Kelly Chu
Kelly Chu
Kelly Chu

小女孩學劍遭父母否定 江旻憓去信:應相信女兒

2021/11/30 04:12:20 網誌分類: 生活
30 Nov
          「微笑劍后」香港女子重劍選手江旻憓日前喺香港公開劍擊錦標賽奪得女子重劍冠軍,Kelly係佢粉絲,極之開心,除咗仰慕佢嘅運動天份,仲鍾意佢有心。昨天佢就喺網上發文,話近日收到一名熱愛劍擊嘅小女孩傳來的訊息,話佢嘅父母認為她唔夠天份及努力去學習劍擊,江旻憓為此去信小女孩嘅父母,希望佢哋可以相信女兒。

          江旻憓喺社交媒體發文,話收到一個小女孩傳來的訊息,提到父母認為她唔夠天份及唔夠努力,江並無睇完訊息就算,而係去信小女孩嘅父母,並公開信件內容,江旻憓喺信中話,從小女孩嘅訊息中得知,佢好鍾意喜歡劍擊並努力練習,亦好重視父母對於佢嘅睇法同講法。

          江話,明白作為父母會面對壓力,但仍會無條件愛護子女,希望佢哋能相信自己嘅女兒,俾佢享受最喜歡嘅運動。佢仲提到,自己喺劍擊上學習到最重要嘅事,係享受自己嘅努力、充滿希望,而非單單為咗贏取獎牌,所以希望小女孩嘅父母能相信女兒。小妹覺得呢番說話好啱,充滿同理心,又俾空間,等自己努力去實踐,其實過程學到嘅,比結果更加重要,只要全心投入,全力付出,對得住自己,已經ok。

        Kelly Chu

        
■江旻憓(圓圖)公開信件內容。網上圖片p/  
 ■江旻憓(圓圖)公開信件內容。網上圖片

   

  
回應 (0)
我要發表
user