感受一代列車兩個面貌 港鐵邀鐵路迷朝聖 細看退役「黃頭」列車
2021/11/29 04:12:21 網誌分類: 生活
港鐵上周末邀請咗二十五位來自不同鐵路Fans專頁嘅成員,前往何東樓車廠參觀已退役俗稱「黃頭」嘅九廣鐵路第一代電氣化列車,以及現時行走東鐵線十二卡列車,並由港鐵同事介紹列車資料。「黃頭」係九廣鐵路向英國都城嘉慕公司訂購嘅第一代電氣化列車,由一九八一年至一九九一年陸續運抵並投入服務,並於一九九九年榮休。值得一提嘅係,十二卡列車係由「黃頭」翻新而來,又名中期翻新列車。呢次參觀活動讓鐵路Fans一次過感受「一代列車,兩個面貌」。而一般乘客很少機會接觸嘅列車駕駛室,亦開放予鐵路迷觀摩及拍照留念。
小妹同鐵路Fans喺參觀過程之中都十分雀躍興奮,有人好開心咁話,從未乘坐過第一代電氣化列車,對今次參觀活動期望已久,佢哋又感謝港鐵公司嘅安排,活動讓佢哋加深了列車構造同知識。「火車未到站」專頁創辦人紀俊安話:「期望將來港鐵公司會舉辦更多參觀活動,以及分享更多鐵路方面的知識,讓大眾認識鐵路發展與運作。」
Kelly Chu
■港鐵開放列車駕駛室予鐵路迷觀摩及拍照留念。
■活動讓鐵路Fans一次過感受「一代列車,兩個面貌」。
回應 (0)
我要發表