古星輝
古星輝
古星輝

人人好「串」

2021/11/12 17:39:09 網誌分類: 經濟
12 Nov
          今日首次喺度同各位讀者見面,分享吓5G所見所聞,請各方能人多多指教。提起見面,自去年疫情以來,我哋學會保持社交距離,見面變得好奢侈,經常糾結於「見或不見」。5G的出現,成為連繫你我的一道橋樑,WFH、網上授課、網上開會,慢慢幫我哋開展「新常態」。

        直播帶貨風速發展

          除了雲端會議平台,網上串流產業嘅發展,真係估佢唔到。有報告預期,2024年亞太區將會成為最大的網上串流服務市場,網上直播內容包羅萬有,任你講得出的節目種類都搵得到,好似會計師L近年已經少睇傳統電視台,改為晚晚追網上節目。佢話:「直播又有、點播又有,真係好方便,仲可以睇到外國內容,眼界都闊好多,我細佬最鍾意睇直播shopping,仲幾乎每次都有收穫。」被L一言驚醒,記起帶貨近年喺內地簡直叫做風速發展,主持於直播中各師各法,真係五花八門,加上提供即時折扣,這種模式深受年輕人歡迎,有報告指出內地的帶貨成交額由2017年起複合增長超過280%,預期明年的成交額將會超過4000億美元。

          睇返香港,自從5G推出,網速快時延短,做直播畫質已經靚過電視,加上流動性強,先天條件已經贏晒,人人都可以做主播,推出自己頻道,只要夠膽有料,都可以由offline紅到online。所以,無論藝人或素人,近年紛紛在不同平台出片,這些短片種類繁多,由演唱、清談、吃喝玩樂,以至足球賽事聲音導航等,全部不是業餘製作,難怪電視製作人都要去串流平台搵靈感。

          L再有好介紹:「聽日下午四點半於慈山寺舉行的『一念一花』5G 4K直播音樂會,將會透過5G網絡直播至全球,鼓勵港人及全球華人於疫情下轉念前行,樂觀應對逆境;當日仲有全港網上供花祈福儀式,透過手機及全息影像投影技術,將盛開蓮花及祈福字句投射到『3D蓮花裝置』之上,極有意義,記得要睇。」其實合辦網絡商已向客戶派發一批精美的「3D蓮花裝置」,大家收到領取通知的話千祈唔好執輸。

          各位讀者,明日下午網上見!

        和記電訊香港行政總裁

        古星輝

        
■內地直播帶貨近年風速發展,這種模式深受年輕人歡迎。資料圖片p/  
 ■內地直播帶貨近年風速發展,這種模式深受年輕人歡迎。資料圖片

   

回應 (0)
我要發表
user