魚骹粥大滿足
2021/12/18 04:12:32 網誌分類: 生活
從前有一段日子經常往油麻地佐敦，總會設法偷出半小時到寧波街的新興棧食碗粥，只是十次有九次都沒有魚骹粥，唯有退而求其次改吃魚腩粥。據說，新興棧主力賣魚粥，以銅煲仔爆香粥料再滾粥，每日賣幾百斤鯇魚，包括魚雲、魚片、魚腩、魚尾、魚鰾。
魚片和魚腩從來不缺，魚鰾的腥味最重，愛好的人不多，一條魚得一個魚頭和一條魚尾，也不是太多人應付得了碎骨，況且都可以斬出多件，不會太快沽清，唯獨一條魚只有左右兩側各一個魚骹，一碗粥用上四個，因此有魚骹賣的粥店，最早賣光的一定是魚骹粥。
上環畢街生記獨沽一味賣粥，魚骹粥也供不應求，上午十一時後中午十二時前能否吃到，真的要等運到。這天本來想吃一碗魚腩牛肉粥，既然有魚骹，便剔走牛肉純粹享受魚味。
魚骹上有一支魚鰭，令到整個魚骹特別掗拃，幾個魚骹擠在一碗粥內，幾支魚鰭便無處容身，伸出碗外，偏偏生記師傅煮粥慷慨，隔離枱和我那碗都逼到滿瀉，大碗粥亦大滿足。
生記賣粥頗周到，若果覺得它的粥底較稠，可要求稀粥底，叫魚粥會跟一碗薑蔥，有骨的還會跟一個骨碟讓客人裝載。雖然薑蔥份量算多，但愛吃薑蔥的人未必滿足，額外添一碗盛惠三元，其實不算貴。
梁家權
回應 (0)
我要發表