Kelly Chu
Kelly Chu
Kelly Chu

母校170周年 任志剛曾鈺成重組合唱團

2021/12/07 04:12:24 網誌分類: 生活
07 Dec
          名校聖保羅書院今年踏入一百七十周年校慶,唔少名人校友重返母校致賀,好似畢業於六、七年代嘅金管局前總裁、行會成員任志剛、前立法會主席曾鈺成等三十名校友參與同學會合唱團,重拾兒時合唱嘅樂趣,佢哋仲會喺下周二晚假大會堂音樂廳開演唱會。

          聖保羅名校友眾多,除咗任總同曾鈺成之外,仲有全國人大馬豪輝、國際潮團總會執行主席陳幼南等,佢哋呢排返母校同師弟練歌,以聖保羅書院同學會合唱團嘅名義,開籌款音樂會,名為《萬里飛聲頌保羅》,一齊唱六十年代合唱團得獎曲目,一同慶祝母校一百七十周年校慶。

           校友們亦緬懷當年嘅音樂老師吳東牧師,任總話,預科時轉校升讀聖保羅書院,需時適應,兩年來吳東老師悉心嘅指導、學校給予嘅信任,令佢感受到同學之間嘅兄弟情,甚至多年後都繼續參與合唱團演出。

        Kelly Chu

        
■任志剛及陳幼南博士返回母校參與合唱團排練,更在歌曲中有獨唱的部份。p/  
 ■任志剛及陳幼南博士返回母校參與合唱團排練,更在歌曲中有獨唱的部份。

   

回應 (0)
我要發表
user