13~17/12港股破位而下有災味

2021/12/13 23:23:34 網誌分類: 經濟
13 Dec

本周港股繼續好淡通殺.飛天遁地.牛熊齊陣亡

13/12(周一)恒指收報23954, 跌41點, 連跌兩天

見頂訊號

早已提醒大家好友會於議息前推高港股食胡鬆人, 今日港股先高後低, 單日轉向, 超樣衰, 恒指創月內新高24385, 剛好去到史哥所說的關鍵位24348, 以及頸線24400, 20天線在24348, 尋頂結束轉尋底市, 23500.23175.23000.22500.22000...向下級級有肥牛, 熊市勿估底, 不過仍然希望今年守住22500, 明年才落22000

今個月恒指競價多數係裂口大幅高/低開, 企錯邊根本走唔切, 牛熊即死, 未見頂前好友力守23900, 見頂後就會縮手, 10天線危危乎, 向下每百點級級有牛牛, 要買定官才

~ 港股收市表面上跌幅不大, 但唔少股份跌幅遠多過指數, 而且呈大陰燭, 臨危托沽格, 內房及物管股洗倉式急瀉,

~ 連續兩日恒指都係開市初段衝高見頂急跌, 震熊引牛格, 大量牛牛盲中中飛撲入市, 準備歸西, 只要插到落23500就可殺牛約2000張,

~ 本周二三(14~15/12)聯儲局議息, 宣布收水事宜, 匯市已起變化, 熱錢流走, 港匯轉弱見7.8039, 曾見7.8044創兩年新低, 港股危矣! 美元上升不利新興市場股匯

~ 在美上市中概股累積沽空仍大, 鬼佬等利淡消息就會再隊港股

~ 下周(13~17/12)美股四權結算, 商品期貨結算, 周五(17/12)內地股市結算, 預示月中港股會大幅波動

~ 上周五說大鱷咬住24000等貼價牛熊出世, 結果牛熊齊齊入局, 今早創月內新高24385屠熊趙完鬆, 向上擴大周波幅, 見頂後掉頭大插, 明日要落去向下擴大周波幅

~ 今早港股爆升大鱷殺熊, 但恒指國指半日雖然收升但呈陰燭已知唔對路, 內房反艇拖累物管股.本地地產股,內銀.內險, 融創中國跌近8%, 世茂集團暴跌12.16%, 股價創新低, 世茂多隻債券向下, 內房債務問題再度發酵引發恐慌性拋售, 早市屋仔率先倒跌, 午後續瀉, 拉住港股落山, 大鱷今日屠熊, 部署明日殺牛, 好淡通殺

~ 按照慣性走勢今日恒指要收陽, 如今收陰, 打破了慣性走勢, 代表早市尋頂創周高位時好友已閃, 淡友奪回主導權, 午後尋底近低位收, 明日會再插

~ 連續8日收市U盤都踢上去, 但今日收市U盤大幅走低, 係利淡訊號, 代表好友已食胡鬆人

~ 美團董事長兼首席執行官王興於上周三(8/12)減持1.2萬股美團, 平均每股$246.86, 加上新股商湯上市難產, 要延後上市, 皆利淡科指

~ 比亞迪風光不再, 早前已不斷提醒大家迪迪走勢不妙, 自從10月迪迪見頂後, 莊家就陸續沽貨撤退, 連大媽都密密沽車股, 連強勢股都反艇, 港股不妙

~ 上証高見3709, 逼近今年頂部3731, 收3681, 升15點, 3700得而復失, 獲利沽壓隨即湧現, 利淡港股

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

港股急挫.大舉屠牛, 繼續尋底

14/12(周二)恒指收報23636, 大跌318點, 連跌3天

中美股市高處不勝寒.港股低處未算低

通常一個天大利好消息值千點, 大鱷借降準消息踢高港股屠熊, 23315月初低位+1000點=24315, 結果高見24385就見頂回落, 一個天大利淡消息亦值千點, 24385-1000點=23385(前底23315/23175), 總之有利淡消息就500.1000點級級落, 今日低見23560, 失守24000, 向下500點級級落, 23500.23000.22500... 11月曾預測港股熊市會跨年, 大底仍未出現, 明年初會插穿今個月低位創熊市大底

港股慣性走勢係觸底反彈尋頂, 見頂回落再試底, 向下大位23500.23315.23175.23000.22500.22000...., 大鱷舞高弄低, 上下擴大周及月波幅, 殺完淡友殺好友, 明日降準, 周三四五係創周低位的時間窗口, 要插穿今日低位23560來擴大周波幅, 今日港股雖然未創新低, 不過多隻測市指標股已創一個月甚至一年新低, 具啟示作用, 預示港股將會破底

聯儲局議息前美元急升, 熱錢流走, 港匯轉弱, 港股即插, 好友食胡後就唔托市, 接連失守24000.23800, 退守到23500, 內房債務問題繼續發酵引發恐慌性拋售, 屋仔續瀉, 拉住港股落山, 不過港匯急跌創兩年新低7.8044後跌勢喘定, 收7.8010, 要留意明日港匯表現

內地監管政策以及美國制裁中企措施沒完沒了, 今日淡友繼續威威, 但收市U盤竟然俾好友大大力踢高, 收窄跌幅, 後市如收23500/23315之下, 代表好友已棄守, 今日低見23560, 未插穿23500可能係大鱷嫌牛牛唔夠肥, 想養下先, 回顧11月尾港股大插創新低, 係連日屠牛萬多張, 但目前23175附近牛唔係天量, 所以拖多一陣扮跌唔落, 引多些牛牛入局才大插, 24000附近有熊熊今日出世, 23500樓下有小牛止蝕逃命,

整體牛熊分布均衡 10616張牛 VS 9400張熊, 如果直插破23000落地獄大鱷係得不償失, 所以大鱷玩窒窒步跌, 每日跌二三百點, 溫水煮蛙式派貨, 道指恒指差距繼續超標爆燈, 皆因熱錢流走, 出現不問價沽貨洗倉盤, 全民皆艇, 基金經理提早放假, 削弱港股低位的承接力

上証見頂回落, 底頂下移, 走勢轉弱, 明日港股表現要看上証會否續跌, 亦要睇QQ能否守住$450, 如未能重上$460, 就會拉住港股落山, $440係下一個關鍵大位, 插穿不妙, 今日滬大媽掃入QQ托沽, 老外繼續掃入A股

過去4個月恒指都係做2200~2800點大月波幅, 不過12月年尾收爐, 基金經理放假, 股民入市意欲低, 普遍基金經理本來估今年做大約8000點年波幅, 今年底部在23000~23200, 不過當中美有愈來愈多打壓政策出籠, 部份基金經理短線睇22500, 然後預留明年破底再創新低的下跌空間, 不過隊穿22500落去22000可能留待明年首季, 明年港股可能係先低後高, 有基金經理認為明年債市會出事

到今日為止恒指12月高低位23315~24385, 月波幅只得1070點, 遠遠未達標, 碌緊落山準備爆邊,

假設12月未見底, 向下目標:

24385(12月頂) - 1300~1800點細月波幅 = 22585~23085(12月細波下跌目標)

24385(12月頂) - 2200~2800點大月波幅 = 22185~21585(12月大波下跌目標)~但年波幅會超標, 唔似今年見

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股高開低收, 單日轉向, 急挫屠牛, 繼續尋底

15/12(周三)恒指收報23420, 大跌215點, 連跌4天

港股低處未算低

早市大鱷咬住23600扮跌唔落, 震熊引牛, 午後大插跌穿昨日低位23560, 低見23325, 又扮守得住前底23315

~ 恒指由高位24385已嘔千點, 再有新利淡消息就要隊多千點, 今日收23500之下係強烈利淡訊號, 代表好友已撤退, 退守至23000

~ 周三四五係創周低位的時間窗口, 後市要插穿今日低位23325來擴大周及月波幅, 係23500附近磨左幾日扮見底, 樓下牛牛愈養愈肥, 23000~23325有約2800張肥牛, 23500~23000有約3700張, 極具吸引力

~ 按照慣性走勢港股不會全周日日跌, 未來兩天不會全跌, 彈完再插過

~ 上証連跌2天, 通常連跌2~3天就會反彈, 周五內地股市結算

~ QQ罕有地連續6日收陰燭, 沽壓非常沉重, 底頂下移, 弱到不得了, 係港股領跌元兇, 藥明生物暴跌後, 隨即宣布回購股份撐股價

~ 港交所.美團.QQ.阿里等指標股有走鬼味, QQ冇莊家護盤, 走勢疲弱, QQ尋底, 港股尋底, 上月低位23175危矣! 要看破底後淡友會否食胡回補空倉, 如繼續加沽就死得

~ 上証港股上午靠穩, 午後集體跳水, 齊齊近全日低位收, 港股呢兩日跌勢加劇, 皆因淡友等上証周一(13/12)見頂就出手加沽港股, 呢兩日港股成交縮, 但沽空明顯增加, 空軍出手, 後市必插

~ 隨著聯儲局收水, 美股亦見頂回落, 拉住全球股市落山, 上周美股急升, 結束周線連跌弱勢, 皆因本周四權結算, 所以美股急跌急彈, 撐住高位結算,

~ 上月曾說過12月中係股市高危期, 港股今個月先高後低, 愈來愈多股份創一年或歷史新低, 插穿23000其實不難, 只係大鱷想托住來派貨及引好友入局, 當時辰一到就會隊穿, 今年港股的慣性走勢係每次大反彈後就會破底

~ 24000的恒指市帳率略低於1倍, 估值偏低具吸引力, 如今插穿23500更加係荀價, 估計再下試23000長線投資者或會趁低吸納, 淡友亦會回補空倉

~ 聯儲局議息揭盅前美元突破96.5, 人民幣連跌兩天, 港匯進一步走弱, 熱錢再度沽貨走鬼, 港股又插過, 連強勢的上証亦連跌兩天, 3700果然攔路

~ 彭博報道美國政府正在考慮對中芯實施更嚴厲制裁, 市傳美國商務部或將大疆.中國科技.部份生科企業列黑名單, 相關股份急挫, 影響市場氣氛, 人踩人走鬼, 拖累大市全面下跌

~ 美國有32州及華盛頓特區已出現新變種病毒Omicron病例, 英國出現首宗Omicron死亡病例, 白宮一直想淡化Omicron的影響, 但瞞不了多久, 金融市場已俾反應

~ 道指恒指差距連日超過12000點創記錄, 港股大落後, 差距爆燈仍彈唔起, 代表港股有災味, 老鬼登登打壓中國的力度比侵侵更毒辣, 亦係元帥一直認為熊市未完, 大底仍未出現的主因, 建議重溫舊網誌: 港股熊市深潛期, 了解利淡港股的因素 

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股低開高收, 單日轉向, 急挫屠牛, 繼續尋底屠牛之旅

16/12(周四)恒指收報23475, 升54點, 結束四連跌

港股下殺危機未除

~ 今日港股收升, 已符合不會全周日日跌的慣性走勢, 根據統計, 周五係跌市高危日, 明日有周末沽壓效應, 收跌機會高達七成

~ 港匯走弱續創新低見7.8047, 熱錢繼續沽貨撤退

~ 今日港股一插即彈只係短炒的小淡友食胡回補空倉, 大淡友繼續加沽, 後市不妙

~ 港股一如所料創今年新低, 恒指低見23155, 未插穿23000可能係因為本周波幅已達標, 淡友留力下周, 大鱷亦想養肥牛牛, 扮見底, 引好友入局再隊過, 大鱷亦想震走肥熊

~ 恒指低見23155, 月波幅仍未達標, 估計今個月底部在22585~23085, 利淡港股因素沒完沒了, 連續兩日收23500之下, 代表好友已閃

~ 港股一插即彈拗腰上, 唔少股份高收, 但QQ沽壓沉重仍收跌, $450危危乎, 如果連關鍵位$440都守唔住, 就會拉港股落山, 其實今日滬深大媽都買QQ, 惟仍敵不過沽壓, QQ冇莊家護盤日日跌, 底頂下移, QQ未見底, 港股亦未見底, 熊市未完, 每次反彈都係震熊引牛, 繼續潛行凶間

~ 收市U盤大幅走低, 係利淡訊號, 代表好友敗退, 淡友仍主導大市, 沽空高企不下, 預示港股仍會再插

~ 老早已提醒大家比亞迪唔對路, 唔少股民於$300附近炒比亞迪波幅, 大鱷托住來引股民入局, 股民賺賺埋埋最終於今次迪迪的跌浪嘔突, 這就是大鱷臨危托沽, 溫水煮蛙的派貨手法

~ 昨晚議息揭盅消息利淡, 但美股卻爆升, 全城財經分析師都感到莫名其妙, 不過議息當天美股表現通常不是真方向, 只係挾倉, 明日美股四巫結算

~ 上証3700打回頭, 底頂下移, 3650穿梭, 走勢轉弱, 不過老外繼續掃入A股, 上証升27點, 報3675, 以全日最高位收, 結束兩連跌, 明日內地股市結算, 假如上証本周收跌, 明日就要收3666之下, 過去兩周老外大舉掃入A股, 當老外沽貨獲利, 內地股市就大大鑊, 到時港股亦會受拖累

~ 美股彈高亦不應過份樂觀, 大升亦會大跌, 納指高度集中炒幾隻龍頭巨企, 蘋果升過龍, 高位已露疲態, 其他股份今年表現差, 美國金融股近來沽壓沉重

~ 龍頭A股寧德時代.美企德師奶.港股QQ風光不再, 早已見頂回落, 轉勢向下, 仍未見底, 正正是中港美股市的寫照, 災味愈來愈濃, 早已不斷提醒大家重溫11月預測後市的港股熊市深潛期網誌, 重倉要做對沖或減磅, 輕倉就等暴跌才分注向下買, 明年首季仍會有新低

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

17/12 周五恆指收報23192, 大跌282點, 繼續尋底屠牛之旅

港股有災味.底頂下移冇眼睇

昨日說恒指低見23155本周波幅1230點已達標, 淡友大鱷要預留下周的下跌空間, 結果今日低見23158, 未有跌穿昨日低位23155, 大鱷托住扮見底來震熊引牛, BB小熊在23636今日出世, 肥牛在23150, 極具吸引力, 牛熊分布: 牛12493張 VS 熊10018張

以下星期的周波幅及12月波幅來看, 下周理應會跌穿23000, 如連續3日收於其下不妙, 因為向下無險可守, 不過23000係好友最後防線, 如插穿不彈代表好友陣亡, 按照慣性走勢, 其實一眾測市指標股已跌穿橫行區底部, 預示港股將會深潛, 23000樓下牛太肥, 為免夜長夢多, 大鱷想下周拿拿臨食和牛聖誕大餐

昨日港股低開高收, 單日轉向, 引傳統技術派好友入局, 當時元帥已說QQ仍低收, 港股反彈乏力, QQ未見底, 港股未見底, 一直以來QQ都冇創新低係俾大鱷大媽托沽掩護沽出其他股份, 亦想令股民有錯覺以為港股已見大底, 當時機一到, QQ就會暴跌, 拉住港股落地獄

今日國指科指續創新低, 預示後市恒指亦會插穿23155創新低, QQ失守$440大位係強烈利淡訊號, QQ港交所美團都未跌夠, 代表港股仍有下跌空間, 中資股年尾水緊, 內房債務危機, 在美上市中概股遭鬼佬洗倉, 利淡消息會陸續有來

上証今日結算, 淡友大反擊, 低開低走, 一跌到尾, 大跌42點收3632, 失守3650大位, 另一個大插元兇係老外, 過去兩周本來老外一直大舉掃A股, 但今日突然沽貨撤退, 港匯弱雞, 其實由11月尾開始, 熱錢就加速撤離新興市場, 導致恒指於30/11暴跌創低位23175

今日富時更換成份股大執位, 收市U盤成交急增, 淡友成功殺跌收大陰燭, 沽空急增, 代表淡友仍主導大市, 後市必大插, 連大媽掃入QQ撐市都幫唔到手, 美股跌到走樣, 今晚結算冇眼睇

~ 尋底市每周都會有新低, 下周(20~24/12)開新周, 要會插穿本周低位23155來向下擴大周波幅, 23000.22800.22500.22000....

~ 恒指月波幅未達標, 以時間及幅度來看, 下周要向22500進發, 普遍基金經理看明年會插穿22000

~ 上証見頂回落, 結束連升5周的勢頭, 走勢轉弱, 向3600.3550.3500進發, 如失守3600不妙, 阿爺反艇, 降準亦炒完, 淡友無後顧之憂, 可放心隊穿23000

~ 17/12阿爸投資者日公布發展藍圖

~ 多國陸續加息, 加息陰霾下, 相關股份反艇, 利淡市場氣氛

~ 美國加大制裁中國力度, 列34間中國企業機構入制裁名單, 美國列解放軍事醫學科學院入黑名單

~ 大行下調內房目標價及評級

~ QQ美團累積沽空大, 會拉住港股落山, QQ$480打回頭, 今日以全日最低位$438收, 收$440大位之下係強烈利淡訊號, 就要向$400~$410進發, 會累死港股

~ 美債立立亂, 股市必有災

~ 基金經理及不少股民坐艇或提早收爐, 會削弱港股低位的承接力,

~~~~~~~~~~~~~~~~~~~~~~~~~~~~~~~~~~

失守24000, 向下無險可守.每500點級級落

假如今個月收跌, 下周五(24/12)會收23192之下, 如果今個月收升, 下周五(24/12)就會收23192之上, 用周波幅來估市好過睇乜鬼技術分析, 保力加通道.黃金比率大鱷梗識, 會扮見底設陷阱俾技術派踩入去,

我係網誌說大鱷托住大市每次跌二三百點, 溫水煮蛙式派貨, 落到大位窒窒步扮見底, 震熊引牛, 失驚無神插一大棍, 逼好友斬倉令跌勢加劇, 如此描述大鱷的陰謀係全港獨有, 老早已預告12月中危險, 正常市況12月應做細波幅1800點見22500, 不過今次老美收水, 加上有新制裁措施又值千點向下, 所以有可能做大波幅

假如11月低位在23500, 那麼12月低位跌多幾百點就有可能係23000, 但11月尾插得好深, 低見23175, 當時已深知不妙, 因為慣性走勢係每月都會有新低, 11月尾低見23175, 就代表12月低位可能係22500, 甚至更低

一直唔希望今年隊到落22000都係同一道理, 假如今年低位係22000, 明年再隊就會好得人驚, 感覺上港股形勢仲衰過去年, 所以明年就要向去年低位21139進發, 希望今個月炒細月波幅, 守住22500

~~~~~~~~~~~~~~~~~~~~~~~~~~~~~~~~~~

富時指數執位的慣性走勢

富時更換成份股當天收升, 下一個交易日多數會走相反, 即係收跌

富時更換成份股當天收跌, 下一個交易日多數會走相反, 即係收升

如果跟隨呢個慣性走勢, 今日富時執位收跌, 下周一有八成機會收升, 不過今次美股大瀉, 疫情惡化, 以及聯儲局收水, 熱錢流出新興市場, 加上內地股市見頂回落, 老外沽A股撤退, 會否扭曲了慣性走勢, 繼續隊穿23000見22500才出現死貓彈, 呢方面我就唔識估喇!

由於我的統計記錄不齊全, 大家唔好信十足, 總之只要下周一大跌, 就打破了慣性走勢, 應升不升需防插

最新回應

幪面馬仔
幪面馬仔 2022/01/28

{#iconb_359}

Hello

c6
c6 2022/01/28
@soho*...

大元帥師父

別院最後兩個留言

看不到 可以貼在最新留言版嗎?🙏

c6
c6 2022/01/27
@投資高手...

投資高手

大元帥不回家 在別院

大元帥別院 請大家留意

https://sohofriends.blogspot.com/2021/12/21.html

c6
c6 2022/01/27
@試下學下...

高高手好

感謝🙏你回家

你一定變左🐷仔💰