11月下旬港股底頂下移續尋底

2021/11/18 23:56:13 網誌分類: 經濟
18 Nov

港股市況逆轉, 連跌兩日, 底頂下移, 失守20天線, 部署下殺肥牛

18/11(周四)恒指收報25319, 大跌330點

點升上來就點落番去.好淡通殺

本周初突然流入的熱錢推動港股向上, 但今日熱錢再度流走, 可能係今日港股急跌的主因, 周二說期指未平倉凈數大減, 可能係好友推上25746食胡, 如今看來真係好似, 由10/11低位24481反彈至16/11高位25746, 升幅1265點, 已夠水位俾大鱷轉身

今日空軍加倉, 沽空又爆燈, 高達17.59%, 為10月中以來最高, 大淡友出手, 後市必插, 恒指周波幅未達標, 要隊穿25000來擴大周波幅, 下試24800的支持力, 如失守, 就要見24500.24000來擴大月波幅

於尋頂勢頭當中收跌超過200點係見頂訊號, 今日暴跌代表大市轉勢向下, 早已說過連升斷纜就會嘔, 扮頭肩底推番大市上去, 震熊引牛, 牛多熊少是後患, 今日果然急瀉屠牛, 今日港股已失守20天線, 淡友已奪回主導權, 本周收升好夢成空, 10.50.60天線危

早前寫11月的劇本係第一次下試24500(結果低見24481)會守得住, 引好友入局, 彈上去造頂, 然後再插就守唔住, 要落去24000向前底23681進發, 今年目標要見23000~23200, 甚至更低, 大鱷的真正劇本係做雙底而不是頭肩底

上周展開的連升令全城看好, 當好友埋晒位, 淡友止蝕, 大鱷就玩變臉, 通常千多點就轉向, 結果高見25746就掉頭向下, 目的係好淡通殺, 大鱷睇住來食, 連續幾日扮跌唔落引好友入局, 當牛牛大幅上移至25000樓上, 大鱷就出手殺跌, QQ底頂下移, 與港股見頂回落係同一步伐, 空軍加沽阿里, 日日上五大沽空榜, 阿里業績差, 今次淡友肥仔, 科企業績是港股殺跌催化劑, 阿爺監管政策反映在業績上, 科企弱, 港股不會好

真奇怪, 近日QQ有莊家進駐, 正路表現不應太差, 但今日卻反艇, 收跌收陰, 原來莊家及大媽齊齊沽QQ走人, QQ莊家撤退係港股見頂訊號

月波幅 VS 恒指11月下跌目標

25746(頂) - 1500(特細月波幅) = 24250

25746(頂) - 2000~2200(一般月波幅) = 23550~23750

25746(頂) - 2800(特大月波幅) = 22950

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股連跌3日, 底頂下移續尋底

19/11(周五)恒指收報25050, 大跌269點

恒指大幅低開385點後跌幅擴大, 不過午後市傳中國監管機構放鬆房地產開發貸款, 內房由大幅低開1.29%倒升2.47%收市, 逆市高收, 全靠地產板塊倒升穩住大局, 恒指由大跌494點拗腰, 收市僅跌269點, 老外大舉掃A股, 係升市功臣, 上証低開高收, 單日轉向, 近全日最高位收, 報3560, 升39點, 推動國指跑贏恒指, 滬深大媽繼續沽QQ減磅, 今日內地股市結算, 今晚美股期結

歐洲疫情惡化, 日美據報最快本周公佈釋出石油儲備, 油價連跌4周, 為去年3月以來最長跌浪, 相關股份反艇不利道指及中港股市, 港匯走弱, 美元高企, 咬住96水平, 成為淡友的後盾, 近日內房出現大反彈, 空軍隨即加沽, 內房下殺危機未除, 內銀內險硬食內房壞賬, 美國十月份通賬率高達6.2%, 創31年新高,

以大鱷的風格, 惡毒的心腸, 唔似會大發慈悲放生24500樓下肥牛, 不過唔知11月尾殺, 抑或結算後才殺, 而近近地, 24500~24813目前有肥牛約2800張, 亦非常吸引

港股沽空連續兩日爆燈, 必有一插, 過去一周沽空比率愈來愈高, 怪不得周三四五港股掉頭回落:

沽空: 周五16.94%, 17.59%, 14.96%, 12.99%, 周一12.8%

今年恒指有一個慣性走勢, 就係該月創月內最低位後, 隨後的一周必升, 但10/11創新低24481後, 跟住的一周卻收跌, 既然冇收升, 就代表24481未必係11月底部, 20號之後要隊穿24481創月內新低來擴大月波幅, 過去5周恒指周波幅900~1100點, 周五(19/11)收25050, 以周波幅計就要隊穿24800關鍵位, 周一(22/11)轉節氣小雪, 預示有大變, 反彈浪結束, 展開跌浪, 以大鱷的胃納, 目前約1300點月波幅根本唔夠飽, 所以我一直唔信11月炒超細月波幅, 隊穿前底24481機會非常高, 只要破底, 斬倉盤出籠, 跌勢就會加劇, 24000就危危乎

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股失守所有平均線, 部署下殺肥牛

22/11(周一)恒指收報24951, 跌98點, 連跌4日

臨危托沽

上証承接上日升勢, 今日高開高收, 一升到尾, 近全日高位收, 報3582, 升21點, 強勢連升兩天, 內地股市大升有大成交配合, 全靠阿爺生性, 港股跌幅收窄, 低見24870, 不過以周波幅計, 不可能守得住24800, 向下每百點都有肥牛, 要買定官才, 今日轉節氣小雪, 預示有大變, 不會跌這麼少, 未見底, 上周五公布港股大執位, 要迎接京東網易華潤啤酒等幾隻新貴, 美團QQ匯控阿里建行工行等多隻權重股都要減比重, 沽壓理應會增加,

老外掃A股, 大媽沽港股, 人民幣強勢, 上升52點子, 報6.3759, QQ有少少莊家睇場, 加上大媽想高位減磅QQ, 兩股力量托住QQ唔想佢深潛, 可惜每當QQ上$490買盤縮.沽壓增, QQ莊家進一步減少, 連莊家都食胡撤退, 配股潮[今次輪到恒大汽車(#708)]下, 大行托住大市來配股, 上証力守3500, 重上3550大位, 京東染藍連日見買盤, 納指高企不下, 破頂而上, 美國十年期債息跌穿1.6%, 歐洲疫情升溫利好宅經濟股, 撐住科企, 抵消阿爸反艇的利淡消息,

過去幾個月多次提及阿里, 冇莊家, 沽空及蟹貨多, 亦說阿里係一隻好邪門的股份, 質素雖然唔差, 但第一次上市輸死人, 陰氣重, 再度上市繼續輸死人, 不炒也罷, 英鎊弱拖低匯控, 港股已經跛左一隻腳, 阿里係權重股, 港股又跛了一隻腳, 淡友得勢, 今日見上証急升, 靚爆鏡, 淡友忍忍手未推港股落山, 等美股上証見頂回落大跌, 淡友就有藉口出手

道指連跌3日, 走勢轉弱, 納指屢創新高, 但技術指標跟唔上, 美股同港股一樣, 後市必有一插, 美股上周力撐高位, 係想挾屎淡友來結算, 上周五美股結算完, 撐市誘因下降, 拜登提名鮑威爾連任聯儲局主席, 布雷納德任副主席, 周四美股感恩節休市, 港股自由行

牛多熊少拉住港股落山,24400~24813有肥牛約4400張, 港股又玩日日跌, 不過港股有阿爺做後盾, 當大鱷食飽肥牛就會上山, 要插得愈深, 出現恐慌性拋售, 淡友食胡回補空倉, 港股才會彈高, 今日大鱷玩扮跌唔落來派貨, 以及引好友入局, 沽空高企, 收市U盤走低, 代表港股下殺危機未除, 以收市計, 要看好友能否守住24600~24800支持區, 如收於其下, 代表好友已陣亡

由2月恒指見頂回落以來, 恒指每月最後6天升跌統計:

3升3跌 ==> 5次
2升4跌 ==> 2次
4升2跌 ==> 2次

按照以上慣性走勢統計數據, 由明日(周二)起, 即11月最後6天, 正常市況恒指會升2~4天, 市弱升2天

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股繼續尋底屠牛之旅

23/11(周二)恒指收報24651, 跌299點, 連跌5日

熱錢洗倉式撤退

拜登提名鮑威爾連任聯儲局主席, 令美國加息預期升溫, 美股彈散, 納指急挫202點, 今日美期續跌, 美元急升上企96.5水平, 熱錢加速流走, 港匯進一步走弱, 收報7.7944, 拖累恒指創本周低位24618, 周三四五係創周低位的時間窗口, 預示明日會跌穿今日低位24618來擴大周波幅, 24500係超級大位, 如果好友要畫複式頭肩底, 就要守住前底24481, 如破底, 斬倉盤出籠, 跌勢就會加劇

上周恒指爆上25746創月內新高, 見好友食胡手影, 港股隨即接連失守所有平均線, 技術指標全面向淡, 唔少指標股都創近日收市新低, 破位而下

QQ終於插穿$480, 低見$479, 為12/11以來最低位, 昨晚美國十年期債息急升上1.634%, 不利科企, 嚇到QQ莊家走光了, 怪不得QQ反艇, QQ未見底, 港股亦未見底, 不過港股已連跌5天(上次最長七連跌), 唔少股份都超賣, 港股亦已偷步跟美期下跌, 只要美股不深潛, 再隊落去淡友或會食胡回補空倉, 有助推動港股向上, 有分析指感恩節前美股表現通常不會太差, 未來幾日要部署下周一結算位, 按照慣性走勢, 未來5天不會全跌, 按照慣性走勢, 月尾恒指最少都會升2天, 不會日日跌

老外連續三日掃A股, 推動上証走高, 挑戰3600關鍵大位, 如能上企, 有助穩住港股, 上証收3589, 連升3天, 創近一個月新高3598(前頂3625), 上証強勢站穩3550水平, 不過亦要慎防會有回吐

過去3個月恒指月波幅約有2200~2800點

11月頂25746 - 2200~2800 = 22950~23550(11月份底部範圍)

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

24/11(周三)恒指收報24685, 升34點, 結束五連跌

底部下移.24500好淡角力

恒指由跌94點低見24557一度拗腰倒升200點高見24851, 回補了部份昨日的下跌裂口24794~24870, 港股彈散, 可能係好友踢上去逃命, 因為本周係收跌周, 仍未見底, 亦有可能係俾時間BB熊熊出世, 因為今日24850~25300 BB熊登場, 港股衝高回落就吸引了逾400張BB熊入局, 上周展開的跌浪遺留三個下跌裂口, 往下再插就會不斷出現下跌裂口, 熊熊會繼續下移, 下個月有誘因推上回補一兩個裂口

美元及十年期債息向上突破, 持續攀升, 港匯弱到不得了, 熱錢加速流走, 加上數碼稅傳聞, 科企沽壓沉重, 科指拉住港股落山, 公用板塊急升, 代表市場避險情緒高漲, 幸好老外掃A股, 推動上証一插即彈四連升, 穩住了港股

好友力守24500水平, 因為如失守, 斬倉止蝕止賺盤出籠, 跌勢就會加劇, 昨日說感恩節前美股表現通常不會太差, 周三四五係創周低位的時間窗口, 港股下殺危機未除, 由於周波幅未達標, 明日會隊穿今日低位24557來擴大周波幅

港股沽空急增, 牛肥熊瘦, 午後彈上24851可能係扮複式頭肩底來派貨, 只要股民入貨博反彈, 就可幫手推高大市, QQ冇左莊家撐就腳仔軟, 業績後亦不見回購, 幸好今日深大媽買少少QQ, 但滬大媽繼續托住來走貨, 近來QQ日日跌, 拉住港股齊齊尋底, 根據過往統計, QQ明日會有死貓彈, 其實以連跌的慣性走勢, 科指及國指理應會有反彈, 今日恒指彈, 科指及國指沽壓沉重仍未彈, 國指今個星期初跌跌跌, 按照不會全周日日跌的慣性走勢, 明日會收升, 因為月尾升市日數仍未達標,

上証強勢連升四日, 創近一個月新高3602(前頂3625), 明日沽壓會大增, 小心連升斷纜沽壓會加劇, 人民幣雖然仍企強方, 不過上証升抵3600阻力大位, 老外或會沽A股食胡, 當上証見頂回落, 就會推港股落山

我一直唔信港股熊市玩8個月這麼短就結束, 上月恒指收升, 今個月收跌已無懸念, 代表港股沽壓未除, 熊市的大底未必係10月初的23681, 利淡港股的因素十隻手指都數唔晒, 外資沽貨撤退係主力殺跌的因素 「科技女股神」伍德(Cathie Wood)表示,憂慮中國持續打壓部分大型企業,決定暫緩在中國市場加倉, 又係利淡消息

過去5周恒指周波幅900~1100點, 本周一(22/11)高見25100

25100(周頂) - 900~1100點 = 24000~24200

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

恒指連續兩日收升收陽弱彈, 破底屠牛危機未除

25/11(周四)恒指收報24740, 升54點,

底頂下移.24500好淡角力

按照月尾6天升跌日數慣性走勢, 過去幾日恒指2升1跌, 市弱難連升, 未來3個交易日不可能全升, 跌市日數會增加, 反而有可能日日跌, 最多只會升1天, 下周二30/11 MSCI成份股變動, 沽壓會特別大, 今日高見24762, 底頂下移, 按照早前寫C餐跟慣性走勢, 明日就會破底跌穿24481創月內新低來擴大周及月波幅

明日美團公布業績, 禍福難料, 港股牛多熊少是後患, 如市弱未見大底的話, 淡友會在24800~25000攔路, 大鱷亦唔會容許港股彈得太高俾靚位股民造淡及走貨, 恒指雖然連升兩日, 不過亦不應太樂觀, 其實新地建行國壽等多隻測市指標股已創近日收市新低, 港交所低見$447.4, 創半年新低, 預示港股快將破底, 指標股表現反映大鱷臨危托沽, 扮複式頭肩底誤導股民守得住24500, 溫水煮蛙式派貨, 收市U盤已是連續4日走低, 係淡友殺跌訊號

港股繼續尋底, 周三四五係創周低位的時間窗口, 今日現貨跌穿上日低位24557創本周新低24532, 反映本周由淡友主導大市, 現貨低見24532表面上未破月內低位24481, 但其實昨晚夜期低見24425, 已跌穿前底24432, 期指已率先破底, 具啟示作用, 預示未來幾日港股現貨會隊穿24481創月內新低, 因為周及月波幅仍未達標, 淡友未放手, 港股下殺屠牛危機未除, 今晚感恩節美股休市, 冇左ADR做指標, 加上利淡QQ微訊消息, 淡友點玩都得, 如明日破底殺到落24200就可屠肥牛4237張, 24000~24200有牛1474張, 24000樓下目前只得瘦牛

~~~~~~~~~~~~~~~~~~~~~~~~~~~~~~~

死貓彈完續尋底

今日港股死貓彈, 已符合了全周不會日日跌的慣性走勢, 明日會有周末沽壓效應, 上証結束四連升, 3600再攔路, 收3584, 跌8點, 內銀內險油企A股全面捱沽, 係國指彈唔起的主因, 如內地股市明日續跌, 港股就危,

目前港股形勢不妙, 外資減持港股, 在美上市中概股及ADR沽壓沉重, 美元強勢, 熱錢沽港股撤退, 凈番港股基金.投機盤炒作, 有資金趁低吸貨, 大媽推高沽貨減磅, 大行維穩配股, 期結月結買賣盤, 大鱷操控上落的買賣盤, 衍生工具的相關買賣盤, 總的來說, 買盤弱, 沽盤多, 形成低位拉鋸級級落局面, 資金流利淡, 導致成交萎縮

昨日已說QQ今日會跟慣性走勢收升, 結果一度彈上$482.4, 收$477.8, $480阻力非輕, 今日就打回頭, 阿爺監管消息頻傳, 今日就有報道指有多間國企限制員工用微訊, 以消息面及沽壓, 今日QQ不應上$482.4這麼高, 夾硬推高, 可能係大媽踢高派貨和挾淡倉, 如QQ見頂, 港股反彈浪亦結束, 死貓彈完續尋底, 如失守$465不妙, 會推港股落地獄

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

11月最後一周(29/11~3/12)注意事項

港股沽空高企不下, 由淡友主導大市, 龍頭科企沽空增加, 月尾將會拖累恒指插穿24000, 如果跟隨過去幾個月每月都會有新低的慣性走勢, 12月會繼續破底, 要等造淡的空軍食胡回補空倉, 令大市出現類似10/11創新低見24481時低開高收, 單日轉向或收陽的見短底訊號,

睇下權重股表現就知不妙, 日前已提醒大家QQ莊家已走光, QQ就反艇, 回顧16/11美團莊家持倉高峰日, 當天推美團上$297.6, 然後於高位滲貨出街, 莊家開始慢慢撤退, 踏入本周一(22/11)莊家愈沽愈多, 急急腳走鬼, 想趕及本周五(26/11)公布業績前散水, 睇莊家手影就知業績唔慌好, 下周一美團見光死居多,

~  周五(26/11)港股兵慌馬亂, 已偷步跟周五美期大跌, 反映了美股部份跌幅, 港股下周再插落去創新低後能否拗腰向上就要看周一(29/11)美期表現, 亦要看周一半日收市空軍會否加沽

~  周一(29/11)午後/尾市結算塵埃落定, 港股表現是關鍵, 市弱多數係開市初段見即市高位, 然後碌落山, 市強才會先低後高

~  大量亡命牛飛撲入市, 下殺誘因大, 向下每百點級級有肥牛, 由24000一路排到落23400, 23800~24058 (2959張), 23400~23799(4332張)

~  周五(26/11)夜期曾低見23680, 具啟示作用

~  前底23681,  關鍵位23800, 要看周一好友會否撐埋結算, 短炒淡友會否食胡, 博反彈買盤會否進場

~  大媽仍持有重倉港股, 大媽阿爺會否出手護盤, 上証能否守住3550/3513/3500

~  如港匯弱雞, 代表熱錢持續流走, 老外沽貨撤退

~  QQ莊家已鬆人, 見頂$509後反覆急跌, 關鍵位 $465 / 453.4 / $450 / $440

~  26/11(周五) 美團公布業績周一(29/11)會反映, 會否見光死

~  30/11(周二) MSCI  成份股變動

~  3/12(周五) 港股成份股變動, 6/12(周一)正式生效, 周五港股成交會大增, 未來一周要留意美團QQ等減比重股份沽壓會否增加

如11月做細月波幅

25746(頂) - 1800~2200 = 23550~23950

如11月做大月波幅

25746(頂) - 2200起 = 23550或樓下

24000的恒指市帳率略低於1倍, 估值偏低, 但26/11(周五)落到荀價竟然一沉不起, 正常市況應一插即彈, 但市場普遍認為未見底, 洗倉走鬼市沽壓大, 買盤縮, 25000一去不復返, 隊穿24000, 500點級級落, 向下無險可守, 23500.23000.22500.22000.... 冇貨見再大插分注向下買, 如早前冇在高位走貨, 重倉想避險就要趁反彈減磅, 因港股仍未有見底訊號, 下殺危機未除, 仍有下跌空間,

唔少基金經理對港股意興闌珊, 減了港股持倉, 年尾收爐已不願冒風險再入貨, 削弱港股低位的承接力, 港股有災味, 深不見底, 後市不妙, 10月初恒指創今年新低23681後, 元帥已不斷說今年仍會有新低, 年波幅未達標, 熊市閒閒地玩10~12個月, 2月中見頂, 10月創低位, 即係不足8個月, 怎麼可能已見大底呢? 時間及下跌幅度都未夠數噢!

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股期指結算日臨危托沽.部署下殺肥牛

29/11(周一)恒指收報23852, 跌228點, 連跌2日

今日恒指雖然未破10月底部23681, 但卻創今年收市新低, 港匯弱到冇朋友, 熱錢持續沽貨撤退, 恆指周、月、年波幅未達標, 後市仍會有新低

上周五美股暴瀉, 今日美期大彈高, 港股低開後一度拗腰上24134, 但美團公布業績後見光死, 跳落地獄, QQ力撐大市, 仍不敵美團下挫的力度, 淡友力壓大市, 而好友就力守23800, 點都要撐埋結算

內銀內險油企A股全面下跌, 寧德時代.茅台.比亞迪A股彈高撐市, 內地股市雖然收窄跌幅, 但整體下跌股份比例仍高, 不過上証3550失而復得, 大幅低開後一路走高, 差不多收復所有失地, 推動國指跑贏恒指

上周五人民幣收跌, 連跌4天, 今日人民幣收升92點子收報6.3821, 老外上周五大手沽滬A股走鬼, 但今日卻掃入A股, 未知是否與明日MSCI成份股變動有關

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股暴跌後拗腰向上, 收窄跌幅, 靜候死貓彈

30/11(周二)恒指收報23475, 跌377點, 連跌3日

熱錢洗倉式撤退

早前恒指隊到落24481, 扮頭肩底作出大反彈, 見頂25746後再插, 今次隊穿10月底部23681低見23175後, 會不會又扮完成雙底彈番上去, 見頂後才破底落地獄呢?  其實唔少基金經理今年目標睇23000~23200,做8000點年波幅(31183-8000=23183),今日低見23175剛好達標, 雖然形勢惡化, 要向22500.22000進發機會增加, 但基金經理會不會入貨短炒呢?24000的恒指市帳率略低於1倍, 估值偏低, 已經係荀價, 今日隊埋落23175簡直係大平賣, 長線投資者或會趁低吸納, 而災難式大插亦會吸引企業回購股份, 長和今日都回購

早市低見23504月波幅2242點11月已經夠數, 但午後淡友借Moderna表示現有疫苗對付Omicron變種病毒效果差夾硬隊落23175, 係跌過龍, 大市嚴重超賣, 技術性反彈在望, 按照慣性走勢不會全周日日跌,會有反彈,推上去做12月第一個高位, 向上擴大12月波幅, 見頂後再落山, 失守24000後已成為阻力, 上証三連跌後今日果然反彈, 今早吃了昨日入的A股ETF, 後市要看上証生唔生性會否幫下港股, 以熊市來說港股未見大底, 估計呢隻熊要玩跨年, 唔似今年收工

恒指最多插677點, 午後拗腰收窄近一半跌幅, 有可能係投機博反彈盤進場, 基金經理入貨, 又或者淡友回補空倉, VHSI恒指恐慌指數午後急升急回, 最終收跌2.69%, 唔驚喇! 港股連日暴跌, 肥牛已死得七七八八, 要彈上去再養過, 淡友今個月食超過2500點亦飽到上心口, 或會等彈上去再沽過, 沽空又爆燈, 高達$302億, 下月港股仍凶險, 日圓轉強, 代表市場避險情緒升溫, 尋底市博反彈多數係快閃黨, 導致港股彈散易.連升難, 本周港股收跌居多, 臨近周末沽壓會特別大, 23681(前底).23800.24000阻力大

早已說過指標股QQ會插穿月初低位$453.4來擴大波幅, 今早QQ競價開$457.6, 未破底, 當QQ破底, 港股即瀉, 今日黑期結算, 一直擔心會隊穿埋23500, 上午力守呢個水平, 但最終下午碌落23175, 美期午後插水累街坊, 只要QQ明日不再插穿$450大位, 代表港股已見短底, 不過周五恒指季檢執位, 未來3天相關股份會見沽壓, 會拉住港股後腿

恆指插落23200是在預期之內,過去的網誌早已作出預測,不過元帥的劇本係12月見,而不是用來做11月的波幅, 今日淡友偷襲, 短炒11月的空軍以靚絕價食胡, 今日亦有夾硬大插為了屠肥牛的味道, 恆指本周連插兩日,本周波幅已達標,MSCl執位完成,明日12月開新局,結算完玩法唔同咗,今日跌過龍的股份或會作出修正, 兵慌馬亂殺錯良民, 跟跌股都會吸引買盤

疫情惡化令美國加息預期降溫, 美元急跌, 失守96水平, 熱錢撤退, 港匯低見7.8020逾一年低位, 幸好其後回升, 收7.7974, 人民幣兌美元在岸價收報6.3701,升120點子,創半年以來新高, 有助明日穩住中港股市, 其實今日上証表現唔差, 低見3546後彈上3563收, 升2點, 人民幣強爆利好

最新回應

c6
c6 2022/01/29

傷心💔傷感

頭條病咗好耐

c6
c6 2022/01/29

還有買咗一點零食

慢慢食 慶祝新年呀

c6
c6 2022/01/29

報告近日動向

有輸💰有入貨

有掛住🥰大家

c6
c6 2022/01/29

頭條壞咗

不能時常留言

要及早拜年先

祝大家身體健康

祝大家秒秒保重

年年日日發大財💰