市, 港匯走弱, 美元高企, 咬住96水平, 成為淡友的後盾, 近日內房出現大反彈, 空軍隨即加沽, 內房下殺危機未除, 內銀內險硬食內房壞賬, 美國十月份通賬率高達6.2%, 創31年新高,

過去幾個月多次提及阿里, 冇莊家, 沽空及蟹貨多, 亦說阿里係一隻好邪門的股份, 質素雖然唔差, 但第一次上市輸死人, 陰氣重, 再度上市繼續輸死人, 不炒也罷, 英鎊弱拖低匯控, 美團業績差, 阿里有病, 港股跛左幾隻腳, 淡友佔上風, 所以每次大反彈約千點就腳軟, 重拾跌勢, 當港股破底, 斬倉盤出籠, 跌勢就會加劇,

我一直唔信港股熊市玩8個月這麼短就結束, 熊市的大底未必係11月尾的23175, 利淡港股的因素十隻手指都數唔晒, 外資沽貨撤退係主力殺跌的因素 「科技女股神」伍德(Cathie Wood)表示，憂慮中國持續打壓部分大型企業，決定暫緩在中國市場加倉, 又係利淡消息

24000的恒指市帳率略低於1倍, 估值偏低, 但插穿落到荀價竟然一沉不起, 正常市況應一插即彈, 但市場普遍認為未見底, 洗倉走鬼市沽壓大, 買盤縮, 25000一去不復返, 隊穿24000, 500點級級落, 向下無險可守, 23500.23000.22500.22000.... 冇貨見再大插分注向下買, 如早前冇在高位走貨, 重倉想避險就要趁反彈減磅, 因港股仍未有見底訊號, 下殺危機未除, 仍有下跌空間,

唔少基金經理對港股意興闌珊, 減了港股持倉, 年尾收爐已不願冒風險再入貨, 削弱港股低位的承接力, 港股有災味, 深不見底, 後市不妙, 10月初恒指創低位23681後, 元帥已不斷說今年仍會有新低, 年波幅未達標, 熊市閒閒地玩10~12個月, 2月中見頂, 怎麼可能10月初已見大底呢? 時間及下跌幅度都未夠數噢! 以熊市來說, 估計呢隻熊要玩跨年, 唔似今年收工