木水火
木水火
木水火

虐兒職員拉唔完 為何冇人要問責

2022/01/22 13:00:06 網誌分類: 時事
22 Jan

各位,童樂居可接觸兒童嘅員工亦不過60多人,事件至今虐兒職員仍然愈拉愈有,已有18人被捕,即近三分之一員工;顯然絕非個別事件,而係長期持續,由上至下都係用如此暴力去「管理」幼童;而一眾高層日日返工唔知喺度做乜,對監控錄像從不屑一顧,長期又冇任何監管,否則又點會出現如此驚人嘅長期虐兒事件?在上嘅如此玩忽職守,有關組織負責人理應問責落台,甚或負上刑責!一眾高層管理無方,彰彰明甚,根本就係幫兇,絕對唔係講句「心痛」就當冇事發生! {#iconb_626}

虐兒職員拉唔完 為何冇人要問責

本報率先獨家報道香港保護兒童會轄下「童樂居」,有職員涉虐多名嬰幼兒而被捕。被捕人數及被起訴嘅職員一直在增加。呢嗱!西九龍總區重案組繼續跟進調查,尋日喺黃大仙及沙田拘捕多兩名分別56及46歲院舍女職員,涉嫌對看管兒童或少年人虐待或忽略,佢哋現正被扣查。

「童樂居」變「虐兒地獄」,警方翻查大量天眼片段,發現職員對小至不足兩歲嘅幼童掌摑、篤眼、扯頭髮、撼頭埋牆等暴力虐待,事件引起社會嘩然,怎麼會發生喺號稱文明、法治嘅香港社會?各位,虐兒事件至今約一個月仍在發酵,此案共拘捕18人,警方不排除再有拘捕行動;案件現時總共涉及33名兒童,全部送院檢查。

各位,童樂居可接觸兒童嘅員工亦不過60多人,事件至今虐兒職員仍然愈拉愈有,已有18人被捕,即近三分之一員工;顯然絕非個別事件,而係長期持續,由上至下都係用如此暴力去「管理」幼童;而一眾高層日日返工唔知喺度做乜,對監控錄像從不屑一顧,長期又冇任何監管,否則又點會出現如此驚人嘅長期虐兒事件?在上嘅如此玩忽職守,有關組織負責人理應問責落台,甚或負上刑責!一眾高層管理無方,彰彰明甚,根本就係幫兇,絕對唔係講句「心痛」就當冇事發生! {#iconb_627}

政府至叻賊過興兵,社署早前就忙不迭成立專隊,包括社工、護士及具監管幼兒中心經驗嘅人員,每日駐守,實地密切監察院舍嘅日常運作,確保符合服務質素及切實執行有效嘅改善措施,直接符合社署要求以保障兒童得到妥善照顧;又話自事發以來,已採取連串行動,包括派出由20多位臨床心理學家、護士、社工等組成跨專業團隊前往童樂居調查、視察其運作及檢視工作紀錄,並逐一觀察院舍內70名兒童嘅行為、健康和情緒狀況,確保佢哋情況穩定云云。阿哥,一早應該做嘅依家先嚟補鑊,遲唔遲啲吖!說到底,暴風雪過後忙着深耕植苗,都係門面工夫,睇見都拮眼! {#iconb_234}

嗱!有議員促請勞福局深切反省,強調制度、監管出現空白地帶,引致保護兒童中心變成集體虐兒,故要求政府盡快向立法會提交「沒有保護罪」修例草案等,並促政府增加定期及突擊巡查相關機構及院舍,防止同類事件再發生。

事件至今,虐兒職員拉唔完,保護兒童會又話設獨立委員會調查事件,並會對社署提交報告,而勞福局局長亦不過早前寫吓網誌回應,不排除取消施虐者嘅註冊云云。各位,一眾高層如不問責追究,繼續坐享高薪厚祿,天理不容吖!你叫全港市民點收貨! {#iconb_227}

功夫茶

https://orientaldaily.on.cc/content/要港要聞/odn-20220122-0122_00190_001/虐兒職員拉唔完--為何冇人要問責

回應 (0)
我要發表
user